Hi guest ,  welcome  |   Sign in   |   Visit KeralaFlash   |   Download Font

56 ഇഞ്ച് നെഞ്ചളവല്ല, നാലിഞ്ചു ഹൃദയമാണ് വേണ്ടതെന്ന് മോഡിയോട് തൃണമൂല്‍ എം പി

pf-button-both

Written By kvarthapressclub on Monday, December 22, 2014 | 10:30 pm

ഡെല്‍ഹി: (www.kvartha.com 22.12.2014) 56 ഇഞ്ച് നെഞ്ചളവല്ല, നാലിഞ്ചു ഹൃദയമാണ് വേണ്ടതെന്നു പ്രധാനമന്ത്രി നരേന്ദ്രമോഡിയോട് തൃണമൂല്‍ എം പി ഡറെക് ഒബ്രിയന്‍. രാജ്യത്ത് മതപരിവര്‍ത്തന വിഷയം വര്‍ധിച്ചുവരുന്ന സാഹചര്യത്തില്‍ മോഡി ഇതുവരെ പ്രസ്താവന നടത്താത്തതില്‍ പ്രതിഷേധിച്ചാണ് രാജ്യസഭയില്‍ തൃണമൂല്‍ എം പി ഇത്തരത്തില്‍ പ്രതികരിച്ചത്.

മതപരിവര്‍ത്തനത്തെ ചൊല്ലി പ്രതിപക്ഷ ബഹളം കാരണം തിങ്കളാഴ്ചയും സഭ നിര്‍ത്തിവെച്ചിരുന്നു. ഉച്ചക്ക് മുമ്പ് മൂന്നു തവണയാണ് സഭ നിര്‍ത്തിവെക്കേണ്ടി വന്നത്.
പാര്‍ലമെന്റിന്റെ ശീതകാല സമ്മേളനം ചൊവ്വാഴ്ച അവസാനിക്കാനിരിക്കെ, മതപരിവര്‍ത്തനത്തെ ചൊല്ലി പ്രതിപക്ഷം തുടര്‍ച്ചയായി ഇരുസഭകളും സ്തംഭിപ്പിച്ചിട്ടും പ്രധാനമന്ത്രി ഇക്കാര്യത്തില്‍ നിശബ്ദത തുടരുകയാണ്.

അതിനിടെ ശനിയാഴ്ച ഗുജറാത്ത് വല്‍സാദ് ജില്ലയിലെ അര്‍നായി ഗ്രാമത്തില്‍ 100 ഓളം ഗോത്രവര്‍ഗ ക്രിസ്ത്യാനികളെ കൂട്ടത്തോടെ  ഹിന്ദുമതത്തിലേക്ക് പരിവര്‍ത്തനം നടത്തിയ സംഭവം വിവാദമായതോടെ  കടുത്ത അതൃപ്തിയുമായി മോഡി രംഗത്തെത്തിയിരുന്നു.  ഇതേ തുടര്‍ന്ന് എല്ലാ വിഎച്ച്പി പ്രവര്‍ത്തകര്‍ക്കും ഘര്‍ വാപസി നിര്‍ത്തിവെക്കാന്‍ നേതാക്കള്‍ നിര്‍ദേശം നല്‍കി.

4-inch heart, not 56-inch chest needed to come to Parliament, New Delhi, Prime Ministerഈ പശ്ചാത്തലത്തിലാണ് ഘര്‍ വാപസി താല്‍ക്കാലികമായി നിര്‍ത്തിവെക്കുന്നതായി വിഎച്ച്പി അധ്യക്ഷന്‍ പ്രവീണ്‍ തൊഗാഡിയ അറിയിച്ചത്. മറ്റ് മതങ്ങളിലേക്ക് പോയ നിരവധി പേരാണ് ഘര്‍ വാപസിയുടെ ഫലമായി തിരിച്ചെത്തിയത്.  ഹിന്ദു മതത്തിലേയ്ക്ക് ചേരാന്‍ ആഗ്രഹിക്കുന്നവര്‍ക്ക് ഒരു കൈത്താങ്ങ് നല്‍കുക മാത്രമാണ് തങ്ങള്‍ ചെയ്തതെന്നും തൊഗാഡിയ പറയുന്നു.

വി.എച്ച്.പി അഖിലേന്ത്യ പ്രസിഡന്റ് അശോക് സിംഗാളും ഇതു ശരിവെച്ചു. സംഘടനക്കു മേല്‍
ഒരു സമ്മര്‍ദവുമില്ലെന്നു അദ്ദേഹം വ്യക്തമാക്കി. അതേസമയം ക്രിസ്മസ് ദിനത്തില്‍ അലിഗഡില്‍ നടത്താന്‍ തീരുമാനിച്ച 'ഘര്‍ വാപസി' നിര്‍ത്തിവെച്ചെങ്കിലും പുനപരിവര്‍ത്തനം എന്ന അജണ്ടയുമായി മുന്നോട്ട് പോകാനാണ് വി.എച്ച്.പിയുടെ  തീരുമാനം. ഇന്ത്യ ഹിന്ദു രാഷ്ട്രമാകുന്നു എന്ന പ്രസ്താവനയിലൂടെ ആര്‍.എസ്.എസ് മേധാവി മോഹന്‍ ഭാഗവതും വി.എച്ച്.പി നീക്കങ്ങള്‍ക്ക് സമ്പൂര്‍ണ പിന്തുണ പ്രഖ്യാപിച്ചിരിക്കയാണ്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം


Keywords: 4-inch heart, not 56-inch chest needed to come to Parliament, New Delhi, Prime Minister, Narendra Modi, VHP, National.
10:30 pm | 0 comments

പാലക്കാട് കെഎഫ്‌സിയിലെ മാവോയിസ്റ്റ് ആക്രമണം: 2 കാസര്‍കോട് സ്വദേശികള്‍ അറസ്റ്റില്‍; യുഎപിഎ ചുമത്തി

pf-button-both
പാലക്കാട്: (www.kvartha.com 22.12.2014) പാലക്കാട് കെഎഫ്‌സി ചിക്കന്‍ സെന്ററില്‍ നടന്ന മാവോയിസ്റ്റ് അക്രമണവുമായി ബന്ധപ്പെട്ട് കാസര്‍കോട് സ്വദേശികളായ രണ്ട് പേരെ പാലക്കാട് എസ്പിയുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തു. കാസര്‍കോട് ചെറുവത്തൂര്‍ തിമിരി പാലത്തേരയിലെ ശ്രീകാന്ത്, തൃക്കരിപ്പൂര്‍ ഇളമ്പച്ചയിലെ അരുണ്‍ കുമാര്‍ എന്നിവരെയാണ് അറസ്റ്റ് ചെയ്തത്. പ്രതികള്‍ക്കെതിരെ യു.എ.പി.എ ചുമത്തി.

