തിരുവനന്തപുരം: (KVARTHA) ഒൻപത് വയസുകാരിയെ വീടിനുള്ളിൽ മരിച്ച നിലയിൽ കണ്ടെത്തി. നേമം പോലീസ് സ്റ്റേഷൻ പരിധിയിലെ ശാന്തിവിള സ്വദേശികളായ ശ്യാമിൻ്റെയും ലേഖയുടെയും മകൾ അഹല്യയെയാണ് മരിച്ച നിലയിൽ കണ്ടെത്തിയത്. വെള്ളിയാഴ്ച രാവിലെ അമ്മ വഴക്കു പറഞ്ഞതിലുള്ള മനോവിഷമത്തിൽ കുട്ടി ജീവനൊടുക്കിയതാകാമെന്നാണ് പോലീസിൻ്റെ പ്രാഥമിക നിഗമനം.

നേമം ഗവൺമെൻ്റ് യു.പി. സ്കൂളിലെ നാലാം ക്ലാസ് വിദ്യാർത്ഥിനിയായിരുന്നു അഹല്യ. അമ്മ ലേഖയ്ക്ക് സുഖമില്ലാതിരുന്നതിനാൽ രാവിലെ അച്ഛൻ ശ്യാമുമായി ആശുപത്രിയിലേക്ക് പോയിരുന്നു. ഇതിനായി തയ്യാറെടുക്കുമ്പോൾ അഹല്യ അടിതെറ്റി വീഴുകയും, ഇതിൻ്റെ പേരിൽ അമ്മ വഴക്കു പറയുകയും അടിയ്ക്കുകയും ചെയ്തിരുന്നതായി പോലീസ് പറയുന്നു. അച്ഛനും അമ്മയും പുറത്തുപോകുന്നതിനാൽ, അടി തെറ്റി വീഴാതെ ഒരിടത്ത് അടങ്ങി ഇരിക്കണമെന്ന് കുട്ടിയോട് പറഞ്ഞിരുന്നതായും പോലീസ് വ്യക്തമാക്കി.

അച്ഛൻ്റെ സഹോദരിക്കൊപ്പമാണ് അഹല്യയെ വീട്ടിലാക്കി മാതാപിതാക്കൾ ആശുപത്രിയിലേക്ക് പോയത്. അവർ കുട്ടിക്ക് കഴിക്കാൻ ഭക്ഷണം പാകം ചെയ്ത ശേഷം വിളിച്ചപ്പോൾ കുട്ടി വന്നില്ല. വീടിനുള്ളിലെ മുറിയിൽ അടച്ചിരുന്ന കുട്ടി വിളിച്ചിട്ടും തുറക്കാഞ്ഞതോടെ, ജനാല വഴി മുറിക്കകത്തേക്ക് നോക്കിയപ്പോഴാണ് കുട്ടിയെ മരിച്ച നിലയിൽ കണ്ടത്. വിവരമറിഞ്ഞ് സ്ഥലത്തെത്തിയ നേമം പോലീസ് സംഭവത്തിൽ കേസെടുത്തു. നിയമപരമായ നടപടിക്രമങ്ങൾക്ക് ശേഷം മൃതദേഹം ആശുപത്രിയിലേക്ക് മാറ്റും. പോസ്റ്റ്‌മോർട്ടത്തിന് ശേഷം മാത്രമേ മരണ കാരണം സംബന്ധിച്ച് വ്യക്തമായ വിവരങ്ങൾ ലഭ്യമാകൂ എന്ന് പോലീസ് അറിയിച്ചു. തുടർന്ന് മൃതദേഹം ബന്ധുക്കൾക്ക് വിട്ടുകൊടുക്കും.

കുട്ടികളുടെ മാനസികാരോഗ്യം എത്ര പ്രധാനമാണ്? ഈ വിഷയത്തിൽ നിങ്ങളുടെ കാഴ്ചപ്പാടുകൾ പങ്കുവെക്കുക

Article Summary: Nine-year-old girl found dead in Thiruvananthapuram; police suspect suicide after parental scolding.

#ChildDeath #Thiruvananthapuram #MysteryDeath #ChildSafety #KeralaNews #PoliceInvestigation