പാലക്കാട്: (KVARTHA) മണ്ണാർക്കാട്ടെ ബീവറേജസ് ഔട്ട്‌ലെറ്റിന് മുന്നിൽ മദ്യത്തിനായി കാത്തുനിന്നവർ തമ്മിലുണ്ടായ വാക്കുതർക്കം കൊലപാതകത്തിൽ കലാശിച്ചു. കുന്തിപ്പുഴ സ്വദേശി ഇർഷാദാണ് ദാരുണമായി കൊല്ലപ്പെട്ടത്.

സംഭവം നടന്നത് ബുധനാഴ്ച വൈകുന്നേരമാണ്. ബീവറേജസിന് മുന്നിലെ ക്യൂവിൽ നിൽക്കുകയായിരുന്ന ഇർഷാദിനെ, പുറത്തുനിന്നെത്തിയ രണ്ടുപേർ പെട്ടെന്ന് ബിയർ കുപ്പികൊണ്ട് ആക്രമിക്കുകയായിരുന്നുവെന്ന് സമീപം ഉണ്ടായിരുന്നവര്‍ പറഞ്ഞു. കുപ്പിയുടെ ചില്ലുകൾ ആഴത്തിൽ തുളഞ്ഞുകയറിയതിനെ തുടർന്ന് ഇർഷാദ് തൽക്ഷണം മരണപ്പെട്ടു. ആക്രമണത്തിന് ശേഷം പ്രതികൾ ഓടി രക്ഷപ്പെട്ടു.

സംഭവസ്ഥലത്ത് ഉണ്ടായിരുന്ന മറ്റ് ആളുകളാണ് ഉടൻതന്നെ പോലീസിനെ വിവരമറിയിച്ചത്. മണ്ണാർക്കാട് പോലീസ് സ്ഥലത്തെത്തി മേൽനടപടികൾ സ്വീകരിച്ചു. ഫോറൻസിക് വിദഗ്ധരും സ്ഥലത്തെത്തി തെളിവുകൾ ശേഖരിച്ചു. കൊല്ലപ്പെട്ട ഇർഷാദിൻ്റെ മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി.

പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. ഒളിവിൽ പോയ പ്രതികളെ പിടികൂടാനായി പ്രത്യേക അന്വേഷണ സംഘം രൂപീകരിച്ചിട്ടുണ്ട്. സംഭവത്തിന് പിന്നിലെ കാരണം വ്യക്തമല്ലെങ്കിലും, ക്യൂവിൽ നിൽക്കുന്നതിനെ ചൊല്ലിയുണ്ടായ തർക്കമാണ് അക്രമത്തിന് പ്രേരിപ്പിച്ചതെന്നാണ് പ്രാഥമിക നിഗമനം. പ്രതികളെക്കുറിച്ച് സൂചനകൾ ലഭിച്ചിട്ടുണ്ടെന്നും, ഉടൻതന്നെ അവരെ പിടികൂടാൻ സാധിക്കുമെന്നും പോലീസ് അറിയിച്ചു.

ബിവറേജസിന് മുന്നില്‍ ഇത്തരം സംഭവങ്ങൾ വർധിക്കാൻ കാരണം എന്തായിരിക്കും? വാർത്ത ഷെയർ ചെയ്യുക.

Article Summary: Man named Irshad from Kunthipuzha in Mannarkkad, Palakkad, died after being stabbed with a beer bottle during a dispute among those queuing at a beverage outlet. Two individuals who came from outside attacked him and fled. Police have intensified their search for the culprits.

#PalakkadCrime, #BeveragesRage, #MurderInQueue, #BeerBottleAttack, #KeralaViolence, #PoliceInvestigation