കൊച്ചി: (KVARTHA) വൈറ്റിലയിലെ ഒരു ഫോര്‍ സ്റ്റാര്‍ ഹോട്ടല്‍ കേന്ദ്രീകരിച്ച് അനാശാസ്യം നടക്കുന്നുണ്ടെന്ന വിവരത്തെ തുടര്‍ന്ന് പോലീസ് നടത്തിയ പരിശോധനയില്‍ 11 യുവതികളും ഒരു ഇടനിലക്കാരനും പിടിയിലായി. വൈറ്റില ആര്‍ട്ടിക് ഹോട്ടലില്‍ ലഹരി ഉപയോഗം നടക്കുന്നുണ്ടെന്ന രഹസ്യ വിവരത്തെത്തുടര്‍ന്ന് ഡാന്‍സാഫ് സംഘവും മരട് പോലീസും സംയുക്തമായി നടത്തിയ പരിശോധനയിലാണ് സ്പാ എന്ന വ്യാജേന പ്രവര്‍ത്തിച്ചിരുന്ന ഈ അനാശാസ്യ സംഘം പിടിയിലായത്.

ഹോട്ടലിന്റെ മൂന്നാം നിലയിലെ മൂന്ന് മുറികള്‍ വാടകയ്ക്കെടുത്താണ് മലപ്പുറം സ്വദേശിയായ നൗഷാദ് സ്പാ നടത്തിയിരുന്നത്. ഇയാളുടെ പ്രധാന ഇടനിലക്കാരനായി പ്രവര്‍ത്തിച്ചിരുന്ന കൊച്ചി സ്വദേശി ജോസ് പോലീസ് പരിശോധന നടക്കുമ്പോള്‍ ഹോട്ടലില്‍ ഉണ്ടായിരുന്നു.

പിടിയിലായ 11 യുവതികളില്‍ ഹോട്ടലിന്റെ മാനേജരായി പ്രവര്‍ത്തിച്ചിരുന്ന യുവതിയും ഉള്‍പ്പെടുന്നു. ഇവരില്‍ ഭൂരിഭാഗം പേരും കൊച്ചിയില്‍ നിന്നുള്ളവരാണ്. ഈ യുവതികളെല്ലാം മാസ ശമ്പളത്തിനാണ് ജോലി ചെയ്തിരുന്നത്. മാനേജര്‍ക്ക് 30,000 രൂപയും ഇടനിലക്കാരനായ ജോസിന് 20,000 രൂപയും മറ്റുള്ളവര്‍ക്ക് 15,000 രൂപയുമായിരുന്നു മാസ ശമ്പളം. ഇതിനുപുറമെ അനാശാസ്യത്തിലൂടെ ലഭിക്കുന്ന വരുമാനവും ഇവര്‍ക്ക് ലഭിച്ചിരുന്നു. സ്പാ നടത്തിപ്പിലൂടെ പ്രതിമാസം ഏകദേശം മൂന്നര ലക്ഷം രൂപ വരെ ഇടനിലക്കാര്‍ക്ക് വരുമാനം ലഭിച്ചിരുന്നതായി പോലീസ് അറിയിച്ചു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക. ഷെയർ ചെയ്യുക.

Police raid targeting drug activity at a four-star hotel in Vyttila, Kochi, led to the discovery of honey trap under the guise of a spa. Eleven women and a broker were arrested.

#KochiNews, #Racket, #PoliceRaid, #Vyttila, #CrimeNews, #KeralaPolice