പാലക്കാട് മങ്കര പോലീസാണ് ഇവര്‍ക്കെതിരെ കേസെടുത്തത്. ശ്രീകാന്ത് വയനാട് സുല്‍ത്താന്‍ ബത്തേരിയില്‍ ബിഎഡ് വിദ്യാര്‍ത്ഥിയാണ്. തൃശൂരില്‍ ജേര്‍ണലിസം വിദ്യാര്‍ത്ഥിയാണ് അരുണ്‍ കുമാര്‍. ഇവരെ പോലീസ് വിശദമായി ചോദ്യംചെയ്തു വരികയാണ്. സംഘത്തില്‍ 11 പേരുണ്ടായിരുന്നതായാണ് വിവരം.

സിസിടിവിയില്‍ നിന്നും ലഭിച്ച ദൃശ്യങ്ങളില്‍ നിന്നാണ് പ്രതികളെ തിരിച്ചറിഞ്ഞത്. പാലക്കാട്ട് ബസില്‍ വെച്ചാണ് ഇരുവരെയും പിടികൂടിയത്. പാലക്കാട് പോലീസ് നല്‍കിയ വിവരത്തിന്റെ അടിസ്ഥാനത്തില്‍ കാസര്‍കോട് എസ്.പി തോംസണ്‍ ജോസിന്റെ നേതൃത്വത്തില്‍ ഇരുവരുടെയും വീടുകളില്‍ നടത്തിയ റെയ്ഡില്‍ ഒരു കത്തിയും മാവോയിസ്റ്റ് അനുകൂല പോസ്റ്ററുകളും ലഘുലേഖകളും കണ്ടെത്തിയിട്ടുണ്ട്.

കേരളത്തില്‍ മൂന്നിടങ്ങളിലായി ഒരേസമയമാണ് മാവോയിസ്റ്റുകള്‍ അക്രമം നടത്തി പോലീസിനെ വെട്ടിച്ചത്. ആഴ്ചകള്‍ക്ക് മുമ്പ് കാഞ്ഞങ്ങാട്ടും നീലേശ്വരത്തും മറ്റും മാവോയിസ്റ്റ് അനുകൂല പോസ്റ്ററുകള്‍ പതിച്ചത് ഇപ്പോള്‍ അറസ്റ്റിലായ ശ്രീകാന്തും അരുണ്‍ കുമാറുമാണെന്ന സംശയം ബലപ്പെട്ടിട്ടുണ്ട്. അറസ്റ്റിലായവര്‍ സി.പി.ഐ മാവോയിസ്റ്റ് പശ്ചിമ ഘട്ട മേഖലാ കമ്മിറ്റി പ്രവര്‍ത്തകരാണെന്നാണ് പോലീസ് നല്‍കുന്ന സൂചന.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം

Keywords: Palakkad, Maoists, Arrest, Kasaragod, Kerala, Police, Case, Palakkad, Attack, Shreekanth, Arun Kumar. 
9:54 pm | 0 comments

കോണ്‍ഗ്രസില്‍ അംഗത്വം ലഭിക്കണമെങ്കില്‍ വിശ്വസ്തത തെളിയിക്കണം: രാഹുല്‍ഗാന്ധി

pf-button-both
ഡെല്‍ഹി: (www.kvartha.com 22.12.2014) കോണ്‍ഗ്രസിനെ ശക്തിപ്പെടുത്താന്‍ പുതിയ അടവുകളുമായി ഉപാധ്യക്ഷന്‍ രാഹുല്‍ഗാന്ധി രംഗത്ത്. പാര്‍ട്ടിയില്‍ ചേരണമെങ്കില്‍ അംഗങ്ങള്‍ വിശ്വസ്തത തെളിയിക്കണമെന്നാണ് രാഹുല്‍ നിര്‍ദേശിച്ചിരിക്കുന്നത്.

രാജ്യമെങ്ങും മോഡി തരംഗം സൃഷ്ടിക്കുമ്പോഴാണ് രാഹുലിന്റെ പുതിയ തീരുമാനം. ഇത്തരം തീരുമാനങ്ങള്‍ കൊണ്ട്  ഉള്ള അംഗങ്ങള്‍ പോലും ഒഴിഞ്ഞു പോകുമെന്നാണ് കോണ്‍ഗ്രസിലെ തന്നെ ചില നേതാക്കള്‍ പറയുന്നത്. ഇതനുസരിച്ച് കോണ്‍ഗ്രസില്‍ അംഗത്വം ലഭിക്കാന്‍ രണ്ടു വര്‍ഷം പാര്‍ട്ടിയില്‍ പ്രവര്‍ത്തിച്ച് കാണിക്കണം.

Rahul says congress are trying to reduce the membership, Lok Sabha, Election, Criticism,മാത്രമല്ല പ്രാഥമിക അംഗങ്ങളും സജീവ അംഗങ്ങളുമെന്ന പഴയ രീതിയിലേക്ക് നീങ്ങാനാണ് കോണ്‍ഗ്രസിന്റെ ആലോചന. പ്രാഥമിക അംഗമായി പാര്‍ട്ടിയില്‍ ചേരുന്നയാള്‍ രണ്ടു വര്‍ഷം കഴിവ് തെളിയിച്ച് പാര്‍ട്ടിക്ക് വിശ്വാസം ഉറപ്പുവരുത്തണം. എന്നാല്‍  മാത്രമേ സജീവ അംഗത്വം ലഭിക്കൂ.  പാര്‍ട്ടിയോട് വിശ്വസ്തതയുള്ള പ്രവര്‍ത്തകരെ സൃഷ്ടിക്കുകയാണ് ഇത്തരം നടപടികളിലൂടെ ലക്ഷ്യമിടുന്നതെന്നും രാഹുല്‍ പറഞ്ഞു.

അംഗങ്ങള്‍ കൂടിയതു കൊണ്ടൊന്നും   പാര്‍ട്ടി ശക്തി പ്രാപിക്കില്ല. ആത്മാര്‍ഥമായ
പ്രവര്‍ത്തനത്തിലാണ് കാര്യമെന്നും രാഹുല്‍ വ്യക്തമാക്കി. ലോക്‌സഭാ തെരഞ്ഞെടുപ്പില്‍ കനത്ത തോല്‍വി നേരിട്ട സാഹചര്യത്തിലാണ് രാഹുല്‍ പുതിയ തീരുമാനങ്ങളെടുക്കുന്നതെന്നാണ് വിലയിരുത്തല്‍. രാഹുലിന്റെ പുതിയ നയങ്ങളാണ് തെരഞ്ഞെടുപ്പ് തോല്‍വിക്ക് കാരണമെന്ന വിമര്‍ശനവും ഉയര്‍ന്നിരുന്നു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം


Keywords: Rahul says congress are trying to reduce the membership, Lok Sabha, Election, Criticism, Leaders, National.
3:50 pm | 0 comments

കര്‍ണാടകയില്‍ 10 വര്‍ഷത്തില്‍ 19,483 കര്‍ഷക ആത്മഹത്യകള്‍

pf-button-both
ബെല്‍ഗാവി: (www.kvartha.com 22.12.2014) കര്‍ണാടകയില്‍ 10 വര്‍ഷത്തിനകം 19,483 കര്‍ഷകര്‍ ജീവനൊടുക്കിയതായി കൃഷി മന്ത്രി കൃഷ്ണ ബൈറെ ഗൗഡ നിയമസഭയെ അറിയിച്ചു. ജനതാദള്‍ (എസ്) എം.എല്‍.എ. ഗോപാലയ്യയുടെ ചോദ്യത്തിനു എഴുതി നല്‍കിയ മറുപടിയിലാണ് മന്ത്രി ഇക്കാര്യം അറിയിച്ചത്.

