കോഴിക്കോട്: (KVARTHA) മുഖ്യമന്ത്രിയുടെ വാഹനവ്യൂഹത്തിന് ഇടയിലേക്ക് കടന്നുകയറിയ വാഹനവും അതിലുണ്ടായിരുന്ന അഞ്ചുപേരെയും പോലീസ് കസ്റ്റഡിയിലെടുത്തു. ഞായറാഴ്ച രാത്രി പത്ത് മണിയോടെയാണ് സംഭവം നടന്നത്. കോഴിക്കോട് ഗസ്റ്റ് ഹൗസിലേക്ക് വരികയായിരുന്ന മുഖ്യമന്ത്രി സഞ്ചരിച്ച വാഹനവ്യൂഹത്തിലേക്ക് എലത്തൂരിൽ വെച്ച് ഈ സംഘം കടക്കുകയായിരുന്നു. മൂന്ന് തവണ പോലീസ് മുന്നറിയിപ്പ് നൽകിയിട്ടും അനുസരിക്കാതെ വന്നതോടെ വെസ്റ്റിൽ ചുങ്കത്ത് വെച്ച് വാഹനവും അതിലുണ്ടായിരുന്നവരെയും കസ്റ്റഡിയിലെടുക്കുകയായിരുന്നു.

ചോദ്യം ചെയ്യലിൽ ഇവർ ഇലക്ട്രിക്കൽ തൊഴിലാളികളാണെന്ന് പോലീസ് വ്യക്തമാക്കി. കണ്ണൂരിൽ നിന്ന് പാലക്കാട്ടേക്ക് പോകുകയായിരുന്നു ഈ സംഘം. കണ്ണൂർ, മലപ്പുറം, പാലക്കാട് സ്വദേശികളായ ഇവർക്ക് ക്രിമിനൽ പശ്ചാത്തലമില്ലെന്ന് അന്വേഷണത്തിൽ കണ്ടെത്തി. തുടർന്ന് കരുതൽ തടങ്കലിൽ വെച്ചശേഷം സ്റ്റേഷൻ ജാമ്യത്തിൽ വിട്ടയച്ചതായും പോലീസ് അറിയിച്ചു.

ഈ വാർത്ത നിങ്ങളുടെ സുഹൃത്തുക്കളുമായി പങ്കുവച്ച് അഭിപ്രായം രേഖപ്പെടുത്തൂ.

Article Summary: Five detained after entering CM's convoy in Kozhikode, later released.

#KeralaCM, #PoliceAction, #Kozhikode, #ConvoyIncident, #KeralaNews, #LawAndOrder