ക്ഷേത്രക്കൊള്ള കേസിൽ സിബിഐ അന്വേഷണം ആവശ്യപ്പെട്ട് സുപ്രീം കോടതിയിൽ ഹർജി; ഉന്നതർ ഇപ്പോഴും അന്വേഷണത്തിന് പുറത്ത്

ലഖ്നൗ: (KVARTHA) അയോധ്യ ക്ഷേത്ര നിർമാണവുമായി ബന്ധപ്പെട്ട് നടന്ന സംഘടിത കൊള്ളകളിൽ നിയമത്തിന് മുന്നിലെത്തിയ സംഭാവന തട്ടിപ്പ് കേസിൽ പ്രതികളെ പുറത്തെത്തിക്കാൻ ആസൂത്രിത നീക്കം നടക്കുന്നതായി ആരോപണം. കേസ് രജിസ്റ്റർ ചെയ്ത് മൂന്നു മാസം പിന്നിടുമ്പോഴും കുറ്റപത്രം സമർപ്പിച്ചിട്ടില്ല. സെപ്റ്റംബർ 25 കഴിയുന്നതോടെ പ്രതികൾക്ക് സ്വാഭാവിക ജാമ്യത്തിന് അവസരമൊരുങ്ങും.

പ്രത്യേകാന്വേഷണ സംഘം രൂപീകരിച്ച് പ്രതിഷേധം തണുപ്പിക്കാൻ ശ്രമിച്ചെങ്കിലും കേസിൽ പിന്നീട് യാതൊരു പുരോഗതിയുമില്ല. ക്ഷേത്ര വളപ്പിലെ സിസിടിവി ദൃശ്യങ്ങൾ ഫോറൻസിക് പരിശോധനയ്ക്ക് വിധേയമാക്കിയപ്പോൾ 105 സംഭാവന തട്ടിപ്പ് സംഭവങ്ങൾ കണ്ടെത്തിയതായി സോളിസിറ്റർ ജനറൽ തുഷാർ മേത്ത നേരത്തെ വെളിപ്പെടുത്തിയിരുന്നു.

ഉന്നതർ ഇപ്പോഴും അന്വേഷണത്തിന് പുറത്ത്

സംഭാവന തട്ടിപ്പിന് പിന്നിൽ പ്രവർത്തിച്ച ട്രസ്റ്റ് ഇപ്പോഴും അധികാരത്തിൽ തുടരുകയാണ്. സിഇഒ പദവി സൃഷ്ടിച്ച് മുൻ എയർ മാർഷൽ ജിതേന്ദ്ര മിശ്രയെ അവരോധിക്കുക മാത്രമാണ് ചെയ്തത്. വൻ പ്രതിഷേധം ഉയരുകയും തട്ടിപ്പുകൾ ഓരോന്നായി സമൂഹ മധ്യത്തിൽ എത്തുകയും ചെയ്തതോടെ ശ്രീരാമജന്മഭൂമി തീർത്ഥക്ഷേത്ര ട്രസ്റ്റ് ജനറൽ സെക്രട്ടറി ചമ്പത് റായ്, ട്രസ്റ്റി അനിൽ മിശ്ര എന്നിവർക്ക് രാജിവെക്കേണ്ടി വന്നിരുന്നു. എന്നാൽ ഇവർ ഇപ്പോഴും അന്വേഷണ പരിധിക്ക് പുറത്താണ്.

സിബിഐ അന്വേഷണവും ട്രസ്റ്റ് ഫണ്ടുകളുടെ ഫോറൻസിക് ഓഡിറ്റും ആവശ്യപ്പെട്ടുള്ള ഹർജി സുപ്രീം കോടതിയുടെ പരിഗണനയിലാണ്. ഇതിനിടയിൽ കുറ്റപത്രം ഉടൻ സമർപ്പിക്കുമെന്ന് സർക്കാരിന് വേണ്ടി സോളിസിറ്റർ ജനറൽ തുഷാർ മേത്ത കോടതിയെ അറിയിച്ചിരുന്നെങ്കിലും ഇതുവരെ നടപടികൾ ഉണ്ടായില്ല.