19,483 ആത്മഹത്യകളില്‍ 2,414 എണ്ണത്തിന്റെ വിവരങ്ങള്‍ മാത്രമേ കൃഷിവകുപ്പിന്റെ പക്കലുള്ളൂ. അവശേഷിച്ചവരുടെ കണക്കുകള്‍ നാഷണല്‍ ക്രൈം റെക്കോര്‍ഡ് ബ്യൂറോയുടേതാണെന്നും മന്ത്രി പറഞ്ഞു.

2,414 ആത്മഹത്യകളില്‍ 1,231 കേസുകള്‍ സര്‍ക്കാര്‍ നഷ്ടപരിഹാരത്തിനു അര്‍ഹമാണ്. 200708 മുതല്‍ ആത്മഹത്യകള്‍ കുറഞ്ഞുവരികയാണ്. 200607 വര്‍ഷത്തില്‍ 176 പേരും, 200708 വര്‍ഷത്തില്‍ 182 പേരുമാണ് ജീവനൊടുക്കിയത്. 200809 വര്‍ഷത്തില്‍ 156, 200910ല്‍ 146, 301314 വര്‍ഷത്തില്‍ 58 പേരും ജീവനൊടുക്കിയതായും മന്ത്രി കണക്കുകള്‍ നിരത്തി വ്യക്തമാക്കി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം

Keywords: Karnataka, Farmers, Suicide, National, Obituary, 19,483 farmers ended lives in Karnataka in 10 years. 
3:45 pm | 0 comments

84 ലക്ഷം ദയാധനം നല്‍കി മലയാളികള്‍ വധശിക്ഷയില്‍ നിന്നും രക്ഷപ്പെട്ടു

pf-button-both
റിയാദ്: (www.kvartha.com 22.12.2014) കൊലക്കേസില്‍ നിന്നും രക്ഷപ്പെടാന്‍ മലയാളികള്‍ക്ക് നല്‍കേണ്ടി വന്നത് 84 ലക്ഷം രൂപ. മംഗലാപുരം സ്വദേശി അഷ്‌റഫിനെ കൊലപ്പെടുത്തിയ കേസില്‍ വധശിക്ഷയ്ക്ക് വിധിക്കപ്പെട്ട മൂന്ന് മലയാളികളാണ് 84 ലക്ഷം ദയാ ധനം നല്‍കി കുറ്റവിമുക്തരായത്. ഫസല്‍ ഇരിട്ടി(35),മുസ്തഫ കുന്നത്ത്(33), എം ഷക്കീര്‍(36) എന്നിവരാണ് സൗദി അറേബ്യയിലെ അല്‍ ഹെയര്‍ ജയിലില്‍ നിന്നും മോചിതരായി നാട്ടില്‍ തിരിച്ചെത്തിയത്.

 Malayalees, Saudi Arabia, Jail, Killed, Family,പ്രമുഖ വ്യവസായിയും നോര്‍ക്ക ഡയറക്ടറുമായ ഡോ.സി.കെ മേനോനാണ് ഇവര്‍ക്കുവേണ്ടി ദയാധനം കെട്ടിവെച്ചത്. താമസ സ്ഥലത്തുവെച്ച് നടന്ന കലഹമാണ് ഒടുവില്‍ കൊലപാതകത്തില്‍ കലാശിച്ചത്. കലഹത്തിനിടെ ഇവര്‍ അഷ്‌റഫിനെ ആക്രമിക്കുകയും കൊലപ്പെടുത്തുകയുമായിരുന്നു. കൊലയ്ക്ക് ശേഷം മൃതദേഹം ഒളിപ്പിക്കാനുള്ള ശ്രമത്തിനിടെ മൂവരും സൗദി പോലീസിന്റെ പിടിയിലാവുകയായിരുന്നു.

തുടര്‍ന്ന് മൂവര്‍ക്കും സൗദി കോടതി വധശിക്ഷ വിധിച്ചു. വധശിക്ഷയില്‍ നിന്നും
രക്ഷപ്പെടുത്താനായി നോര്‍ക്ക കോര്‍ഡിനേറ്റര്‍ ശിഹാബ് കൊട്ടുകാടും മറ്റ് സാമൂഹ്യ പ്രവര്‍ത്തകരും അഷ്‌റഫിന്റെ കുടുംബാംഗങ്ങളുമായി നിരന്തരം ചര്‍ച്ച നടത്തിയിരുന്നു. ഇതേതുടര്‍ന്നാണ് ദയാധനം സ്വീകരിക്കാന്‍ അഷ്‌റഫിന്റെ പിതാവ് അബ്ദുള്‍ ഖാദര്‍ തയ്യാറായത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം

Also Read:
ചാനല്‍ റിപ്പോര്‍ട്ടറില്‍ നിന്നും മൊബൈല്‍ ഫോണും സ്വര്‍ണവും തട്ടിയ മൂന്നംഗ സംഘം പോലീസ് പിടിയില്‍
Keywords: Malayalees, Saudi Arabia, Jail, Killed, Family, Conference, Gulf.
3:31 pm | 0 comments

പഠന യാത്ര കഴിഞ്ഞ് അവര്‍ തിരിച്ചെത്തി; താമസിയാതെ ഗര്‍ഭിണികളായി

pf-button-both

യൂറോപ്പ്: (www.kvartha.com 21.12.2014) സന്തോഷത്തോടെ മക്കളെ സ്റ്റഡി ടൂറിന് അയച്ചപ്പോള്‍ പുലിവാലു പിടിക്കുമെന്ന് കരുതിയതല്ല ആ അച്ഛനമ്മമാര്‍. ടൂറും കഴിഞ്ഞ് വീട്ടിലെത്തിയ പതിമൂന്നും പതിനാലും വയസ് മാത്രമുള്ള പെണ്‍കുട്ടികള്‍ക്ക് തലചുറ്റലും ചര്‍ദിയും. ഡോക്ടറെ കാണിച്ചപ്പോഴാണ് സംഭവത്തിന്റെ ഗൗരവം മനസിലായത്. എല്ലാവരും ഗര്‍ഭിണികള്‍. .

