ആലപ്പുഴ: (KVARTHA) 36 വർഷം മുമ്പ് ആലപ്പുഴയിൽ സിപിഎം സ്ഥാനാർത്ഥിയായിരുന്ന കെ വി ദേവദാസിൻ്റെ തിരഞ്ഞെടുപ്പിൽ തപാൽ വോട്ടുകൾ പൊട്ടിച്ച് തിരുത്തിയെന്ന ഗുരുതരമായ വെളിപ്പെടുത്തലുമായി മുൻ മന്ത്രി ജി സുധാകരൻ രംഗത്ത്. കേരള എൻജിഒ യൂണിയൻ സംസ്ഥാന സമ്മേളനത്തോടനുബന്ധിച്ച് നടത്തിയ പരിപാടിയിലായിരുന്നു സുധാകരൻ്റെ വിവാദ പ്രസ്താവന.

തപാൽ വോട്ട് ചെയ്യുമ്പോൾ എൻജിഒ യൂണിയൻ പ്രവർത്തകർ മറ്റ് സ്ഥാനാർത്ഥികൾക്ക് വോട്ട് ചെയ്യരുതെന്ന് നിർദ്ദേശമുണ്ടായിരുന്നുവെന്നും, 1989ൽ കെ വി ദേവദാസ് ആലപ്പുഴയിൽ നിന്ന് പാർലമെന്റിലേക്ക് മത്സരിച്ചപ്പോൾ ജില്ലാ കമ്മിറ്റി ഓഫീസിൽ വെച്ച് പോസ്റ്റൽ ബാലറ്റുകൾ പൊട്ടിച്ച് പരിശോധിച്ച് തിരുത്തിയെന്നും സുധാകരൻ പറഞ്ഞു. അന്ന് 15 ശതമാനം പേർ എതിർ സ്ഥാനാർത്ഥിക്കാണ് വോട്ട് ചെയ്തതെന്നും സുധാകരൻ സമ്മേളനത്തിൽ വെളിപ്പെടുത്തി. ഈ വെളിപ്പെടുത്തലിന്റെ പേരിൽ തിരഞ്ഞെടുപ്പ് കമ്മീഷൻ തനിക്കെതിരെ കേസെടുത്താലും കുഴപ്പമില്ലെന്നും അദ്ദേഹം കൂട്ടിച്ചേർത്തു.

അന്ന് കെ വി ദേവദാസിൻ്റെ പ്രധാന എതിരാളി വക്കം പുരുഷോത്തമനായിരുന്നു. യൂണിയനിലെ പല ആളുകൾക്കും ദേവദാസിനെ വ്യക്തിപരമായി അറിയാത്തതിനാലാണ് ഇത്തരത്തിൽ ഒരു നടപടി സ്വീകരിക്കേണ്ടി വന്നതെന്നും സുധാകരൻ വിശദീകരിച്ചു. സുധാകരൻ്റെ ഈ പ്രസ്താവന രാഷ്ട്രീയ രംഗത്ത് വലിയ വിവാദങ്ങൾക്ക് തിരികൊളുത്തിയിരിക്കുകയാണ്.

ഇത് തെരഞ്ഞെടുപ്പ് നിയമങ്ങളുടെ ലംഘനമല്ലേ? ഇങ്ങനെയുള്ള വെളിപ്പെടുത്തലുകൾ രാഷ്ട്രീയ രംഗത്ത് എന്ത് പ്രത്യാഘാതങ്ങൾ ഉണ്ടാക്കും? വാർത്ത ഷെയർ ചെയ്യുക.

Article Summary: Former Kerala Minister G. Sudhakaran confessed to tampering with postal votes 36 years ago to benefit CPI(M) candidate K. V. Devadas in Alappuzha. Speaking at an NGO Union event, he stated he wouldn't mind if the Election Commission filed a case against him.

#GSudhakaran, #PostalVoteTampering, #KeralaPolitics, #ElectionFraud, #CPIM, #PoliticalControversy