ലക്നൗ: (KVARTHA) പഞ്ചാബിലെ ഗുരുദാസ്പൂരില്‍ നടന്ന ഗ്രനേഡ് ആക്രമണത്തിന് പിന്നിലെ പ്രതികളെ പിടികൂടാനുള്ള തിരച്ചിലില്‍, പഞ്ചാബ് പൊലീസും ഉത്തര്‍പ്രദേശ് പൊലീസും ചേര്‍ന്ന് നടത്തിയ സംയുക്ത ഓപ്പറേഷനില്‍ മൂന്ന് ഖലിസ്ഥാന്‍ തീവ്രവാദികള്‍ വധിക്കപ്പെട്ടതായി അധികൃതര്‍ അറിയിച്ചു. ഉത്തര്‍പ്രദേശിലെ പിലിഭിത്തില്‍ വെച്ചാണ് ഈ ഏറ്റുമുട്ടല്‍ നടന്നത്. ഗുര്‍വീന്ദര്‍ സിംഗ്, ജസന്‍പ്രീത് സിംഗ്, വീരേന്ദ്ര സിംഗ് എന്നിവരാണ് കൊല്ലപ്പെട്ടത്.

പൊലീസ് പറയുന്നത് ഇങ്ങനെ: 'പിലിഭിത്തിലേക്ക് രക്ഷപ്പെട്ട ഈ തീവ്രവാദികളെ പിടികൂടാനുള്ള തിരച്ചില്‍ ശക്തമാക്കിയിരുന്നു. പിലിഭിത് നഗരത്തിലേക്ക് ഈ മൂന്ന് പേര്‍ എത്തിയിട്ടുണ്ടെന്ന രഹസ്യ വിവരത്തെ തുടര്‍ന്ന് പൊലീസ് സംഘം അവരെ പിന്തുടര്‍ന്നു.

സംശയം തോന്നിയ തീവ്രവാദികള്‍ പൊലീസിനെ ആക്രമിക്കുകയും, തുടര്‍ന്നുണ്ടായ ഏറ്റുമുട്ടലില്‍ മൂവരും കൊല്ലപ്പെടുകയും ചെയ്തു. സംഭവത്തില്‍ രണ്ട് പോലീസുകാരും പരിക്കേറ്റിട്ടുണ്ട്. കൊല്ലപ്പെട്ടവരില്‍ നിന്ന് രണ്ട് എകെ-47 റൈഫിളുകളും രണ്ട് ഗ്ലോക്ക് പിസ്റ്റളുകളും പൊലീസ് കണ്ടെടുത്തിട്ടുണ്ട്'.

കൊല്ലപ്പെട്ടവര്‍ പാകിസ്ഥാന്‍ പിന്തുണയുള്ള ഖലിസ്ഥാന്‍ സിന്ദാബാദ് ഫോഴ്സിന്റെ (KZF) അംഗങ്ങളാണെന്ന് പഞ്ചാബ് ഡിജിപി ഗൗരവ് യാദവ് പറഞ്ഞു. ഈ സംഘടനയ്ക്ക് പല തീവ്രവാദ പ്രവര്‍ത്തനങ്ങളുമായി ബന്ധമുണ്ടെന്നും അദ്ദേഹം കൂട്ടിച്ചേര്‍ത്തു. ഡിസംബര്‍ 19 ന് ഗുരുദാസ്പൂരിലെ കലനൗറിലെ പൊലീസ് പോസ്റ്റിന് നേരെ നടന്ന ഗ്രനേഡ് ആക്രമണത്തിന് പിന്നില്‍ ഈ തീവ്രവാദ സംഘടനയാണെന്നും പഞ്ചാബ് പൊലീസ് സ്ഥിരീകരിച്ചു. ഈ ആക്രമണത്തില്‍ ആളപായം ഉണ്ടായിരുന്നില്ല.

#Khalistan #Punjab #UttarPradesh #India #terrorism #encounter #police #security

Three suspects claimed to be pro-khalistan sympathisers allegedly involved in grenade attack at a police post in Punjab's Gurdaspur district were killed in encounter during joint operation by UP's Pilibhit and Punjab police. Two 2 AKs, a glock and ammunition recovered. pic.twitter.com/xPLgJxl9kQ

— Piyush Rai (@Benarasiyaa) December 23, 2024