തിരുവനന്തപുരം: (KVARTHA) കേരളത്തെ നടുക്കിയ നന്തൻകോട് കൂട്ടക്കൊലക്കേസിൽ പ്രതി കേദൽ ജിൻസൺ രാജയ്ക്ക് ജീവപര്യന്തം തടവും 15 ലക്ഷം രൂപ പിഴയും ശിക്ഷ വിധിച്ച് കോടതി. തിരുവനന്തപുരം ആറാം അഡീഷണൽ സെഷൻസ് കോടതിയാണ് ചൊവ്വാഴ്ച വിധി പ്രസ്താവിച്ചത്. പിഴത്തുക കേദലിൻ്റെ അമ്മാവൻ ജോസ് സുന്ദരത്തിന് നൽകാനും കോടതി ഉത്തരവിട്ടിട്ടുണ്ട്. കേദലിന് വധശിക്ഷ നൽകണമെന്ന പ്രോസിക്യൂഷൻ വാദം കോടതി അംഗീകരിച്ചില്ല. ഈ കേസ് അപൂർവങ്ങളിൽ അപൂർവമായി കണക്കാക്കാൻ സാധിക്കില്ലെന്ന് കോടതി വിലയിരുത്തി. രാവിലെ 11 മണിയോടെയാണ് കോടതിയിൽ വാദം ആരംഭിച്ചത്.

2017 ഏപ്രിൽ 5-നാണ് കേദൽ ജിൻസൺ രാജ, സ്വന്തം അച്ഛൻ പ്രൊഫസർ രാജാ തങ്കം, അമ്മ ഡോക്ടർ ജീൻ പത്മം, സഹോദരി കരോലിൻ, ബന്ധു ലളിത എന്നിവരെ മഴു ഉപയോഗിച്ച് വെട്ടിക്കൊലപ്പെടുത്തിയ ശേഷം മൃതദേഹങ്ങൾ ചുട്ടെരിച്ചത്. ഈ കേസിൽ ഏക പ്രതിയായ കേദൽ കുറ്റക്കാരനാണെന്ന് കോടതി നേരത്തെ കണ്ടെത്തിയിരുന്നു. എട്ട് വർഷത്തിനു ശേഷമാണ് ഈ കൊടുംക്രൂരതയ്ക്ക് കോടതി വിധി പറയുന്നത്. കൊലപാതകം, തെളിവ് നശിപ്പിക്കൽ, ആയുധം ഉപയോഗിച്ച് ഗുരുതരമായി പരിക്കേൽപ്പിക്കൽ തുടങ്ങിയ കുറ്റങ്ങളാണ് കേദലിനെതിരെ ചുമത്തിയിരുന്നത്. പ്രതിക്കെതിരായ എല്ലാ കുറ്റങ്ങളും തെളിഞ്ഞതായി കോടതി തിങ്കളാഴ്ച (12.05.202) വ്യക്തമാക്കിയിരുന്നു.

കുടുംബാംഗങ്ങളോടുള്ള അടങ്ങാത്ത പകയാണ് ഈ കൂട്ടക്കൊലപാതകത്തിന് കാരണം. കേദലിനെ രണ്ടുതവണ വിദേശത്ത് പഠനത്തിനയച്ചിരുന്നുവെങ്കിലും, അവൻ തിരികെ വന്നു. ഇതിനെത്തുടർന്ന് അച്ഛൻ വഴക്ക് പറഞ്ഞതിലുള്ള വൈരാഗ്യമാണ് കേദലിനെ ഈ ക്രൂരകൃത്യത്തിലേക്ക് നയിച്ചത്. ഓൺലൈനിലൂടെ മഴു വാങ്ങി സൂക്ഷിക്കുകയും, അവസരം ഒത്തുവന്നപ്പോൾ മൂവരെയും കൊലപ്പെടുത്തുകയും ചെയ്തു. ഈ കൊലപാതകം ആസൂത്രിതമായിരുന്നുവെന്ന് കോടതി വിലയിരുത്തി.

നന്തൻകോട് കൂട്ടക്കൊലക്കേസിലെ വിധിന്യായം ശ്രദ്ധയിൽപ്പെട്ടുവോ? നിങ്ങളുടെ അഭിപ്രായങ്ങളും പ്രതികരണങ്ങളും പങ്കുവെക്കുക.

Article Summary: Kedal Jinson Raja, the sole accused in the Nandankode mass murder case of 2017, has been sentenced to life imprisonment and a fine of ₹1.5 million by the Thiruvananthapuram Additional Sessions Court. The prosecution's demand for the death penalty was not accepted. The court found Kedal guilty of murdering his parents, sister, and a relative due to deep-seated revenge.

#NandankodeMassMurder, #KeralaCrime, #LifeImprisonment, #CourtVerdict, #KedalJinsonRaja, #Thiruvananthapuram