യൂറോപ്യന്‍ രാജ്യമായ ബോസ്‌നിയയിലാണ് സംഭവം. ബന്‍യ ലുക നഗരത്തിലെ സ്‌കൂളില്‍ നിന്നും ബോസ്‌നിയന്‍ തലസ്ഥാനമായ സരായെവോയിലേക്ക് അഞ്ചു ദിവസത്തെ സ്റ്റഡി ടൂറിനായി പോയ ഏഴ് വിദ്യാര്‍ത്ഥിനികളാണ് ഗര്‍ഭിണികളായത്.

സംഭവമറിഞ്ഞതോടെ അധ്യാപകരുടെ കരുതലും മേല്‍നോട്ടവും വേണ്ടത്ര ലഭിച്ചില്ലെന്ന് പരാതിയുമായി രക്ഷിതാക്കളും രംഗത്തെത്തി. 28 പെണ്‍കുട്ടികളാണ് സ്റ്റഡി ടൂര്‍ സംഘത്തില്‍ ഉണ്ടായിരുന്നത്.

Student, Pregnant Woman, Daughters, Europe, Parents, Home, Doctor, school, Teacher, Gulf

Also Read: കാസര്‍കോട് മഹോത്സവം ഓഫീസ് ഉദ്ഘാടനം ചെയ്തു

Keywords: Student, Pregnant Woman, Daughters, Europe, Parents, Home, Doctor, school, Teacher, Gulf
3:30 pm | 0 comments

15 കാരനെ പ്രലോഭിപ്പിച്ചു തുണിക്കടയില്‍ കൊണ്ടു പോയി പീഡിപ്പിച്ചു; ജീവനക്കാരനെതിരെ കേസ്

pf-button-both
കുമ്പള: (www.kvartha.com 22.12.2014)15 കാരനെ തുണിക്കടയില്‍ വെച്ചു പ്രകൃതി വിരുദ്ധ പീഡനത്തിനിരയാക്കിയെന്ന പരാതിയില്‍ കടയിലെ ജീവനക്കാരനെതിരെ കാസര്‍കോട് കുമ്പള പോലീസ് കേസെടുത്തു. കുമ്പള ടെമ്പിള്‍ റോഡിലെ തുണിക്കടയിലെ ജീവനക്കാരന്‍ മൊഗ്രാലിലെ മമ്മുഞ്ഞിക്കെതിരെയാണ് കേസ്.

ഞായറാഴ്ച രാവിലെയാണ് മുഖാരിക്കണ്ടത്തെ 15 കാരന്‍ പീഡനത്തിനിരയായത്. കടയുടെ മുന്നിലൂടെ പോവുകയായിരുന്ന കുട്ടിയെ കടയിലേക്കു പ്രലോഭിപ്പിച്ചു കൂട്ടിക്കൊണ്ടു പോയി പീഡിപ്പിച്ചുവെന്നാണ് പരാതി. വീട്ടിലെത്തിയ കുട്ടി അസ്വസ്ഥത പ്രകടിപ്പിച്ചതിനെ തുടര്‍ന്നു കാര്യം തിരക്കിയപ്പോഴാണ് പീഡനം പുറത്തായത്. പ്രതി പോലീസിന്റെ കസ്റ്റഡിയിലാണ്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം

Keywords: Kasaragod, Arrest, Accused, Molestation, Kerala, Dress Shop, Complaint. 
3:18 pm | 0 comments

മറവിക്കാരെ ഇതിലേ ഇതിലേ...ഓര്‍മ്മകള്‍ മരിക്കുന്നില്ല

pf-button-both
ന്യൂയോര്‍ക്ക്: (www.kvartha.com 22.12.2014) മറവിരോഗം മൂലം കഷ്ടപ്പെടുന്നവര്‍ക്ക് ഒരു സന്തോഷവാര്‍ത്ത. മാഞ്ഞുപോയ ഓര്‍മകള്‍ വീണ്ടെടുക്കാന്‍ ഇനി സാധിക്കുമെന്ന് ഗവേഷകര്‍. കാലിഫോര്‍ണിയ സര്‍വകലാശാലയിലെ ശാസ്ത്രജ്ഞരുടേതാണ് പുതിയ കണ്ടെത്തല്‍.
കടലിലെ ഒച്ചുകളില്‍ നടത്തിയ പരീക്ഷണം ഓര്‍മ്മകളെ വീണ്ടെടുക്കല്‍ അസാധ്യമല്ലെന്നു തെളിയിക്കുന്നതാണെന്ന് ശാസ്ത്രജ്ഞര്‍ അറിയിച്ചു. കോശ, തന്മാത്രാ പ്രക്രിയകളില്‍ മനുഷ്യര്‍ക്കു  സമാനമായി പ്രവര്‍ത്തിക്കുന്ന ജീവികളായ ഒച്ചുകളിലെ പരീക്ഷണം വിജയകരമായതോടെ മനുഷ്യരിലും ഇത് പ്രായോഗികമാണെന്ന നിഗമനത്തിലാണ് ശാസ്ത്രജ്ഞര്‍.

തലച്ചോറിലെ കോശങ്ങളെ ബന്ധിപ്പിക്കുന്ന സിനാപ്‌സസുകളിലാണ് ഓര്‍മ്മകള്‍ സൂക്ഷിക്കപ്പെടുന്നതെന്ന ധാരണയെ തകര്‍ത്തുകൊണ്ട് ന്യൂറോണുകളാണ് ദീര്‍ഘകാല ഓര്‍മ്മകളുടെ ശേഖരകേന്ദ്രമെന്ന് ശാസ്ത്രജ്ഞര്‍ കണ്ടെത്തി. മറവിരോഗം തലച്ചോറിലെ സിനാപ്‌സുകളെ നശിപ്പിക്കുന്നെങ്കിലും ന്യൂറോണുകള്‍ ഉള്ളതിനാല്‍ ഓര്‍മ്മകള്‍ നശിപ്പിക്കപ്പെടില്ല. സയന്‍സ് ജേണല്‍ 'ഇ ലൈഫി'ല്‍ പ്രസിദ്ധീകരിച്ച ലേഖനത്തില്‍ കാലിഫോര്‍ണിയ പ്രൊഫസര്‍ ഡേവിഡ് ഗ്ലാന്‍സ്മാന്‍ ചൂണ്ടിക്കാട്ടി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം

Keywords: Dies, New York, California University,Gulf, Cure for memory loss could be on the horizo. 
3:12 pm | 0 comments

കോഴികള്‍ ബ്യൂട്ടി പാര്‍ലറില്‍ കയറി സുന്ദരികളാകുന്നു

pf-button-both
കോയമ്പത്തൂര്‍: (www.kvartha.com 22.12.2014) പ്രായമേറെച്ചെന്ന വൈറ്റ് ലഗോണ്‍ തള്ളക്കോഴി ബ്യൂട്ടി പാര്‍ലറില്‍ കയറി ഇറങ്ങുമ്പോള്‍ സുന്ദരിയായ ആന്ധ്ര വനരാജ കോഴിയായി മാറുന്ന മായാജാലം. മലയാളിയെ പറ്റിക്കാനായി തമിഴ്‌നാട്ടില്‍നിന്നെത്തിയ പുതിയ തട്ടിപ്പാണ് ഈ വനരാജ കോഴി.

