തിരുവനന്തപുരം: (KVARTHA) ചിറയിന്‍കീഴില്‍ പോലീസ് സബ് ഇന്‍സ്‌പെക്ടറെ (എസ്‌ഐ) കുടുംബവീട്ടില്‍ തൂങ്ങിമരിച്ച നിലയില്‍ കണ്ടെത്തി. എ ആര്‍ ക്യാമ്പിലെ എസ്‌ഐ റാഫി (56) ആണ് മരിച്ചത്. മാര്‍ച്ച് 31-ന് സര്‍വീസില്‍ നിന്ന് വിരമിക്കാനിരിക്കെയാണ് ഈ ദാരുണ സംഭവം.

റാഫിയും കുടുംബവും തൈക്കാട് മേട്ടുക്കടയിലാണ് താമസിക്കുന്നത്. ശനിയാഴ്ച പുലര്‍ച്ചെ അഴൂരിലെ ഒഴിഞ്ഞുകിടക്കുന്ന കുടുംബവീട്ടിലാണ് റാഫിയുടെ മൃതദേഹം അയല്‍വാസികള്‍ കണ്ടെത്തിയത്. കഴിഞ്ഞ ദിവസം വൈകിട്ട് അഴൂരിലെ വീട്ടില്‍ പോയിവരാമെന്ന് പറഞ്ഞാണ് റാഫി വീട്ടില്‍ നിന്നിറങ്ങിയതെന്ന് വീട്ടുകാര്‍ പറഞ്ഞു. 

സാമ്പത്തിക ബാധ്യതകളെ തുടര്‍ന്ന് ജീവനൊടുക്കിയതെന്നാണ് പ്രാഥമിക നിഗമനം. പോലീസ് സൊസൈറ്റിയില്‍ നിന്ന് എടുത്ത വായ്പ തിരിച്ചടയ്ക്കാന്‍ സാധിക്കാത്തതിനെ തുടര്‍ന്ന് ജാമ്യക്കാരില്‍ നിന്ന് പണം തിരികെ പിടിക്കാനുള്ള നടപടികള്‍ ആരംഭിച്ചിരുന്നതായും വിവരങ്ങളുണ്ട്. ഭാര്യയും രണ്ട് മക്കളുമുണ്ട്. സംഭവത്തില്‍ ചിറയിന്‍കീഴ് പോലീസ് അന്വേഷണം ആരംഭിച്ചു. ജോലിയില്‍ നിന്ന് പടിയിറങ്ങാന്‍ ദിവസങ്ങള്‍ മാത്രം ബാക്കിനില്‍ക്കെ, ഒരു പോലീസ് ഉദ്യോഗസ്ഥന്റെ അപ്രതീക്ഷിതമായ മരണം സമൂഹത്തില്‍ ഞെട്ടലുണ്ടാക്കിയിരിക്കുകയാണ്.

(ശ്രദ്ധിക്കുക: സ്വയം ജീവനൊടുക്കുന്നത് ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)

ഈ ദുരന്തവാർത്ത എല്ലാവരിലേക്കും എത്തിക്കുക. നിങ്ങളുടെ പ്രതികരണങ്ങളും അഭിപ്രായങ്ങളും പങ്കുവെക്കുക.

Police sub-inspector (SI) was found dead at his family home in Chirayinkeezhu, Thiruvananthapuram. The SI, Rafi (56), was set to retire on March 31. Financial burdens are believed to be the cause. Chirayinkeezhu police are investigating the incident.

#Thiruvananthapuram #Police #KeralaPolice #RetirementTragedy #FinancialStress #Chirayinkeezhu