തിരുവനന്തപുരം: (KVARTHA) വിതുരയിൽ ലഹരി ഉപയോഗം ചോദ്യം ചെയ്ത അമ്മയെ മകനും സുഹൃത്തും ചേർന്ന് ക്രൂരമായി മർദിച്ച സംഭവത്തിൽ കൂടുതൽ ഞെട്ടിക്കുന്ന വിവരങ്ങൾ പുറത്തുവന്നു. വിതുര മേമല സ്വദേശിനിയായ മെഴ്സിയെയാണ് (57) സ്വന്തം മകനായ അനൂപും (23) സുഹൃത്ത് സംഗീത ദാസും (19) ചേർന്ന് മർദിച്ചതെന്നാണ് കേസ്. ഞായറാഴ്ച രാവിലെയായിരുന്നു സംഭവം.

അനൂപ് ലഹരി ഉപയോഗിക്കുന്നത് മെഴ്സി വിലക്കിയതാണ് അക്രമത്തിന് കാരണമെന്നാണ് പൊലീസ് പറയുന്നത്. ഇതിൽ പ്രകോപിതരായ അനൂപും സംഗീതയും ചേർന്ന് ആദ്യം വീട്ടിൽ വെച്ച് മെഴ്സിയെ മർദിക്കുകയും പിന്നീട് അവരെ റോഡിലേക്ക് വലിച്ചിഴക്കുകയും ചെയ്തുവെന്നാണ് കേസ്. അവിടെ വെച്ചും ഇരുവരും ചേർന്ന് മെഴ്സിയെ ക്രൂരമായി മർദിക്കുകയും അവർ ധരിച്ചിരുന്ന നൈറ്റി വലിച്ചുകീറുകയും ചെയ്തതായാണ് പരാതി. ആളുകൾ നോക്കിനിൽക്കെയാണ് ഈ അതിക്രമം നടന്നത്.

ബഹളം കേട്ടെത്തിയ നാട്ടുകാരാണ് ഉടൻതന്നെ പാലോട് പൊലീസിൽ വിവരമറിയിച്ചത്. പൊലീസ് സ്ഥലത്തെത്തി അനൂപിനെയും സംഗീതയെയും അറസ്റ്റ് ചെയ്തു. വെൽഡിംഗ് തൊഴിലാളിയായ അനൂപും സംഗീത ദാസും കുറച്ചു ദിവസങ്ങളായി ഒരുമിച്ചാണ് താമസം. അനൂപ് മുൻപും വീട്ടിൽ വഴക്കുണ്ടാക്കാറുണ്ടായിരുന്നു എന്ന് നാട്ടുകാർ പൊലീസിനോട് പറഞ്ഞു. അറസ്റ്റിലായ പ്രതികളെ പിന്നീട് നെടുമങ്ങാട് കോടതിയിൽ ഹാജരാക്കുകയും റിമാൻഡ് ചെയ്യുകയും ചെയ്തു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുമല്ലോ?

An incident occurred in Vithura, Thiruvananthapuram, where a woman was assaulted by drug-addicted man and his friend after she questioned his drug use. The assault took place both at home and on the road, where her clothes were torn off in public view. Both the son and his friend have been arrested and remanded in custody.

#Crime, #Violence, #Drugs, #Kerala, #Arrest, #Thiruvananthapuram