ആന്ധ്രയിലെ നാടന്‍ ഇനമാണെന്നും ആറു മാസംകൊണ്ടു നാലു കിലോയെങ്കിലും തൂക്കമുണ്ടാകുമെന്നും പറഞ്ഞു റോഡരികില്‍ നല്ല ചുവപ്പുനിറമുള്ള സുന്ദരിക്കോഴിക്കുഞ്ഞുങ്ങളെ വില്‍ക്കുകയാണ് തട്ടിപ്പുസംഘം. നാടന്‍ കോഴിയിറച്ചിയുടെ രുചിയോര്‍ത്തു പലരും ഇവയെ വാങ്ങിക്കൊണ്ടു പോകുന്നു; ചായം തേച്ചു നിറം മാറ്റിയ വൈറ്റ് ലഗോണ്‍ കുഞ്ഞാണെന്ന് അറിയാതെ. പച്ചക്കറിയിലെ വിഷത്തിനു പിന്നാലെ നിറം മാറ്റി കോഴിയെ വിറ്റും കേരളത്തില്‍ തട്ടിപ്പ്.

ഉപഭോക്താവിനെ വിശ്വസിപ്പിക്കാന്‍ തെളിവിനായി വലിയൊരു 'വനരാജ കോഴി'യെ പ്രദര്‍ശിപ്പിക്കുന്നുണ്ട്. ഇതു ശരിക്കുള്ള വനരാജയല്ല. പ്രായമായി ചാവാറായ വൈറ്റ് ലഗോണ്‍ കോഴിയാണ്. ഇതിനെയാണു ബ്യൂട്ടി പാര്‍ലറില്‍നിന്ന് ഇറക്കിയതുപോലെ സുന്ദരിയാക്കി അവതരിപ്പിക്കുന്നത്. കോഴിയുടെ ദേഹത്തു ചുവപ്പുനിറവും തലയില്‍ കറുപ്പുനിറവുമാണു തേയ്ക്കുന്നത്. തലമുടി കറുപ്പിക്കാന്‍ വിപണിയില്‍ ലഭിക്കുന്ന ഡൈ ആണ് ഇവിടെ പ്രയോഗിക്കുന്നത്. കുഞ്ഞുങ്ങളോടൊപ്പം ഹാച്ചറിക്കാര്‍ സൗജന്യമായി കൊടുക്കുന്നതാണ് ഈ മുത്തശ്ശിക്കോഴികളെ.

മോഡലായി നിര്‍ത്തിയ ഡ്യൂപ്ലിക്കേറ്റ് വനരാജയെ വില്‍ക്കില്ല. കുട്ടികളെ മാത്രമാണു വില്‍ക്കുക. വനരാജയുടെ കുട്ടി എന്നു പറഞ്ഞു വില്‍ക്കുന്നതു സാധാരണ വൈറ്റ് ലഗോണ്‍ കോഴിക്കുഞ്ഞുങ്ങളെയാണ്. അവയെയും ചായംതേച്ചാണു നിര്‍ത്തിയിരിക്കുന്നത്. രണ്ടു രൂപ വിലയുള്ള വൈറ്റ് ലഗോണ്‍ കുഞ്ഞുങ്ങളെ വനരാജയാക്കി വില്‍ക്കുന്നതു 12 രൂപയ്ക്കാണ്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം
Chicken, Beauty Parlor, white leg on, road, beauty, Vegetable, Red

Keywords: Chicken, Beauty Parlor, white leg on, road, beauty, Vegetable, Red, Coloured chicks in market.
3:01 pm | 0 comments

സച്ചിന്‍ ടെന്‍ഡുല്‍ക്കര്‍ ഐസിസി ലോകകപ്പ് അംബാസിഡര്‍

pf-button-both
ലണ്ടന്‍: (www.kvartha.com 22.12.2014) 2015 ലെ ഐസിസി ലോകകപ്പ് ക്രിക്കറ്റ് അംബാസഡറായി മാസ്റ്റര്‍ ബ്ലാസ്റ്റര്‍ സച്ചിന്‍ ടെണ്ടുല്‍ക്കറെ വീണ്ടും തെരഞ്ഞെടുത്തു. തുടര്‍ച്ചയായ രണ്ടാം തവണയാണ് സച്ചിന്‍ ഈ സ്ഥാനത്തേക്ക് തെരഞ്ഞെടുക്കപ്പെടുന്നത്. 2011ല്‍ ഇന്ത്യ, ശ്രീലങ്ക, ബംഗ്ലാദേശ് എന്നീ രാജ്യങ്ങള്‍ സംയുക്തമായി ആതിഥ്യം വഹിച്ച ലോകകപ്പില്‍ സച്ചിന്‍ ആയിരുന്നു അംബാസഡര്‍ സ്ഥാനം വഹിച്ചിരുന്നത്.

അതേസമയം തുടര്‍ച്ചയായ രണ്ടാം തവണയും അംബാസഡറായി തെരഞ്ഞെടുക്കപ്പെട്ടതില്‍ സന്തോഷവും അഭിമാനവുമുണ്ടെന്ന് സച്ചിന്‍ പറഞ്ഞു. കഴിഞ്ഞ ആറു ലോകകപ്പ് മത്സരങ്ങളിലും കളിച്ചയാള്‍ എന്ന നിലയില്‍ അടുത്ത ലോകകപ്പ് വ്യത്യസ്ത അനുഭവമായിരിക്കുമെന്നും സച്ചിന്‍ കൂട്ടിച്ചേര്‍ത്തു. 1987ലെ ലോകകപ്പില്‍ ബോള്‍ ബോയിയായി നിന്ന അതേ മാനസികാവസ്ഥയാണ് താന്‍ ഇപ്പോള്‍ അനുഭവിക്കുന്നതെന്നും  അന്ന് എറിയുന്ന ഓരോ പന്തും താന്‍ ആസ്വദിക്കുകയായിരുന്നുവെന്നും  സച്ചിന്‍ പറഞ്ഞു.

