'ഞാന്‍ മ­ലാ­ല'; മ­ലാ­ല­യു­ടെ ജീ­വി­തം പു­സ്­ത­ക താ­ളു­ക­ളി­ലേക്ക്

ലണ്ടന്‍:  പാ­കി­സ്­താ­നി­ലെ പെണ്‍­കു­ട്ടി­ക­ളു­ടെ വി­ദ്യാ­ഭ്യാ­സ­ത്തി­ന് വേ­ണ്ടി പോ­രാടി­യ മലാ­ല യൂ­സ­ഫ്‌­സാ­യി­യു­ടെ ജീ­വി­താ­നു­ഭ­വ­ങ്ങള്‍ പു­സ്­ത­ക താ­ളു­ക­ളി­ലേ­ക്ക്. മ­ധു­രവും കൈപ്പും കൂ­ടി­ക്ക­ലര്‍­ന്ന ത­ന്റെ ജീ­വി­താ­നു­ഭ­വ­ങ്ങള്‍ പു­സ്­ത­ക­മാ­യി പ്ര­സി­ദ്ധീ­ക­രി­ക്കാന്‍ ബ്രിട്ടനിലെ വെയ്ഡന്‍ഫെല്‍ഡ് ആന്റ് നിക്കോള്‍സന്‍, കോമണ്‍വെല്‍ത്ത്, ലിറ്റില്‍, ബ്രൗണ്‍ തു­ടങ്ങി­യ പ്ര­സാ­ധ ക­രു­മാ­യി മൂ­ന്ന് മി­ല്യന്‍ ഡോ­ള­റിന്റെ കരാ­റില്‍ മലാല ഒ­പ്പി­ട്ടു­വെന്ന് ഗാഡിയന്‍ പത്രം റിപോര്‍ട്ട് ചെ­യ്­തു.

'ഞാന്‍ മലാല' എ­ന്ന് പേ­രി­ട്ടി­രി­ക്കു­ന്ന പു­സ്­തകം 2013 അ­വ­സാ­ന­ത്തോ­ടെ വിപണിയിലെത്തും. 'എനിക്ക് എ­ന്റെ ജീ­വി­ത്തെ കു­റി­ച്ചാ­ണ് പ­റ­യാ­നു­ള്ള­ത്. വി­ദ്യാ­ഭ്യാ­സ­മെ­ന്ന അ­വ­കാ­ശം ഉ­റ­പ്പു­വ­രു­ത്താന്‍ പൊ­രു­തു­ന്ന­വര്‍­ക്കൊ­പ്പം താ­നു­ണ്ട്. വി­ദ്യാ­ഭ്യാ­സം നി­ഷേ­ധി­ക്ക­പ്പെട്ട ലോകത്തെ 61 ദശലക്ഷം കുട്ടിക­ളു­ടെ ക­ഥ­കൂ­ടി­യാ­ണി­ത്' -മലാ­ല പറ­ഞ്ഞു.

2012 ഒ­ക്ടോ­ബര്‍ ഒ­മ്പ­തി­നാ­യി­രു­ന്നു പാ­ക് താ­ലി­ബാന്‍ തീ­വ്ര­വാ­ദി­കള്‍ മ­ലാ­ല­യ്­ക്ക് നേ­രെ വെ­ടി­യു­തിര്‍­ത്തത്. ത­ലയ്ക്കും മറ്റും ഗു­രു­ത­ര­മാ­യി പ­രി­ക്കേ­റ്റ മലാ­ല ല­ണ്ട­നി­ലെ മാസ­ങ്ങ­ളോ­ളം നീ­ണ്ടു­നി­ന്ന വി­ദഗ്­ദ ചി­കി­ത്സ­യ്­ക്ക് ശേ­ഷ­മാ­ണ് ജീ­വി­ത­ത്തി­ലേ­ക്ക് മ­ട­ങ്ങി­യെ­ത്തിയത്. ക­ഴി­ഞ്ഞ ദിവ­സം മു­തല്‍ മലാ­ല സ്­കൂ­ളില്‍ പോ­യി­ത്തു­ടങ്ങി. ഇംഗ്ലണ്ടിലെ ബര്‍മിംഗ്ഹാമിലെ സ്‌കൂളിലാ­ണ് മലാ­ല ത­ന്റെ പഠ­നം പു­ന­രാ­രം­ഭി­ച്ച­ത്.


അ­തി­നി­ടെ മലാ­ല എ­ന്ന 15 വ­യ­സു­കാ­രി ലോ­ക­ശ്ര­ദ്ധ പി­ടി­ച്ചു­പറ്റി. ഐ­ക്യ­രാ­ഷ്ട്ര­സ­ഭ ന­വം­ബര്‍ 10 ന് മലാ­ല ദി­ന­മാ­യി ആ­ച­രി­ക്കു­ക­യും, നൊ­ബേല്‍ പു­ര­സ്­കാ­ര­ത്തി­ന് നാ­മ­നിര്‍­ദേ­ശവും ല­ഭി­ച്ചു. 2009 ല്‍ ബിബിസിയില്‍ ബ്ലോഗെഴുതി­യാ­ണ് മലാ­ല യൂസ­ഫ് സാ­യി ത­ന്റെയും മ­റ്റു കോ­ടി­ക്ക­ണ­ക്കി­നു വ­രു­ന്ന വി­ദ്യാ­ഭ്യാ­സം നി­ഷേ­ധി­ക്ക­പ്പെ­ട്ട­വര്‍ക്കും വേ­ണ്ടി അ­വകാശ പോ­രാ­ട്ടം തു­ട­ങ്ങി­യത്.
മലാല ദിനം ചരിത്രത്തില്‍ ഇടംനേടി