കണ്ണൂര്‍: (KVARTHA) രാജ്യാന്തര വിമാനത്താവളത്തിലെ പാര്‍കിങ് ഏരിയയില്‍ നിര്‍ത്തിയിട്ട സ്‌കൂടര്‍ മോഷ്ടിച്ചു. എയര്‍പോര്‍ട് പോസ്റ്റ് ഓഫീസ് ജീവനക്കാരി കാര പേരാവൂരിലെ പി നൈഷയുടെ ഇരുചക്രവാഹമാണ് നഷ്ടപ്പെട്ടത്. 

തിങ്കളാഴ്ച ഉച്ചയ്ക്ക് 2.20നാണ് സംഭവം. KL 58 S48 47 നമ്പര്‍ സ്‌കൂടറാണ് മോഷണം പോയത്. നൈഷ എയര്‍പോര്‍ട് പൊലീസില്‍ പരാതി നല്‍കി. സ്‌കൂടറുമായി കടന്നുകളയുന്നയാളുടെ സിസിടിവി ദൃശ്യങ്ങള്‍ ലഭിച്ചിട്ടുണ്ട്. മട്ടന്നൂര്‍ എയര്‍പോര്‍ട് പൊലീസ് കേസെടുത്ത് അന്വേഷണമാരംഭിച്ചു.

കണ്ണൂര്‍ രാജ്യാന്തര വിമാനത്താവളത്തില്‍ നിന്നും ഒരു സ്‌കൂടര്‍ മോഷണം പോയ സംഭവം പ്രദേശത്തെ സുരക്ഷാ വ്യവസ്ഥയെയാണ് ചോദ്യം ചെയ്യുന്നത്. സിസിടിവി ദൃശ്യങ്ങളില്‍ നിന്ന് മോഷ്ടാവ് ഒരു യുവാവാണെന്ന് മനസ്സിലാക്കിയിട്ടുണ്ട്. അയാള്‍ ഷര്‍ടും പാന്റുമാണ് ധരിച്ചിരിക്കുന്നത്. വിമാനത്താവള അധികൃതര്‍ പറയുന്നത്, സംഭവത്തെ ഗൗരവമായി കണക്കാക്കുന്നുവെന്നും കൂടുതല്‍ സുരക്ഷാ നടപടികള്‍ സ്വീകരിക്കുമെന്നുമാണ്. പൊലീസ് അന്വേഷണം ഊര്‍ജിതമാക്കിയിട്ടുണ്ട്.

#KannurAirport #scootertheft #KeralaCrime #CCTV #securitybreach #investigation