ദുബൈ: (KVARTHA) കരാമയിൽ മലയാളി യുവതിയെ മരിച്ച നിലയിൽ കണ്ടെത്തി. തിരുവനന്തപുരം വിതുര ബൊണാകാട് സ്വദേശിനി ആനി മോൾ ഗിൽഡ (26) ആണ് മരിച്ചത്. സംഭവം നടന്നത് ഈ മാസം നാലാം തീയതിയായിരുന്നു. ആനി ദുബൈയിലെ ഒരു കമ്പനിയിലെ ജീവനക്കാരിയായിരുന്നു. കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല.

സംഭവവുമായി ബന്ധപ്പെട്ട് ആനിയോടൊപ്പം താമസിച്ചിരുന്ന സുഹൃത്തിനെ പോലീസ് കസ്റ്റഡിയിലെടുത്തിട്ടുണ്ട്. ഇയാളെ എയർപോർട്ടിൽ നിന്നാണ് പിടികൂടിയതെന്നാണ് വിവരം. കൊലപാതകം ആണെന്നാണ് പൊലീസ് പറയുന്നത്. കൃത്യത്തിൻ്റെ കാരണം ഇതുവരെ വ്യക്തമായിട്ടില്ല.

മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ പുരോഗമിക്കുകയാണെന്ന് സാമൂഹിക പ്രവർത്തകനും യാബ് ലീഗൽ സർവീസ് സി.ഇ.ഒയുമായ സലാം പാപ്പിനിശ്ശേരിയും ഇൻകാസ് യൂത്ത് വിംഗ് ഭാരവാഹികളും അറിയിച്ചു.

ദുബൈയിലെ ഈ ദാരുണ സംഭവത്തെക്കുറിച്ച് നിങ്ങളുടെ പ്രതികരണങ്ങൾ അറിയിക്കുക! ഷെയർ ചെയ്യുക.

Article Summary: A Malayali woman, Annie Mol Gilda (26) from Thiruvananthapuram, was found killed in Karama, Dubai. Her roommate has been taken into police custody at the airport. The motive for the murder is currently unknown. Efforts are underway to repatriate the body to India.

#DubaiMurder, #MalayaliWoman, #CrimeNews, #UAE, #Thiruvananthapuram, #PoliceInvestigation