തിരുവനന്തപുരം: (KVARTHA) സംസ്ഥാനത്ത് വെർച്വൽ അറസ്റ്റ് തട്ടിപ്പുകൾ വർധിക്കുന്നതിനിടെ മുൻ ആഭ്യന്തരമന്ത്രിയും കോൺഗ്രസ് നേതാവുമായ തിരുവഞ്ചൂർ രാധാകൃഷ്ണനെതിരെയും തട്ടിപ്പ് ശ്രമം. മുംബൈ പൊലീസ് എന്ന വ്യാജേന വിളിച്ച തട്ടിപ്പുകാരുടെ നീക്കം തിരുവഞ്ചൂരിന്റെ ജാഗ്രതയിൽ പൊളിഞ്ഞു. ബുധനാഴ്ച (28.01.2026) ഉച്ചയ്ക്കാണ് സംഭവം നടന്നത്.

സംഭവം ഇങ്ങനെ

മുംബൈ പൊലീസിൽ നിന്നാണെന്ന് പരിചയപ്പെടുത്തിയാണ് തട്ടിപ്പുകാർ തിരുവഞ്ചൂർ രാധാകൃഷ്ണൻ എംഎൽഎയെ ഫോണിൽ ബന്ധപ്പെട്ടത്. വ്യാജ ആധാർ കാർഡ് ഉപയോഗിച്ച് സാമ്പത്തിക തട്ടിപ്പ് നടത്തിയെന്നും ആൾമാറാട്ടം നടത്തിയെന്നും ആരോപിച്ചായിരുന്നു ഭീഷണി. ഹിന്ദിയിലും ഇംഗ്ലിഷിലുമായിരുന്നു ഇവർ സംസാരിച്ചത്.

എന്നാൽ, വിളിച്ചവർ തട്ടിപ്പുകാരാണെന്ന് തുടക്കത്തിൽ തന്നെ തിരുവഞ്ചൂരിന് മനസ്സിലായി. ടകേരള പൊലീസുമായി ബന്ധപ്പെടൂ, രേഖകൾ അവിടെ കാണിക്കാംട എന്ന് മറുപടി നൽകി അദ്ദേഹം കോൾ അവസാനിപ്പിച്ചു. ഫോൺ കട്ട് ചെയ്തതിന് പിന്നാലെ തട്ടിപ്പുകാർ വാട്‌സാപ്പിലും വിളിക്കുകയും വീഡിയോ കോൾ എടുക്കാൻ ആവശ്യപ്പെടുകയും ചെയ്തു.

ഡിജിപിക്ക് പരാതി

സംഭവത്തിന്റെ ഗൗരവം കണക്കിലെടുത്ത് തിരുവഞ്ചൂർ രാധാകൃഷ്ണൻ ഡിജിപിക്ക് പരാതി നൽകി. തുടക്കം മുതൽക്കേ ഫോണിൽ വിളിച്ചവർ തട്ടിപ്പുകാരാണെന്ന് മനസ്സിലായതായി അദ്ദേഹം പറഞ്ഞതായി മനോരമ ഓൺലൈന്‍ റിപ്പോര്‍ട്ട് ചെയ്തു. പരാതിയുടെ അടിസ്ഥാനത്തിൽ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. സംസ്ഥാനത്ത് നിരവധി പേർക്കാണ് വെർച്വൽ അറസ്റ്റ് തട്ടിപ്പിലൂടെ പണം നഷ്ടമാകുന്നത്. ഈ സാഹചര്യത്തിൽ ജനങ്ങൾ ജാഗ്രത പാലിക്കണമെന്ന് പൊലീസ് മുന്നറിയിപ്പ് നൽകി.

ഇത്തരം വ്യാജ കോളുകൾ വന്നാൽ എങ്ങനെ പ്രതികരിക്കണം? നിങ്ങളുടെ അനുഭവങ്ങൾ ഉണ്ടെങ്കിൽ പങ്കുവെയ്ക്കൂ.

Article Summary: Attempt to 'virtually arrest' former Kerala Home Minister Thiruvanchoor Radhakrishnan failed as he identified the scam and alerted the police.

#VirtualArrest #CyberCrime #ThiruvanchoorRadhakrishnan #KeralaPolice #ScamAlert #OnlineFraud