കൊല്ലം: (KVARTHA) പരവൂരില്‍ സീരിയല്‍ നടി എംഡിഎംഎയുമായി (MDMA) പിടിയില്‍. പരവൂര്‍ പൊലീസ് സ്റ്റേഷന്‍ പിരിധിയിലെ ഷംനത്ത് (പാര്‍വതി-36) ആണ് പിടിയിലായത്. അറസ്റ്റിലായ ഷംനത്തിനെ ശനിയാഴ്ച കോടതിയില്‍ ഹാജരാക്കും. 

വെള്ളിയാഴ്ച രാത്രി പരവൂര്‍ ഇന്‍സ്‌പെക്ടര്‍ ഡി ദീപുവിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ പൊലീസ് നടത്തിയ പരിശോധനയിലാണ് ഷംനത്ത് പിടിയിലായത്. നടി ഭര്‍ത്താവിനൊപ്പം താമസിച്ചിരുന്ന വീട്ടിലാണ് പൊലീസ് പരിശോധന നടത്തിയത്.

ഇവരുടെ വീട്ടില്‍ നിന്നും പരിശോധനയില്‍ മയക്കുമരുന്ന് കണ്ടെടുത്തെന്ന് പൊലീസ് അറിയിച്ചു. മൂന്ന് ഗ്രാമോളം എംഡിഎംഎയാണ് പരവൂര്‍ പൊലീസ് പിടിച്ചെടുത്തത്.

എംഡിഎംഎ (3,4-methylenedioxymethamphetamine) ഒരു സിന്തറ്റിക് മയക്കുമരുന്നാണ്. ഈ മരുന്ന് ഉപയോഗിക്കുന്നത് മാനസികവും ശാരീരികവുമായ ഗുരുതരമായ പ്രശ്‌നങ്ങള്‍ക്ക് കാരണമാകും. മയക്കുമരുന്ന് കൈവശം വയ്ക്കുന്നത് നിയമവിരുദ്ധമാണ്. ഇത് ഗുരുതരമായ നിയമനടപടികള്‍ക്ക് ഇടയാക്കും. മയക്കുമരുന്ന് ഉപയോഗം തടയാന്‍ സമൂഹം ഒന്നടങ്കം പ്രവര്‍ത്തിക്കേണ്ടതിന്റെ ആവശ്യകതയെ ഈ സംഭവം ഊന്നിപ്പറയുന്നു.

#MalayalamNews #KeralaCrime #DrugArrest #MDMA #SerialActress #IndiaNews