പുലിയുടെ സാന്നിധ്യം

കടുവയെ പിടികൂടാൻ വെച്ച കൂട്ടിൽ ബുധനാഴ്ച രാത്രിയോടെയാണ് പുലി കുടുങ്ങിയത്. ബുധനാഴ്ച രാത്രിയിൽ കൽക്കുണ്ട് ചേരിയിൽ മാധവൻ എന്നയാളുടെ വളർത്തുനായയെ അഞ്ജാത ജീവി കടിച്ച് പരിക്കേൽപ്പിച്ചിരുന്നു. വനം വകുപ്പ് നടത്തിയ പരിശോധനയിൽ ഇത് പുലിയാണെന്ന് കണ്ടെത്തി. ഇതോടെ കടുവയ്ക്ക് പിന്നാലെ പ്രദേശത്ത് പുലിയുടെ സാന്നിധ്യവും ഉറപ്പിച്ചിരിക്കുകയാണ്.

തിരച്ചിൽ തുടരുന്നു

കടുവയെ പിടികൂടാൻ 15 ദിവസം കഴിഞ്ഞിട്ടും ഇതുവരെ സാധിക്കാത്തത് പ്രദേശത്ത് വലിയ ആശങ്കയാണ് സൃഷ്ടിക്കുന്നത്. കടുവ പലയിടത്തേക്കായി നീങ്ങുന്ന സാഹചര്യമാണുള്ളത്. വനംവകുപ്പ് കടുവയ്ക്കായുള്ള തിരച്ചിൽ തുടരുകയാണ്. 20 അംഗങ്ങൾ വീതമുള്ള മൂന്ന് ആർആർടി സംഘങ്ങളെ കൂടാതെ, ലൈവ് സ്ട്രീമിംഗ് ക്യാമറകൾ, ഡ്രോണുകൾ, മൂന്ന് കൂടുകൾ, രണ്ട് കുങ്കി ആനകൾ, മൂന്ന് വെറ്ററിനറി ഡോക്ടർമാർ എന്നിവരുൾപ്പെടെയുള്ള വലിയ സംഘത്തെ ഉപയോഗിച്ചാണ് തിരച്ചിൽ പുരോഗമിക്കുന്നത്. കടുവ കേരള എസ്റ്റേറ്റ് ഭാഗം വിട്ട് മറ്റെവിടെയും പോയിട്ടില്ലെന്നാണ് വനം വകുപ്പിന്റെ നിഗമനം.

ഈ മാസം 15-നാണ് കാളികാവിൽ ടാപ്പിംഗ് തൊഴിലാളിയായ പല്ലാമൂല പാലത്തിങ്ങലിലെ കളപ്പറമ്പിൽ ഗഫൂർ അലിയെ (44) കടുവ ആക്രമിച്ച് കൊന്നത്. സുഹൃത്തായ അബ്ദുൽ സമദ് കണ്ടുനിൽക്കേയാണ് കടുവ ഗഫൂറിനു മേൽ ചാടിവീണ് കഴുത്തിന് പിന്നിൽ കടിച്ച് വലിച്ച് കൊണ്ടുപോയത്. ഇതോടെ കടുവയെ പിടികൂടാൻ പ്രദേശത്ത് 20 അംഗങ്ങൾ വീതമുള്ള മൂന്ന് ആർആർടി സംഘങ്ങളെ നിയോഗിക്കുകയും കൂട് സ്ഥാപിക്കുകയും ചെയ്തിരുന്നു.

നിങ്ങളുടെ പ്രദേശത്ത് വന്യമൃഗങ്ങളുടെ ശല്യമുണ്ടോ? അനുഭവങ്ങൾ പങ്കുവെക്കുക. വാർത്ത സുഹൃത്തുക്കളുമായി ഷെയര്‍ ചെയ്യൂ.

Article Summary: Leopard trapped in cage set for man-eating tiger in Kalikavu, Malappuram; tiger still elusive.

#Kalikavu #TigerHunt #LeopardTrap #WildlifeCrisis #Malappuram #ForestDepartment