13 പേർ എന്ന് പറഞ്ഞു, പിടികൂടിയത് എട്ട് പേരെ

സംഭാവന തട്ടിപ്പ് കേസിൽ മാത്രം 13 പേർ ഉൾപ്പെട്ടതായാണ് യോഗി ആദിത്യനാഥ് സർക്കാർ രൂപീകരിച്ച പ്രത്യേക അന്വേഷണ സംഘം (SIT) തുടക്കത്തിൽ വെളിപ്പെടുത്തിയിരുന്നത്. എന്നാൽ എട്ട് പേരെ അറസ്റ്റ് ചെയ്തതോടെ കേസ് നിലച്ചു.

അവിനാഷ് ശുക്ല, അനുകൽപ് മിശ്ര, ലവ്കുഷ് മിശ്ര, മനീഷ് കുമാർ യാദവ്, കരുണേഷ് പാണ്ഡെ, രാമശങ്കർ മിശ്ര, സുഭാഷ് ശ്രീവാസ്തവ, രാം ശങ്കർ യാദവ് (ടിന്നു) എന്നിവരാണ് അറസ്റ്റിലായത്. ഇപ്പോൾ റിമാൻഡിൽ കഴിയുന്ന ഇവർക്ക് രണ്ടു ദിവസത്തിനകം കുറ്റപത്രം സമർപ്പിച്ചില്ലെങ്കിൽ സ്വാഭാവിക ജാമ്യം ലഭിക്കും. കോടിക്കണക്കിന് രൂപയുടെ തട്ടിപ്പാണ് നടന്നതെങ്കിലും ഇതുവരെ 80 ലക്ഷം രൂപ മാത്രമാണ് ഈ പ്രതികളിൽ നിന്നും വീണ്ടെടുക്കാനായത്.

നേരത്തെ പുറത്തെത്തിയ കാര്യങ്ങളിലും മിണ്ടാട്ടമില്ല

ട്രസ്റ്റ് ജനറൽ സെക്രട്ടറി ചമ്പത് റായിയും ട്രസ്റ്റി അനിൽ മിശ്രയും രാജി സമർപ്പിച്ചതോടെ അവരുടെ കേസിലെ പങ്ക് മായ്ച്ചു കളഞ്ഞ സാഹചര്യമാണുള്ളത്. ഇരുവരും ക്ഷേത്രക്കൊള്ള നേരത്തെ അറിഞ്ഞിരുന്നുവെന്നാണ് പുറത്തുവരുന്ന വിവരങ്ങൾ. പരാതി നൽകുന്നതിന് മുൻപ് തന്നെ ഒരു പ്രതിയുടെ വീട്ടിൽ നിന്നും ഇവരുടെ നിർദേശപ്രകാരം പണം നീക്കിയിരുന്നു. പൊലീസ് സഹായത്തോടെ തന്നെ കേസ് എടുക്കുന്നതിന് മുൻപ് നടത്തിയ ഈ നീക്കം വീഡിയോ സഹിതം പുറത്തുവരികയുണ്ടായി.

ജൂൺ ആദ്യവാരത്തിൽ തന്നെ ക്രമക്കേടുകൾ ട്രസ്റ്റിന്റെ ശ്രദ്ധയിൽപ്പെട്ടിരുന്നു. തുടർന്ന് തെളിവുകൾ സഹിതം ജനങ്ങൾ വിവരങ്ങൾ അറിഞ്ഞതോടെയാണ് ഉത്തർപ്രദേശ് മുഖ്യമന്ത്രി യോഗി ആദിത്യനാഥ് തിടുക്കപ്പെട്ട് അന്വേഷണം പ്രഖ്യാപിച്ചത്.

എസ്ഐടി അന്വേഷണം ആരംഭിച്ചതോടെ പക്ഷേ കാര്യങ്ങൾ കൈവിട്ടുപോയി. പ്രധാനമന്ത്രി നരേന്ദ്ര മോദിയുടെയും ആഭ്യന്തര മന്ത്രി അമിത് ഷായുടെയും നേരിട്ടുള്ള നിയന്ത്രണത്തിനും നിരീക്ഷണത്തിനും കീഴിലായിരുന്നു ട്രസ്റ്റ് പ്രവർത്തിച്ചിരുന്നത്.

കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Article Summary: Delay in filing chargesheet in Ayodhya donation fraud case may facilitate default bail for accused.

#AyodhyaScam #RamTempleTrust #AyodhyaDonationFraud #UPGovernment #MalayalamNews #NationalNews #IndiaPolitics #Kvartha #AnjanaNews