ഇലക്ട്രിക് ചാർജിങ് സ്റ്റേഷനിലെ അപകടം: നാല് വയസുകാരൻ മരിച്ചു, അമ്മ ചികിത്സയിൽ, കാർ കസ്റ്റഡിയിൽ

കോട്ടയം: (KVARTHA) വാഗമൺ വഴിക്കടവിൽ ഇലക്ട്രിക് ചാർജിങ് സ്റ്റേഷനിലുണ്ടായ അപകടത്തിൽ നാല് വയസുകാരൻ മരിച്ചു. തിരുവനന്തപുരം നേമം സ്വദേശികളായ ആര്യ മോഹന്റെയും എസ്. നാഥിന്റെയും മകൻ അയാൻ എസ്. നാഥ് (4) ആണ് മരിച്ചത്.

ഗുരുതരമായി പരിക്കേറ്റ അമ്മ ആര്യ മോഹൻ കോട്ടയത്തെ സ്വകാര്യ ആശുപത്രിയിൽ ചികിത്സയിലാണ്. അപകടത്തിനിടയാക്കിയ കാർ പൊലീസ് കസ്റ്റഡിയിലെടുത്തു.

കരുനാഗപ്പള്ളി സ്വദേശി ജയകൃഷ്ണൻ ഓടിച്ച കാറാണ് അപകടമുണ്ടാക്കിയത്. ഇയാൾക്കെതിരെ പൊലീസ് കേസെടുത്തിട്ടുണ്ട്. ശനിയാഴ്ച വൈകുന്നേരമാണ് ദാരുണമായ അപകടം നടന്നത്.

ചാർജ് ചെയ്യാനെത്തിയ അയാന്റെയും ആര്യയുടെയും കാർ ചാർജിങ് സ്റ്റേഷനിൽ നിർത്തിയിട്ട ശേഷം ഇരുവരും പുറത്ത് കസേരയിലിരിക്കുകയായിരുന്നു. ഈ സമയം, ചാർജ് ചെയ്യാനെത്തിയ മറ്റൊരു കാർ നിയന്ത്രണം വിട്ട് ഇവരെ ഇടിക്കുകയായിരുന്നു. നാട്ടുകാർ ഉടൻതന്നെ ഇരുവരേയും ആശുപത്രിയിലെത്തിച്ചെങ്കിലും അയാന്റെ ജീവൻ രക്ഷിക്കാനായില്ല.

അയാൻ എസ്. നാഥിന്റെ ഇൻക്വസ്റ്റ് നടപടികൾ പൂർത്തിയായി. പോസ്റ്റ്‌മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായം പങ്കുവെക്കുക.

Article Summary: Four-year-old boy dies, mother injured in car charging station accident.

#VagamonAccident #ElectricCar #ChargingStation #KeralaNews #ChildDeath #RoadSafety