തിരുവനന്തപുരം: (KVARTHA) അനധികൃത സ്വത്ത് സമ്പാദന കേസിൽ എഡിജിപി എം.ആർ. അജിത്കുമാറിന് ക്ലീൻ ചിറ്റ് നൽകിയ വിജിലൻസ് അന്വേഷണ റിപ്പോർട്ട് പ്രത്യേക വിജിലൻസ് കോടതിയിൽ സമർപ്പിച്ചു. കേസ് ഈ മാസം 27 ന് വീണ്ടും പരിഗണിക്കും. റിപ്പോർട്ട് തിങ്കളാഴ്ച ഹാജരാക്കണമെന്ന് കോടതി കഴിഞ്ഞ ദിവസം അന്ത്യശാസനം നൽകിയിരുന്നു.

അന്വേഷണ ഉദ്യോഗസ്ഥൻ റിപ്പോർട്ട് സർക്കാരിന് സമർപ്പിച്ചെന്ന് അറിയിച്ചപ്പോൾ, കേസ് കോടതിയിലല്ലേ നിലനിൽക്കുന്നത് എന്നും റിപ്പോർട്ട് ഇവിടെയല്ലേ ഹാജരാക്കേണ്ടത് എന്നും ജഡ്ജി എം.വി. രാജകുമാര ചോദിച്ചിരുന്നു. ഇതിനെ തുടർന്നാണ് തിങ്കളാഴ്ച റിപ്പോർട്ട് കോടതിയിൽ ഹാജരാക്കിയത്. കോടതി റിപ്പോർട്ട് പരിശോധിച്ച് തുടർ നടപടികൾ സ്വീകരിക്കും.

നേരത്തെ, അജിത് കുമാറിനെ കുറ്റവിമുക്തനാക്കിയ വിജിലൻസ് അന്വേഷണ റിപ്പോർട്ട് സർക്കാർ അംഗീകരിച്ചിരുന്നു. കഴിഞ്ഞ മാസമാണ് മുഖ്യമന്ത്രി വിജിലൻസിന്റെ കണ്ടെത്തൽ അംഗീകരിച്ച് ഒപ്പിട്ടത്. വിജിലൻസ് പ്രത്യേക യൂണിറ്റ് നടത്തിയ അന്വേഷണത്തിൽ അജിത് കുമാർ അനധികൃതമായി സ്വത്ത് സമ്പാദിച്ചിട്ടില്ലെന്ന് കണ്ടെത്തിയിരുന്നു.

ഹർജിക്കാരൻ്റെ വാദം അനുസരിച്ച്, എഡിജിപി എം.ആർ. അജിത് കുമാർ ഭാര്യയുടെ സഹോദരനുമായി ചേർന്ന് തിരുവനന്തപുരം കവടിയാറിൽ സെൻ്റിന് 70 ലക്ഷം രൂപ വിലയുള്ള ഭൂമി വാങ്ങി ആഡംബര കെട്ടിടം നിർമ്മിക്കുന്നതിൽ അഴിമതിപ്പണം ഉപയോഗിച്ചിട്ടുണ്ട്. ഇതിനായി മുഖ്യമന്ത്രിയുടെ പൊളിറ്റിക്കൽ സെക്രട്ടറി പി. ശശി എഡിജിപിക്ക് വഴിവിട്ട് സഹായം നൽകിയെന്നും ഹർജിക്കാരൻ ആരോപിച്ചിരുന്നു. എന്നാൽ വിജിലൻസ് അന്വേഷണത്തിൽ ഈ ആരോപണങ്ങൾക്ക് തെളിവില്ലെന്ന് കണ്ടെത്തുകയായിരുന്നു.

എഡിജിപിക്ക് ക്ലീൻ ചിറ്റ് നൽകിയ വിജിലൻസ് റിപ്പോർട്ടിനെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക! 

Article Summary: The Vigilance investigation report giving a clean chit to ADGP M.R. Ajith Kumar in the disproportionate assets case has been submitted to the special Vigilance court, following a deadline. The government had already approved the report, which found no evidence of illegal wealth. The case will be considered on the 27th of this month.

#ADGPAjithKumar, #VigilanceReport, #CleanChit, #KeralaNews, #CorruptionCase, #Thiruvananthapuram