കോട്ടയം: (KVARTHA) നീർനായയുടെ കടിയേറ്റ് ചികിത്സ തേടി വീട്ടിലെത്തിയ വീട്ടമ്മ ദേഹാസ്വാസ്ഥ്യത്തെ തുടർന്ന് കുഴഞ്ഞുവീണ് മരിച്ചു. വേളൂർ പാണംപടി കലയംകേരിൽ ഇബ്രാഹിംകുട്ടിയുടെ ഭാര്യ നിസാനി (53) ആണ് മരിച്ചത്. ഞായറാഴ്ച രാവിലെ 10.30-ഓടെ പാണംപടി പള്ളിക്ക് സമീപം മീനച്ചിലാറ്റിൽ തുണി കഴുകുന്നതിനിടെയാണ് നിസാനിയെ നീർനായ കടിച്ചത്.

കടിയേറ്റതിനെ തുടർന്ന് നിസാനി ജനറൽ ആശുപത്രിയിൽ പ്രാഥമിക ചികിത്സ തേടി വീട്ടിലേക്ക് മടങ്ങിയിരുന്നു. എന്നാൽ, വൈകുന്നേരത്തോടെ ദേഹാസ്വാസ്ഥ്യം അനുഭവപ്പെടുകയും കുഴഞ്ഞുവീഴുകയുമായിരുന്നു. ഉടൻതന്നെ ബന്ധുക്കൾ നിസാനിയെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം. പോസ്റ്റ്‌മോർട്ടം റിപ്പോർട്ട് ലഭിച്ചാൽ മാത്രമേ മരണകാരണത്തിൽ കൂടുതൽ വ്യക്തത ലഭിക്കുകയുള്ളൂവെന്ന് വനംവകുപ്പ് ഉദ്യോഗസ്ഥർ അറിയിച്ചു.

ഖബറടക്കം വൈകുന്നേരം 3 മണിക്ക് താഴത്തങ്ങാടി ജുമാ മസ്ജിദ് ഖബർസ്ഥാനിൽ നടക്കും. മകൾ: ജാസ്മിൻ, മരുമകൻ: മുബാറക്.

വന്യജീവി ആക്രമണങ്ങൾ വർധിക്കുന്നതിനെക്കുറിച്ച് നിങ്ങളുടെ അഭിപ്രായം താഴെ കമൻ്റ് ചെയ്യുക. ഈ വാർത്ത കൂടുതൽ പേരിലേക്ക് എത്തിക്കുക.

Article Summary: Woman dies in Kottayam after otter bite; collapsed at home.