തിരുവനന്തപുരം: (KVARTHA) സംസ്ഥാന കായികവകുപ്പ് മന്ത്രി വി. അബ്ദുറഹിമാന്റെ ഓഫീസ് അസിസ്റ്റന്റായ വയനാട് സ്വദേശി ബിജുവിനെ മരിച്ച നിലയിൽ കണ്ടെത്തി. തിരുവനന്തപുരം നളന്ദ എൻ.ജി.ഒ. ക്വാർട്ടേഴ്‌സിലെ വീട്ടിലാണ് മൃതദേഹം കണ്ടെത്തിയത്.

ഭാര്യയോടൊപ്പം ക്വാർട്ടേഴ്സിൽ താമസിച്ച് വരികയായിരുന്നു. ബിജുവിന്റെ ഭാര്യ വ്യാഴാഴ്ച നാട്ടിലേക്ക് പോയിരുന്നു. വെള്ളിയാഴ്ച രാവിലെ ഓഫീസിൽ ബിജു എത്താത്തതിനെ തുടർന്ന് സുഹൃത്തുക്കൾ ഫോണിൽ വിളിച്ചെങ്കിലും പ്രതികരണമുണ്ടായില്ല. വിവരം അറിഞ്ഞെത്തിയ ഭാര്യ വിളിച്ചിട്ടും ഫോൺ എടുക്കാതിരുന്നതിനെ തുടർന്നാണ് താമസസ്ഥലത്ത് പരിശോധന നടത്തിയത്.

അകത്തുനിന്ന് പൂട്ടിയ മുറിയിൽ ബിജുവിനെ തൂങ്ങിമരിച്ച നിലയിൽ കണ്ടെത്തുകയായിരുന്നു. മരണകാരണം വ്യക്തമല്ല. മ്യൂസിയം പോലീസ് സ്ഥലത്തെത്തി പരിശോധന നടത്തുകയും അസ്വാഭാവിക മരണത്തിന് കേസെടുക്കുകയും ചെയ്തിട്ടുണ്ട്. വ്യക്തിപരമായതും കുടുംബപരമായതുമായ പ്രശ്നങ്ങൾ ബിജുവിനുണ്ടായിരുന്നതായി പ്രാഥമിക വിവരങ്ങൾ സൂചിപ്പിക്കുന്നു.
 

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുകയും മറ്റുള്ളവരിലേക്ക് എത്തിക്കുകയും ചെയ്യുക.

Article Summary: Minister's assistant found dead in Thiruvananthapuram; police investigating.

#KeralaNews #Thiruvananthapuram #Death #PoliceInvestigation #MinisterialStaff #Tragedy