പാലത്തായി പോക്സോ കേസ്: കോടതി വിമർശനം നേരിട്ട കൗൺസിലർക്ക് സസ്പെൻഷൻ

തലശേരി: (KVARTHA) പാനൂർ പാലത്തായി പോക്സോ കേസിൽ കോടതി പ്രതികൂലമായി വിധിന്യായത്തിൽ പരാമർശിച്ച കൗൺസിലർക്ക് സസ്‌പെൻഷൻ. വനിതാ ശിശുവികസന വകുപ്പിലെ കൗൺസിലറെയാണ് അന്വേഷണ വിധേയമായി സസ്‌പെൻഡ് ചെയ്തത്. ഇരയായ പെൺകുട്ടിയെ കൗൺസിലിംഗിനിടെ മാനസികമായി പീഡിപ്പിച്ചുവെന്ന പരാതിയിലാണ് നടപടി സ്വീകരിച്ചിരിക്കുന്നത്.

കോടതി വിമർശനമുന്നയിച്ച മൂന്ന് മാനസികാരോഗ്യ വിദഗ്ധർക്കെതിരെ നടപടിയാവശ്യപ്പെട്ട് ദിശ സംഘടന സെക്രട്ടറി ദിനു വെയിലാണ് പരാതി നൽകിയത്. ഇതിന്റെ അടിസ്ഥാനത്തിലാണ് നിലവിലെ നടപടി. കേസിൽ പരാമർശിക്കപ്പെട്ട രണ്ട് ഉദ്യോഗസ്ഥർക്കെതിരെ കൂടി അടിയന്തരമായി പ്രാഥമിക നടപടി എങ്കിലും സർക്കാർ സ്വീകരിക്കേണ്ടതുണ്ടെന്ന് ദിനു ഫേസ്ബുക്കിൽ കുറിച്ചു. ഇവർക്കെതിരെ ക്രിമിനൽ നടപടി സ്വീകരിക്കാൻ ആവശ്യപ്പെട്ട് ഡിജിപിക്ക് നൽകിയ പരാതി നിലവിൽ കണ്ണൂർ സിറ്റി പോലീസ് കമ്മീഷണറുടെ പരിഗണനയിലാണെന്നും ദിനു വ്യക്തമാക്കി.

പാലത്തായി കേസിന്റെ വിധി പറയുന്നതിനിടെയാണ് പീഡനത്തിനിരയായ കുട്ടിക്ക് കൗൺസിലിംഗ് നൽകിയവർക്കെതിരെ കോടതി ആരോപണമുയർത്തിയത്. കുട്ടിയെ മാനസികമായി തകർക്കാൻ ശ്രമിച്ച കൗൺസിലർമാർക്ക് ഈ ജോലിയിൽ തുടരാൻ അനുവാദമില്ല എന്നായിരുന്നു കോടതി വ്യക്തമാക്കിയത്.

ബിജെപി തൃപ്രങ്ങോട്ടൂർ പഞ്ചായത്ത് പ്രസിഡന്റായിരുന്ന അധ്യാപകൻ പത്മരാജൻ നാലാം ക്ലാസുകാരിയെ പീഡിപ്പിച്ചുവെന്നായിരുന്നു കേസ്. 2020 ജനുവരിക്കും ഫെബ്രുവരിക്കും ഇടയിലാണ് കേസിനാസ്പദമായ സംഭവം. 2020 മാർച്ച് 17-നാണ് യുപി സ്കൂൾ അധ്യാപകനായ പത്മരാജൻ പീഡിപ്പിച്ചുവെന്ന് പത്തുവയസുകാരി ചൈൽഡ് ലൈനിൽ പരാതി നൽകിയത്. ലോക്കുള്ളതും ഇല്ലാത്തതുമായ ശുചിമുറികളിൽ വെച്ച് തന്നെ പീഡനത്തിനിരയാക്കി എന്നായിരുന്നു പെൺകുട്ടിയുടെ മൊഴി.

പാലത്തായി പോക്സോ കേസിൽ കോടതി വിമർശനം നേരിട്ട കൗൺസിലർക്ക് സസ്പെൻഷൻ ലഭിച്ചതിനെക്കുറിച്ചുള്ള ഈ വാർത്ത ഷെയർ ചെയ്യൂ. കമൻ്റ് ചെയ്യുക. 

Article Summary: Counselor in Palathai POCSO case suspended following court criticism for mentally harassing the victim girl.

#PalathaiPOCSO #CounselorSuspended #KeralaCrime #CourtCriticism #ChildAbuse #WomensAndChildDevelopment