ഓരോ ലോകകപ്പും പിന്നിടുന്നതോടെ തന്റെ ആവേശം ഇരട്ടിച്ചു. ലോകകപ്പ് ഉയര്‍ത്തുക എന്നത് എല്ലാ അന്താരാഷ്ട്ര ക്രിക്കറ്റ് താരത്തിന്റെയും സ്വപ്‌നമാണ്. 22 വര്‍ഷത്തെ കാത്തിരിപ്പിനും പരിശ്രമത്തിനും ശേഷമാണ് തനിക്ക് ആ സ്വപ്‌നം സഫലമായതെന്നും സച്ചിന്‍ പറഞ്ഞു. ടൂര്‍ണമെന്റിന്റെ പ്രചാരം വര്‍ധിപ്പിക്കാന്‍ ലക്ഷ്യമിട്ട് ഐസിസി സംഘടിപ്പിക്കുന്ന പരിപാടികളില്‍ സച്ചിന്‍ പങ്കെടുക്കും.

ക്രിക്കറ്റ് താരങ്ങള്‍ക്ക് മാത്രമല്ല മറ്റ്  കായികതാരങ്ങള്‍ക്കും സച്ചിന്‍ പ്രചോദനമാണെന്ന് ഐസിസി ചീഫ് എക്‌സിക്യൂട്ടീവ് ഡേവിഡ് റിച്ചാര്‍ഡ്‌സണ്‍ പറഞ്ഞു. അദ്ദേഹത്തിന്റെ സഹനശീലവും കഴിവും പരിശ്രമശീലവും വ്യക്തിത്വവും മറ്റ് കളിക്കാര്‍ മാതൃകയാക്കണമെന്നും റിച്ചാര്‍ഡ്‌സണ്‍ കൂട്ടിച്ചേര്‍ത്തു. കാല്‍ നൂറ്റാണ്ടോളം ക്രിക്കറ്റില്‍ തിളങ്ങി നിന്ന സച്ചിന്‍ കഴിഞ്ഞവര്‍ഷമാണ് കരിയറില്‍ നിന്നും വിരമിച്ചത്. ലോകകപ്പ് ചരിത്രത്തില്‍ ഏറ്റവും കൂടുതല്‍ റണ്‍സ് നേടിയ കളിക്കാരന്‍ എന്ന റെക്കോര്‍ഡിനും ഉടമയാണ് സച്ചിന്‍.

2015 ഫെബ്രുവരി 14 മുതല്‍ മാര്‍ച്ച് 29 വരെ ഓസ്‌ട്രേലിയയിലും ന്യൂസിലന്റിലുമായി നടക്കുന്ന പതിനൊന്നാം ലോകകപ്പ് മത്സരത്തിന്റെ ആദ്യ മത്സരത്തില്‍ ഓസ്‌ട്രേലിയ ഇംഗ്ലണ്ടിനെ നേരിടും. 14 വേദികളിലായി 49 മത്സരങ്ങളാണ് നടക്കുന്നത്.   പ്രമുഖ ടീമുകളെ കൂടാതെ യോഗ്യത നേടിയ അഫ്ഗാനിസ്ഥാന്‍, അയര്‍ലന്റ്, സ്‌കോട്ട്‌ലന്റ്, യുഎഇ എന്നീ രാജ്യങ്ങളും ടൂര്‍ണമെന്റില്‍ പങ്കെടുക്കും.

Sachin Tendulkar named ambassador for 2015 International Cricket Council World Cup,

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം


Keywords:  Sachin Tendulkar named ambassador for 2015 International Cricket Council World Cup, London, Srilanka, Bangladesh, Australia, England, World.
2:39 pm | 0 comments

പ്രായം 24...,തൂക്കം 300 കിലോ

pf-button-both
അമേരിക്ക: (www.kvartha.com 21.12.2014) പ്രായം കൊണ്ട് ഇവള്‍ക്ക് യുവത്വമാണെങ്കിലും ശരീരവളര്‍ച്ചയുടെയും തൂക്കത്തിന്റെയും കാര്യത്തില്‍ പ്രായത്തെ തോല്‍പിക്കുകയാണ് ഇവള്‍. ഇരുപത്തിനാല് വയസു മാത്രം പ്രായമുള്ള ഇവളുടെ തൂക്കം കേട്ടാല്‍ ആരും ഒന്ന് ഞെട്ടും. 300 കിലോ

അമേരിക്കയിലെ ഒറേഗണ്‍ സ്വദേശിനിയായ അംബേറാണ് യൗവനത്തില്‍ത്തന്നെ താങ്ങാവുന്നതിലധികം ഭാരവുമായി ജീവിക്കുന്നത്. അറപ്പും വെറുപ്പും ഉളവാക്കുന്ന രാക്ഷസജീവി ഇതാണ് ഇവള്‍ സ്വയം നല്‍കിയിരിക്കുന്ന വിശേഷണം.

മാതാപിതാക്കളുടെയും കാമുകന്റെയും കൂടെ ട്രൗട്ട്‌ടെയ്‌ലില്‍ താമസിക്കുന്ന അംബേറിന് മാനസികമായും ശാരീരികമായും ഒട്ടേറെ സങ്കടങ്ങള്‍ നല്‍കുന്നുണ്ട് അവളുടെ വലിയ ശരീരം. അംബേറിന്റെ ശരീര തൂക്കത്തെത്തുടര്‍ന്ന് യൂണിവേഴ്‌സിറ്റിയില്‍ നിന്ന് പുറത്താക്കപ്പെട്ട അവള്‍ പിന്നീട് ശരീരവേദനയെത്തുടര്‍ന്ന് കിട്ടിയ ജോലിയും ഉപേക്ഷിച്ചു.

അമിതഭക്ഷണമാണ് തന്നെ നശിപ്പിച്ചതെന്നാണ് അംബേര്‍ പറയുന്നത്. സ്വന്തം ജീവിതം തുറന്നുകാട്ടുന്നതിനായി എല്‍ ടി സി കേബിള്‍ നെറ്റ് വര്‍ക്ക് ആരംഭിക്കുന്ന റിയാലിറ്റി ഷോയില്‍ അഭിനയിക്കാനുള്ള തയ്യാറെടുപ്പിലാണ് അംബേര്‍. ഇതിന്റെ മുന്നോടിയായി ഉദരരോഗങ്ങള്‍ തടയുന്നതിനുവേണ്ടിയുള്ള ശസ്ത്രക്രിയയും നടത്താനും തയ്യാറെടുക്കുകയാണ് അംബേര്‍
Woman, America, Youth, Parents, University, Reality -show, Surgery, Gulf


Also Read:
2:35 pm | 0 comments

ഇനി സര്‍ക്കാര്‍ വക കുപ്പിവെളളവും: ഹില്ലി അക്വ വിപണിയിലേക്ക്

pf-button-both
തൊടുപുഴ: (www.kvartha.com 22.12.2014) ഇനി കുപ്പിവെളളം സര്‍ക്കാര്‍ വകയും. സര്‍ക്കാര്‍ ഉടമസ്ഥതയിലുളള ആദ്യ കുടിവെളളം ഹില്ലി അക്വ ഉടന്‍ വിപണിയിലെത്തും. മലങ്കര അണക്കെട്ടിന്റെ തീരത്താണ് കുടിവെളള ഫാക്ടറി സ്ഥാപിച്ചിരിക്കുന്നത്. ഫാക്ടറിക്ക് ഐ.എസ്.ഐയുടെയും ഭക്ഷ്യസുരക്ഷാ വിഭാഗത്തിന്റെയും അംഗീകാരം ലഭിച്ചു. ജനുവരി അവസാന വാരം ഫാക്ടറിയുടെ ഉദ്ഘാടനം നടത്താനുള്ള നടപടികള്‍ ദ്രുതഗതിയില്‍ പുരോഗമിക്കുകയാണ്. ബോട്ടിലിന് 15 രൂപയായിരിക്കും വില. വന്‍കിട കമ്പനികളുടെ കുപ്പിവെളളത്തിന് 20 രൂപ നല്‍കണം.


