ചെന്നൈ: (KVARTHA) തമിഴക വെട്രി കഴകം (ടിവികെ) പാർട്ടിയുടെ കൊടിയിൽ ചുവപ്പ്, മഞ്ഞ നിറങ്ങൾ ഉപയോഗിക്കുന്നത് നിരോധിക്കണമെന്ന് ആവശ്യപ്പെട്ട് സമർപ്പിച്ച ഹർജിയിൽ നടപടിയുമായി മദ്രാസ് ഹൈകോടതി. പാർട്ടി അധ്യക്ഷൻ വിജയ്ക്ക് നോട്ടിസ് അയച്ചു. കൊടിയിൽ ഉപയോഗിച്ചിരിക്കുന്ന നിറങ്ങൾ 'മോഷണ'മാണെന്ന് ആരോപിച്ച് തൊണ്ടൈ മണ്ഡല സാന്റോർ ധർമ്മ പരിപാലന സഭ എന്ന സ്വതന്ത്ര സംഘടനയാണ് മദ്രാസ് ഹൈകോടതിയെ സമീപിച്ചത്.

കേസ് പരിഗണിച്ച ജസ്റ്റിസ് സെന്തിൽ രാമമൂർത്തി, ഉൽപ്പന്നങ്ങൾക്കുള്ള രജിസ്റ്റേർഡ് മുദ്ര രാഷ്ട്രീയ പാർട്ടിയുടെ പതാകയ്ക്ക് എങ്ങനെ ബാധകമാകുമെന്ന് ചോദിച്ചു. രജിസ്റ്റേർഡ് മുദ്ര സന്നദ്ധ സംഘടനകൾക്കും ട്രസ്റ്റുകൾക്കും ബാധകമാണെന്ന് ഹർജിക്കാരൻ്റെ അഭിഭാഷകൻ മറുപടി നൽകി. തുടർന്ന് ഈ വിഷയത്തിൽ രണ്ടാഴ്ചയ്ക്കകം മറുപടി നൽകാനാവശ്യപ്പെട്ട് ടിവികെയ്ക്ക് കോടതി നോട്ടിസ് അയക്കുകയായിരുന്നു. ടിവികെ പതാകയിൽ ആനയുടെ ചിഹ്നം ഉപയോഗിക്കുന്നതിനെതിരെ ബിഎസ്പി നൽകിയ കേസ് ഹൈകോടതിയിൽ തുടരുന്നതിനിടെയാണ് ഈ പുതിയ വിവാദം.
 

ഒരു രാഷ്ട്രീയ പാർട്ടിയുടെ കൊടിയിലെ നിറങ്ങൾ 'മോഷണം' എന്ന് വിശേഷിപ്പിക്കുന്നത് ശരിയാണോ? നിങ്ങളുടെ അഭിപ്രായം കമൻ്റ് ചെയ്യുക.

Article Summary: Madras High Court issues notice to Vijay's TVK over 'flag theft' color controversy.

#Vijay #TVK #MadrasHighCourt #FlagControversy #TamilNaduPolitics #PoliticalNews