തിരുവനന്തപുരം: (KVARTHA) പത്മനാഭസ്വാമി ക്ഷേത്രത്തിലെ സ്വർണ്ണ കവർച്ചയ്ക്ക് പിന്നിൽ ക്ഷേത്രവുമായി ബന്ധപ്പെട്ടവർ തന്നെയെന്ന് പോലീസ് സംശയം പ്രകടിപ്പിക്കുന്നു. ക്ഷേത്ര ഭരണസമിതിയുടെ ലോക്കറിൽ സൂക്ഷിച്ചിരുന്ന 13 പവൻ സ്വർണ്ണമാണ് മോഷണം പോയത്. ഇത് ക്ഷേത്രത്തിലെ പ്രധാന കലവറയിലെ സ്വർണ്ണവുമായി ബന്ധമില്ല. ലോക്കർ തകർത്തതായി കണ്ടെത്തിയിട്ടില്ല. ശ്രീകോവിലിന്റെ താഴികക്കുടം സ്വർണ്ണം പൂശുന്ന ജോലികൾ നടക്കുകയായിരുന്നു.

ഓരോ ദിവസവും തൂക്കം അളന്നാണ് സ്വർണ്ണം തൊഴിലാളികൾക്ക് നൽകിയിരുന്നത്. മൊത്തത്തിൽ തൂക്കിയ ശേഷമാണ് ജോലിക്കാർക്ക് നൽകിയിരുന്നത്. അവസാനമായി ജോലി നടന്നത് മെയ് ഏഴിനാണ്. ശനിയാഴ്ച രാവിലെ ജോലിക്കാർക്ക് നൽകാനായി സ്വർണ്ണം തൂക്കുമ്പോഴാണ് 13 പവൻ നഷ്ടപ്പെട്ടതായി അറിയുന്നത്. മെയ് ഏഴിലെ ജോലിക്ക് ശേഷം ലോക്കർ പൂട്ടുന്നതിന് മുൻപ് മോഷണം നടന്നിരിക്കാമെന്നാണ് പോലീസിന്റെ നിഗമനം. അന്വേഷണത്തിൽ നിർണായകമായ സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. മോഷണവുമായി ബന്ധപ്പെട്ട് സംശയിക്കുന്ന ചിലരെ പോലീസ് ചോദ്യം ചെയ്തുവരികയാണ്.

അതീവ സുരക്ഷാ മേഖലയായ തിരുവനന്തപുരം പത്മനാഭസ്വാമി ക്ഷേത്രത്തിൽ മോഷണം നടന്നതായി ശനിയാഴ്ചയാണ് വിവരം പുറത്തുവന്നത്. ശ്രീകോവിലിന്റെ താഴികക്കുടത്തിന് സ്വർണ്ണം പൂശുന്നതിന് വേണ്ടിയാണ് ലോക്കറിൽ സ്വർണ്ണം സൂക്ഷിച്ചിരുന്നത്. മോഷണ വിവരം ശ്രദ്ധയിൽപ്പെട്ടതിനെ തുടർന്ന് ക്ഷേത്രം എക്സിക്യൂട്ടീവ് ഓഫീസർ ഫോർട്ട് പോലീസിൽ പരാതി നൽകി. തുടർന്ന് ഡിസിപി ഉൾപ്പെടെയുള്ള ഉന്നത ഉദ്യോഗസ്ഥർ സ്ഥലത്തെത്തി പരിശോധന നടത്തി.

പത്മനാഭസ്വാമി ക്ഷേത്രത്തിലെ കവർച്ചയില്‍ സുരക്ഷാ വീഴ്ചകളെക്കുറിച്ച് നിങ്ങളുടെ അഭിപ്രായം കമന്റ് ചെയ്യുക.

Article Summary: Police suspect temple insiders in the gold theft at Sree Padmanabhaswamy Temple, where 13 sovereigns of gold were stolen from the temple committee's locker. The locker was not broken open. CCTV footage crucial for the investigation has been obtained, and some temple employees are being questioned. The stolen gold was meant for plating the temple tower.

#PadmanabhaswamyTemple, #GoldTheft, #KeralaNews, #Thiruvananthapuram, #TempleSecurity, #CCTVFootage