മൂവാറ്റുപുഴ: (KVARTHA) കാമുകിയുമായി കറങ്ങി നടക്കാൻ കാർ മോഷ്ടിച്ച കേസിൽ 19-കാരന്‍ അറസ്റ്റില്‍. മൂവാറ്റുപുഴ പൊലീസ് സ്റ്റേഷന്‍ പരിധിയിലെ അൽ സാബിത്ത് ആണ് തിരുവനന്തപുരത്ത് നിന്ന് പിടിയിലായത്. എറണാകുളം മൂവാറ്റുപുഴ പോലീസാണ് ഇയാളെ അറസ്റ്റ് ചെയ്തത്.

മൂവാറ്റുപുഴയിൽ നിന്ന് മോഷ്ടിച്ച കാർ തിരുവനന്തപുരത്ത് എത്തിച്ച് രൂപമാറ്റം വരുത്തുകയും നമ്പർ പ്ലേറ്റ് മാറ്റുകയും ചെയ്ത ശേഷമാണ് സാബിത്ത് ഉപയോഗിച്ചിരുന്നത്. രണ്ട് കുട്ടികളുടെ അമ്മയായ ഒരു സ്ത്രീയുമായി പ്രണയത്തിലായിരുന്ന യുവാവ്, അവർക്കൊപ്പം കറങ്ങി നടക്കാനാണ് കാർ മോഷ്ടിച്ചത് എന്നാണ് പോലീസിന് നൽകിയ മൊഴി.

ജൂലൈ നാലിന് പുലർച്ചെ കരുട്ടുകാവ് ഭാഗത്തെ ഒരു വീട്ടിലെ പോർച്ചിൽനിന്ന് മോഷ്ടിച്ച കാറാണ് സാബിത്ത് ഉപയോഗിച്ചിരുന്നത്. ഇൻസ്റ്റഗ്രാം വഴി പരിചയപ്പെട്ട ഈ പെൺസുഹൃത്തുമായിട്ടായിരുന്നു ഇയാൾ മോഷണ വാഹനത്തിൽ യാത്രകൾ ചെയ്തിരുന്നത്. വാഹനത്തിന് വ്യാജ നമ്പർ പ്ലേറ്റ് ഘടിപ്പിച്ചിരുന്നതായും പോലീസ് പറഞ്ഞു. മൂവാറ്റുപുഴ പോലീസ് ഇൻസ്പെക്ടർ ബേസിൽ തോമസിന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്.
 

പ്രേമബന്ധങ്ങളുടെ പേരിൽ ഇത്തരം കുറ്റകൃത്യങ്ങൾ വർധിക്കുന്നതിനെക്കുറിച്ച് നിങ്ങളുടെ അഭിപ്രായം എന്താണ്? കമന്റ് ചെയ്യുക.

Article Summary: Teenager stole car for girlfriend, changed its look; arrested.

#CarTheft #Muvattupuzha #KeralaCrime #TeenageCrime #InstagramLove #PoliceArrest