ഐ.എസ്.ഐ അധികൃതരുടെ പരിശോധന രണ്ടര മാസം മുമ്പ് പൂര്‍ത്തിയായെങ്കിലും അംഗീകാരം ലഭിക്കാന്‍ വൈകിയതാണ് ഉദ്ഘാടനം അനിശ്ചിതത്വത്തിലാക്കിയത്. നിര്‍ണായക സര്‍ട്ടിഫിക്കറ്റായ ഐ.എസ്.ഐ അംഗീകാരം ലഭിച്ച സാഹചര്യത്തില്‍ പുതുവര്‍ഷത്തിലെ ആദ്യ മാസം തന്നെ ഫാക്ടറി പ്രവര്‍ത്തിച്ചുതുടങ്ങുമെന്ന് അധികൃതര്‍ അറിയിച്ചു. കമ്പനിക്കാവശ്യമായ ലേബലുകള്‍ പ്രിന്റ് ചെയ്ത് ലഭിക്കുതിനുള്ള നടപടികളാണ് അവശേഷിക്കുന്നത്. അത് കൂടി പൂര്‍ത്തിയായാല്‍ ഉദ്ഘാടന തീയതി തീരുമാനിക്കും.

ഫാക്ടറിയുടെ ട്രയല്‍ റണ്‍ മൂന്നു മാസം മുമ്പ് വിജയകരമായി പൂര്‍ത്തിയാക്കിയിരുന്നു. പ്ലാന്റ് നിര്‍മിച്ച ഗുജറാത്ത് കമ്പനിയില്‍ നിന്നുള്ള സാങ്കേതികവിദഗ്ധരടങ്ങുന്ന സംഘത്തിന്റെ മേല്‍നോട്ടത്തിലായിരുന്നു ട്രയല്‍ റണ്‍. അവസാനവട്ട അറ്റകുറ്റപ്പണികള്‍ മാസങ്ങള്‍ക്ക് മുമ്പ് പൂര്‍ത്തിയാക്കിയെങ്കിലും വൈദ്യുതി കണക്ഷന്‍ ലഭിക്കാന്‍ വൈകിയതിനാല്‍ ട്രയല്‍ റണ്ണും നീണ്ടു.

കേരള ഇറിഗേഷന്‍ ഇന്‍ഫ്രാസ്ട്രക്ചര്‍ ഡെവലപ്‌മെന്റ് കോര്‍പറേഷന് കീഴിലാണ് കുപ്പിവെളളം വിപണിയിലിറക്കുന്നത്. മലങ്കര അണക്കെട്ടില്‍ നിന്ന് പൈപ്പ് വഴി പ്ലാന്റിലെത്തുന്ന വെള്ളം മൂന്നു ഘട്ടങ്ങളിലായി ശുദ്ധീകരിച്ച് പ്രധാന ടാങ്കിലെത്തിക്കും. മണിക്കൂറില്‍ 8000 ലിറ്റര്‍ വെള്ളം ശുദ്ധീകരിച്ച് ശേഖരിക്കാനുള്ള സംവിധാനമാണ് ഒരുക്കിയിരിക്കുന്നത്. കമ്പനിയിലേക്കുള്ള ജീവനക്കാരുടെ നിയമനവും പൂര്‍ത്തിയായി. ഒരു ഷിഫ്റ്റില്‍ 10 ജീവനക്കാരായിരിക്കും ജോലി ചെയ്യുക. എട്ട് മണിക്കൂറിന്റെ ഒരു ഷിഫ്റ്റില്‍ 7200 ലിറ്റര്‍ വെള്ളം കുപ്പികളില്‍ നിറക്കാന്‍ കഴിയും.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം

Keywords: Idukki, Thodupuzha, Kerala, Water, Business, Government, Water Bottle. 
2:30 pm | 0 comments

പരാതികള്‍ നീക്കാന്‍ ഊര്‍ജിത പദ്ധതിയുമായി ബി.എസ്.എന്‍.എല്‍

pf-button-both
കണ്ണൂര്‍: (www.kvartha.com 22.12.2014) നെറ്റ് വര്‍ക്ക് ഉപയോഗത്തിലെ പരാതിക്കള്‍ക്കു അറുതിവരുത്താന്‍ ഊര്‍ജിത നടപടികളുമായി ബി.എസ്.എന്‍.എല്‍. രംഗത്ത്. വിളിച്ചാല്‍ കോള്‍ കിട്ടുന്നില്ല, നെറ്റ് ഉപയോഗിക്കുമ്പോള്‍ ഇടയ്ക്കിടെ തടസപ്പെടുന്നു തുടങ്ങിയ പരാതികള്‍ കൂടിവരുന്ന സാഹചര്യത്തിലാണിത്.

ഇതിനു പരിഹാരമായി കേരള സര്‍ക്കിളിലെ പ്രീപെയ്ഡ് മൊബൈല്‍ കണക്ഷനുകള്‍ നിലവിലെ ഇന്റലിജെന്റ് നെറ്റ് വര്‍ക്ക് സംവിധാനത്തില്‍ നിന്നും മാറ്റി തിരുച്ചിറപ്പള്ളി ആസ്ഥാനമായ അത്യാധുനിക ഇന്റലിജെന്റ് നെറ്റ് വര്‍ക്കിലേക്ക് മാറ്റുകയാണ് ആദ്യപടി.  ഈമാസം 16ന് തുടങ്ങിയ നെറ്റ് വര്‍ക്ക് മാറ്റം ഉടന്‍തന്നെ പൂര്‍ത്തിയായേക്കും. നെറ്റ് വര്‍ക്ക് മാറ്റം വിവിധ വോയിഡ്, ഡേറ്റ പ്ലാനുകള്‍ക്കായി അയച്ചുകൊണ്ടിരിക്കുന്ന എസ്എംഎസ് ഫോര്‍മാറ്റുകളില്‍ മാറ്റം വരും.

