കോട്ടയം: (KVARTHA) ദ്രോണാചാര്യ പുരസ്‌കാര ജേതാവും പ്രമുഖ ഷൂട്ടിംഗ് പരിശീലകനുമായ പ്രൊഫസര്‍ സണ്ണി തോമസ് (85) അന്തരിച്ചു. കോട്ടയം ഉഴവൂരിലെ വസതിയില്‍ ബുധനാഴ്ച രാവിലെ ഹൃദയാഘാതത്തെ തുടര്‍ന്നായിരുന്നു അന്ത്യം.

19 വര്‍ഷക്കാലം ഇന്ത്യന്‍ ഷൂട്ടിംഗ് ടീമിന്റെ മുഖ്യ പരിശീലകനായി സേവനമനുഷ്ഠിച്ച വ്യക്തിയാണ് സണ്ണി തോമസ്. മുന്‍ ദേശീയ ഷൂട്ടിംഗ് ചാമ്പ്യന്‍ കൂടിയായിരുന്ന അദ്ദേഹത്തിന്റെ പരിശീലനത്തില്‍ ഇന്ത്യന്‍ ഷൂട്ടിംഗ് ടീം നൂറിലധികം അന്താരാഷ്ട്ര മെഡലുകള്‍ നേടിയിട്ടുണ്ട്. ഒളിമ്പിക്‌സ് സ്വര്‍ണ്ണ മെഡല്‍ ജേതാവ് അഭിനവ് ബിന്ദ്രയുടെ പരിശീലകനെന്ന നിലയിലും അദ്ദേഹം പ്രശസ്തനാണ്.

കോട്ടയം ജില്ലയിലെ ഉഴവൂരിലുള്ള സെന്റ് സ്റ്റീഫന്‍സ് കോളേജില്‍ ഇംഗ്ലീഷ് പ്രൊഫസറായിരുന്ന സണ്ണി തോമസ്, 1993 മുതല്‍ 2012 വരെ 19 വര്‍ഷം ഇന്ത്യന്‍ ഷൂട്ടിംഗ് ടീമിന്റെ പരിശീലക സ്ഥാനം വഹിച്ചു. റൈഫിള്‍ ഓപ്പണ്‍ സൈറ്റ് വിഭാഗത്തില്‍ കേരളത്തില്‍ നിന്നുള്ള ആദ്യകാല ഇന്ത്യന്‍ ദേശീയ ഷൂട്ടിംഗ് ചാമ്പ്യന്‍മാരില്‍ ഒരാളാണ് അദ്ദേഹം. അദ്ദേഹത്തിന്റെ നിര്യാണം ഇന്ത്യന്‍ ഷൂട്ടിംഗ് ലോകത്തിന് ഒരു വലിയ നഷ്ടമാണ്.

ഷൂട്ടിംഗ് പരിശീലകൻ സണ്ണി തോമസിന്റെ നിര്യാണ വാർത്ത ഷെയർ ചെയ്യുക. അദ്ദേഹത്തിന് ആദരാഞ്ജലികൾ അർപ്പിക്കുക. 

Dronacharya awardee and renowned shooting coach Professor Sunny Thomas (85) passed away in Kottayam due to a heart attack. He served as the chief coach of the Indian shooting team for 19 years and trained Olympic gold medalist Abhinav Bindra.

#SunnyThomas, #ShootingCoach, #DronacharyaAward, #IndianShooting, #AbhinavBindra, #Obituary