കൊച്ചി: (KVARTHA) എംഡിഎംഎയുമായി യൂട്യൂബറും സുഹൃത്തും കൊച്ചിയിൽ പിടിയിലായി. കോഴിക്കോട് സ്വദേശികളായ റിൻസിയും സുഹൃത്ത് യാസർ അറാഫത്തുമാണ് തൃക്കാക്കര പോലീസിൻ്റെ പിടിയിലായത്. കാക്കനാട് പാലച്ചുവട്ടിൽ ഇവർ താമസിച്ചിരുന്ന ഫ്ലാറ്റിൽ നടത്തിയ പരിശോധനയിലാണ് 22.5 ഗ്രാം എംഡിഎംഎ പിടിച്ചെടുത്തത്.

ഡാൻസാഫ് (ഡിസ്ട്രിക്ട് ആന്റി നാർക്കോട്ടിക് സ്പെഷ്യൽ ആക്ഷൻ ഫോഴ്സ്) സംഘത്തിന് ലഭിച്ച രഹസ്യവിവരത്തെ തുടർന്നായിരുന്നു ഫ്ലാറ്റിൽ പരിശോധന നടത്തിയത്. പിടിയിലായവർ എംഡിഎംഎ വിൽപ്പനക്കാരാണോ എന്നും പോലീസ് സംശയിക്കുന്നുണ്ട്. രാത്രി വൈകിയും പ്രതികളുടെ ഫ്ലാറ്റിൽ പരിശോധന തുടർന്നു. പരിശോധനയ്ക്ക് ശേഷം പ്രതികളെ വൈദ്യപരിശോധനയ്ക്ക് വിധേയരാക്കി.

റിൻസിക്കും യാസറിനും എവിടെ നിന്നാണ് എംഡിഎംഎ ലഭിച്ചതെന്നതടക്കം പോലീസ് അന്വേഷിക്കുമെന്ന് അറിയിച്ചു. നാട്ടിൽനിന്നുള്ള ഒരാളിൽനിന്നാണ് എംഡിഎംഎ വാങ്ങിയതെന്നാണ് ഇരുവരും പോലീസിന് നൽകിയിരിക്കുന്ന മൊഴി.
 

ഈ വാർത്ത നിങ്ങളുടെ സുഹൃത്തുക്കളുമായി പങ്കുവെച്ച് ലഹരിമുക്ത കേരളത്തിനായി കൈകോർക്കുക.

Article Summary: Youtuber and friend arrested with MDMA in Kochi.

#MDMADrugs #KochiPolice #KeralaDrugs #DrugBust #YoutuberArrested #AntiNarcotics