പത്തനംതിട്ട: (KVARTHA) റാന്നിയിൽ 14 വയസ്സുകാരി ഗർഭിണിയായ സംഭവത്തിൽ കുട്ടിയുടെ അച്ഛൻ അറസ്റ്റിലായി. കട്ടപ്പന പൊലീസ് സ്റ്റേഷന്‍ പരിധിയിലെ 43 വയസ്സുകാരനാണ് പിടിയിലായത്. എട്ടാം ക്ലാസ് വിദ്യാർത്ഥിനിയായ പെൺകുട്ടി വയറുവേദനയെ തുടർന്ന് റാന്നിയിലെ ആശുപത്രിയിൽ ചികിത്സ തേടിയപ്പോഴാണ് ഏഴ് ആഴ്ച ഗർഭിണിയാണെന്ന വിവരം പുറത്തറിയുന്നത്. തുടർന്ന് ലാബ് അധികൃതർ പോലീസിനെ വിവരമറിയിക്കുകയായിരുന്നു.

പോലീസ് സ്റ്റേഷനിൽ വിവരം ലഭിച്ച ഉടൻ തന്നെ കുട്ടിയുടെ അച്ഛനെ കസ്റ്റഡിയിലെടുത്തു. ഇയാളെ ചോദ്യം ചെയ്യുകയാണ്. കുട്ടിയ്ക്ക് കൗൺസിലിംഗ് നൽകുമെന്നും പോലീസ് അറിയിച്ചിട്ടുണ്ട്. ലാബ് അധികൃതർ വിവരം അറിയിച്ചതിനെ തുടർന്ന് റാന്നി ഡിവൈഎസ്പി ഉൾപ്പെടെയുള്ളവർ ഉടൻ തന്നെ നടപടികൾ സ്വീകരിച്ചു. പോലീസ് പോക്സോ നിയമപ്രകാരം കേസ് രജിസ്റ്റർ ചെയ്യുകയും കുട്ടിയുടെ അച്ഛന്റെ അറസ്റ്റ് രേഖപ്പെടുത്തുകയും ചെയ്തു.

ഈ കഴിഞ്ഞ മാർച്ച് മാസത്തിലാണ് പെൺകുട്ടി ലൈംഗിക പീഡനത്തിനിരയായതെന്നാണ് പോലീസ് കണ്ടെത്തൽ. ഭയം കാരണം കുട്ടി പീഡന വിവരം ആരോടും പറഞ്ഞിരുന്നില്ല. കട്ടപ്പന സ്വദേശിയായ പ്രതി 14 വർഷം മുൻപാണ് പെൺകുട്ടിയുടെ അമ്മയോടൊപ്പം താമസം തുടങ്ങിയത്. ഇവർ നിയമപരമായി വിവാഹം രജിസ്റ്റർ ചെയ്തിട്ടില്ലെന്നും പോലീസ് അറിയിച്ചു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കൂ! ഷെയർ ചെയ്യുക.

14-year-old girl in Pathanamthitta was found to be seven weeks pregnant after a lab test. 43 year old man has been arrested under the POCSO Act for allegedly assaulting her in March. The pregnancy was discovered when she sought treatment for stomach pain.

#Pathanamthitta, #POCSO, #ChildAbuse, #KeralaNews, #CrimeNews, #Pregnancy