തദ്ദേശ തെരഞ്ഞെടുപ്പ്: കണ്ണപുരം പഞ്ചായത്തിലും രണ്ടിടത്ത് എൽഡിഎഫിന് എതിരാളികളില്ലാത്ത വിജയം

കണ്ണൂർ: (KVARTHA) തദ്ദേശ തെരഞ്ഞെടുപ്പിൽ മത്സരിക്കുന്നതിനുള്ള നാമനിർദേശ പത്രികാ സമർപ്പണം അവസാനിച്ചപ്പോൾ കണ്ണൂർ ജില്ലയിലെ വിവിധ വാർഡുകളിലായി എൽഡിഎഫിന് ആറ് വാർഡുകളിൽ എതിരില്ലാത്ത വിജയം. കണ്ണപുരം പഞ്ചായത്ത്, ആന്തൂർ നഗരസഭ, മലപ്പട്ടം പഞ്ചായത്ത് എന്നിവിടങ്ങളിലാണ് എൽഡിഎഫ് സ്ഥാനാർത്ഥികൾ എതിരില്ലാതെ തെരഞ്ഞെടുക്കപ്പെട്ടത്.

കണ്ണപുരം പഞ്ചായത്തിലെ രണ്ട് വാർഡുകളിൽ എൽഡിഎഫ് സ്ഥാനാർത്ഥികൾക്ക് എതിരാളികളില്ലായിരുന്നു. പതിമൂന്നാം വാർഡിൽ മത്സരിക്കുന്ന എൽഡിഎഫ് സ്ഥാനാർഥി രേഷ്മ പി വിയും പതിനാലാം വാർഡിലേക്ക് മത്സരിക്കുന്ന രതി പിയുമാണ് എതിരില്ലാതെ തെരഞ്ഞെടുക്കപ്പെട്ടത്.

അതോടൊപ്പം, ആന്തൂർ നഗരസഭയിലെ രണ്ട് വാർഡുകളിലും മലപ്പട്ടം പഞ്ചായത്തിലെ രണ്ട് വാർഡുകളിലും എൽഡിഎഫ് സ്ഥാനാർത്ഥികൾ എതിരില്ലാതെ വിജയിച്ചു. ആന്തൂർ നഗരസഭയിലെ പത്തൊമ്പതാം വാർഡായ പൊടിക്കുണ്ട് വാർഡിൽ കെ പ്രേമരാജനും, രണ്ടാം വാർഡായ മൊറാഴയിൽ കെ രജിതയുമാണ് എതിരില്ലാതെ തെരഞ്ഞെടുക്കപ്പെട്ടത്.

മലപ്പട്ടം പഞ്ചായത്തിലെ അഞ്ചാം വാർഡിൽ ഐ വി ഒതേനനും, ആറാം വാർഡിൽ സി കെ ശ്രേയയുമാണ് എതിരില്ലാതെ വിജയിച്ചത്. എതിരില്ലാതെ വിജയിച്ച ഇവരെല്ലാം സിപിഎം പ്രതിനിധികളാണ്.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക.

Article Summary: LDF candidates win six wards unopposed in Kannur district after nomination submission ends.

#KannurElection #LDFVictory #KeralaLocalPolls #UnopposedWin #CPMKerala #KeralaPolitics