തൃശൂര്‍: (KVARTHA) ചേലക്കരയില്‍ എല്‍ഡിഎഫ് സ്ഥാനാര്‍ഥി യു ആര്‍ പ്രദീപിന്റെ ഭൂരിപക്ഷം 10000 കടന്നു. ഇവിഎം മെഷീനിലെ വോട്ടെണ്ണല്‍ എട്ടാം റൗണ്ട് പൂര്‍ത്തിയായപ്പോള്‍ യു ആര്‍ പ്രദീപ് 10955 വോട്ടിന് ലീഡ് ചെയ്യുന്നു. യു ആര്‍ പ്രദീപ് (സിപിഎം) - 42009, രമ്യ ഹരിദാസ് (കോണ്‍ഗ്രസ്) - 31718, കെ ബാലകൃഷ്ണന്‍ (ബിജെപി) - 18946 എന്നിങ്ങനെയാണ് എട്ടാം റൗണ്ട് പൂര്‍ത്തിയായപ്പോള്‍ നേടിയ വോട്ട് നില.

അതിനിടെ, യു ആര്‍ പ്രദീപ് മുന്നേറുന്നതിനിടെ കെ രാധാകൃഷ്ണന്‍ എംപി പ്രതികരണവുമായി രംഗത്തെത്തി. 'ചെങ്കോട്ടയാണ് ഈ ചേലക്കര' എന്നാണ് അദ്ദേഹം ഫേസ്ബുകില്‍ കുറിച്ചത്. കഴിഞ്ഞ 28 വര്‍ഷമായി എല്‍ഡിഎഫിനൊപ്പം നില്‍ക്കുന്ന മണ്ഡലമാണ് ചേലക്കര. 

വോട്ടെണ്ണല്‍ തുടങ്ങിയത് മുതല്‍ വ്യക്തമായ മുന്‍തൂക്കമാണ് യു.ആര്‍ പ്രദീപ് നിലനിര്‍ത്തിയത്. കെ രാധാകൃഷ്ണന്‍ രാജിവെച്ച ഒഴിവിലേക്കാണ് എല്‍ഡിഎഫ് സ്ഥാനാര്‍ത്ഥിയായി യു ആര്‍ പ്രദീപ് മത്സരിക്കാന്‍ എത്തിയത്. ചേലക്കര, കൊണ്ടാഴി, തിരുവില്വാമല, പഴയന്നൂര്‍, പാഞ്ഞാള്‍, വള്ളത്തോള്‍ നഗര്‍, മുള്ളൂര്‍ക്കര, ദേശമംഗലം, വരവൂര്‍ എന്നീ ഒമ്പത് പഞ്ചായത്തുകളാണ് ചേലക്കര മണ്ഡലത്തില്‍ ഉള്‍പ്പെടുന്നത്.

ഇവിഎം കൗണ്ടിങ് എട്ടാം റൗണ്ട് പൂര്‍ത്തിയായപ്പോള്‍ നേടിയ വോട്ട് നില: 

യു ആര്‍ പ്രദീപ് (സിപിഎം) - 42009
കെ ബാലകൃഷ്ണന്‍ (ബിജെപി) - 18946
രമ്യ ഹരിദാസ് (കോണ്‍ഗ്രസ്) - 31718
കെ ബി ലിന്‍ഡേഷ്  (സ്വതന്ത്രന്‍) - 138
എന്‍ കെ സുധീര്‍ (സ്വതന്ത്രന്‍) - 2661
ഹരിദാസന്‍ (സ്വതന്ത്രന്‍) - 101

#ChelakkaraBypoll #KeralaElections #URPradeep #LDF #KeralaPolitics #ElectionResults