കൊല്ലം: (KVARTHA) ഷാർജയിൽ ഒന്നര വയസ്സുകാരി മകൾക്കൊപ്പം ജീവനൊടുക്കിയ കൊല്ലം കൊട്ടാരക്കര സ്വദേശിനി വിപഞ്ചികയുടെ മരണത്തിൽ ഭർത്താവ് നിതീഷിനെ ഒന്നാം പ്രതിയാക്കി പോലീസ് കേസെടുത്തു. വിപഞ്ചികയുടെ അമ്മയുടെ പരാതിയിലാണ് പോലീസ് നടപടി. നിതീഷിനെതിരെ ആത്മഹത്യാപ്രേരണാക്കുറ്റം ചുമത്തിയിട്ടുണ്ട്. കൂടാതെ, സ്ത്രീധനം വാങ്ങിയതിനും ഗാർഹിക പീഡനത്തിനും കേസ് രജിസ്റ്റർ ചെയ്തിട്ടുണ്ട്. ഭർത്താവിനെ കൂടാതെ ഭർതൃപിതാവും സഹോദരിയും കേസിൽ പ്രതികളാണ്.

കഴിഞ്ഞ ചൊവ്വാഴ്ചയാണ് വിപഞ്ചികയും മകൾ വൈഭവിയുമായി ജീവനൊടുക്കിയത്. ഭർത്താവിൽ നിന്നും ഭർതൃവീട്ടുകാരിൽ നിന്നും സമാനതകളില്ലാത്ത പീഡനമാണ് തനിക്ക് അനുഭവിക്കേണ്ടി വന്നതെന്ന് വിപഞ്ചിക ആത്മഹത്യാക്കുറിപ്പിൽ വിശദമായി വിവരിച്ചിരുന്നു. മരിക്കാൻ തനിക്കാഗ്രഹമില്ലെന്നും ജീവിക്കാൻ സമ്മതിക്കുന്നില്ലെന്നും കുറിപ്പിൽ കണ്ണീരോടെ അവർ കുറിച്ചിരുന്നു.

വിവാഹശേഷം വിപഞ്ചികയും നിതീഷും രണ്ട് ഫ്ലാറ്റുകളിലായാണ് താമസിച്ചിരുന്നത്. നിതീഷിന് മറ്റ് ബന്ധങ്ങളുണ്ടെന്നും സ്ത്രീധനത്തിന്റെ പേരിൽ തന്നെ മാനസികമായും ശാരീരികമായും ഉപദ്രവിക്കുകയാണെന്നും യുവതി വ്യക്തമാക്കിയിരുന്നു. മകളുടെ ജനനശേഷം വിവാഹമോചനം നിതീഷ് ആവശ്യപ്പെട്ടുവെന്നും, വിപഞ്ചിക ഇതിന് തയ്യാറല്ലായിരുന്നുവെന്നും കുടുംബം പറയുന്നു. വിവാഹമോചന നടപടികൾക്കായുള്ള വക്കീൽ നോട്ടിസ് ലഭിച്ചതിന്റെ അടുത്ത ദിവസമാണ് മകളെ കൊലപ്പെടുത്തിയ ശേഷം അതേ കയറിൽ വിപഞ്ചികയും തൂങ്ങിമരിച്ചത്.
 

വിപഞ്ചികയുടെയും കുഞ്ഞിന്റെയും മരണത്തെക്കുറിച്ചുള്ള ഈ വാർത്തയെക്കുറിച്ച് നിങ്ങളുടെ അഭിപ്രായം എന്താണ്? കമന്റ് ചെയ്യുക.

Article Summary: Husband named prime accused in Vipanika and daughter's death.

#Vipanika #SharjahTragedy #SuicideCase #DomesticViolence #DowryHarassment #KeralaCrime