വോയിസ് പ്ലാനുകള്‍ക്കായി   STV VOICE എന്നതിനൊടൊപ്പം തുടങ്ങുകയും ടൈപ്പ് ചെയ്തുമാണ് അയക്കേണ്ടത്. ഡേറ്റപ്ലാനുകള്‍ക്കായി STV DATA എന്നതിനോടൊപ്പം തുകയും ചേര്‍ക്കണം. പ്ലാന്‍വൗച്ചറുകള്‍ക്കായി PLAN എന്നതിനോടൊപ്പം പ്ലാനിന്റെ പേരും ചേര്‍ത്താണ് അയക്കേണ്ടത്. മെസ്സേജുകള്‍ അയക്കേണ്ട നംമ്പര്‍ 537333 ല്‍ നിന്നും 123യിലേക്ക് മാറും. നിലവില്‍ ഐഎന്‍ മാറിയ മൊബൈല്‍ നമ്പറുകള്‍ക്ക് ഈ മാറ്റം വന്നു കഴിഞ്ഞു. ബാലന്‍സ് അറിയുന്നതിനായ് *124# എന്ന നമ്പറിലേക്കും വിളിക്കാം.

മാത്രമല്ല റീചാര്‍ജ്, എസ് വി ടി, പ്ലാന്‍ മാറ്റം, എന്നിവയെ കുറിച്ചുള്ള വിവരങ്ങളും അറിയാന്‍ സാധിക്കും. പ്രീപെയ്ഡ് പ്ലാനുകള്‍ പുതുക്കുന്നതിനും ചില പ്ലാനുകളുടെ കാലാവധി നീട്ടുന്നതുമായുള്ള  മെസേജ് ഫോര്‍മാറ്റിലും നിബന്ധനകളിലും മാറ്റം വന്നിട്ടുണ്ട്. ന്യൂമിത്രം പ്ലാനില്‍ ആറുമാസത്തിനിടെ റീചാര്‍ജ് ചെയ്യുന്ന തുക ഇരുന്നൂറില്‍ എത്തുമ്പോള്‍ കാലാവധി ആറുമാസത്തേക്ക് നീട്ടി കിട്ടുന്നുണ്ടായിരുന്നത് ഇനിമുതല്‍ പുതിയ രീതിയിലാവും. 10 രൂപയ്ക്ക് റീചാര്‍ജ് ചെയ്യുമ്പോള്‍ 9 ദിവസം, 20 രൂപയ്ക്ക് 18 ദിവസം എന്ന തോതില്‍ പരമാവധി 180 ദിവസം വരെ കാലാവധി നീട്ടി ലഭിക്കും.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം

Keywords: Kannur, Complaint, Phone call, Internet, BSNL. 

2:30 pm | 0 comments

നായകനെ ഇഷ്ടപ്പെട്ടില്ല; സണ്ണി വെയിന്‍ ചിത്രത്തില്‍ നിന്നും ഭാമ പിന്‍മാറി

pf-button-both
കൊച്ചി: (www.kvartha.com 22.12.2014) നായകനെ ഇഷ്ടപ്പെട്ടില്ല. ലെനിന്‍ രാജേന്ദ്രന്റെ സിനിമയില്‍ നിന്നും ഭാമ പിന്‍മാറി. ലെനിന്‍ രാജേന്ദ്രന്റെ പുതിയ ചിത്രമായ 'ക്രാന്തി'യില്‍ അഭിനയിക്കുന്നതില്‍ നിന്നുമാണ് ഭാമ പിന്‍മാറിയത്.

ക്രാന്തിയുടെ സ്‌ക്രിപ്റ്റ് മുഴുവന്‍ വായിച്ച ഭാമ അത് ഇഷ്ടപ്പെട്ട ശേഷമാണ് അഭിനയിക്കാന്‍ സമ്മതിച്ചത്. എന്നാല്‍ നായകന്‍ സണ്ണിവെയിന്‍ ആണെന്നറിഞ്ഞപ്പോള്‍ പിന്മാറുകയായിരുന്നു. കന്നടയില്‍ തിളങ്ങി നില്‍ക്കുന്ന ഭാമയ്ക്ക് ഡേറ്റില്ലാത്തതിനാലാണ് സിനിമയില്‍ നിന്നും പിന്‍മാറുന്നതെന്നാണ് ആദ്യം പുറത്തുവന്ന റിപോര്‍ട്ട്.

എന്നാല്‍ സീനിയര്‍ താരങ്ങളായ കുഞ്ചാക്കോ ബോബന്‍, ജയസൂര്യ തുങ്ങിയവരോടൊപ്പം അഭിനയിച്ചിട്ടുള്ള താനെങ്ങനെ സണ്ണി വെയിനിനെ പോലൊരു പുതുമുഖത്തിനൊപ്പം അഭിനയിക്കുകയെന്ന്  ഭാമ ചോദിച്ചതായും റിപോര്‍ട്ടുണ്ട്. ചിത്രത്തിന്റെ അണിയറ പ്രവര്‍ത്തകര്‍ തന്നെയാണ് ഇക്കാര്യം വെളിപ്പെടുത്തിയത്.

സണ്ണിയുടെ നായികയായി ഭാമ എത്തുന്നുവെന്ന രീതിയില്‍ നേരത്തെ വാര്‍ത്തകളുണ്ടായിരുന്നു.
എന്നാല്‍ ഇപ്പോള്‍ ഭാമ പിന്‍മാറിയതുകൊണ്ട് മീരാനന്ദനെയാണ് നായികയായി തെരഞ്ഞെടുത്തിരിക്കുന്നത്.    ആസിഫ് അലി, ദുല്‍ഖര്‍ സല്‍മാര്‍ എന്നിവരുടെ സുഹൃത്ത് വേഷത്തിലാണ് സണ്ണി വെയിന്‍ അഭിനയിക്കുന്നത്. ഇതാദ്യമായാണ് സണ്ണിവെയിന്‍ നായകനാകുന്നത്.  തൃശൂര്‍ കേന്ദ്രീകരിച്ചാണ് സിനിമയുടെ ചിത്രീകരണം നടക്കുന്നത്.

Bhama back off from Kranthi because she is not interest act with sunny wayne, Kochi, Karnataka,

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം

Also Read:
മാതൃഭൂമി കാസര്‍കോട് ബ്യൂറോ ചീഫ് കെ. രാജേഷ് കുമാറിന്റെ പിതാവ് എം. അച്യുതന്‍ നിര്യാതനായി
Keywords: Bhama back off from Kranthi because she is not interest act with sunny wayne, Kochi, Karnataka, Report, Thrissur, Entertainment, Kerala.
2:20 pm | 0 comments

മുഴുവന്‍ വാര്‍­ത്ത­കള്‍ | News by date

. മുഴുവന്‍ വാര്‍­ത്ത­കള്‍ക്ക് മുകളില്‍ തിയതി തിരഞ്ഞെടുക്കുക .

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Fan of The Week

Poem

Read More Poems

Stories

Read More Stories

ENTERTAINMENT

കൂടുതല്‍ വായിച്ചത് | Most Read Stories