ചണ്ഡീഗഡ്: (KVARTHA) പഞ്ചാബിലെ ലുധിയാനയിൽ മുപ്പത്തിയൊന്നുകാരിയായ യുവതിയെ കൊലപ്പെടുത്തി മൃതദേഹം ചാക്കിൽക്കെട്ടി ഉപേക്ഷിച്ചതായി പരാതി. സംഭവത്തിൽ യുവതിയുടെ ഭർതൃ മാതാപിതാക്കളെ പോലീസ് അറസ്റ്റ് ചെയ്തു. ബുധനാഴ്ചയാണ് രേഷ്മ എന്ന യുവതി കൊല്ലപ്പെട്ടതെന്നാണ് പോലീസ് വൃത്തങ്ങൾ നൽകുന്ന വിവരം.

ലുധിയാനയിലെ ആരതി ചൗക്കിന് സമീപം ബൈക്കിലെത്തിയ രണ്ടു പുരുഷന്മാർ വലിയ ചാക്കുകെട്ട് ഉപേക്ഷിക്കുന്നത് ശ്രദ്ധയിൽപ്പെട്ട നാട്ടുകാർ പോലീസിനെ വിവരമറിയിച്ചതിനെ തുടർന്നാണ് കൊലപാതക വിവരം പുറത്തറിയുന്നത്. തുടർന്ന് നടത്തിയ അന്വേഷണത്തിൽ രേഷ്മയുടെ ഭർത്താവിന്റെ പിതാവ് കൃഷൻ, മാതാവ് ദുലാരി, ഇവരുടെ ബന്ധു അജയ് എന്നിവരെ പോലീസ് അറസ്റ്റ് ചെയ്യുകയായിരുന്നു.

രാത്രിയിൽ അനുവാദം വാങ്ങാതെ രേഷ്മ പുറത്തുപോകുന്നതും വൈകിയെത്തുന്നതും കൃഷനും ദുലാരിക്കും ഇഷ്ടമായിരുന്നില്ലെന്ന് പോലീസ് പറയുന്നു. ഇതുസംബന്ധിച്ചുണ്ടായ തർക്കത്തിനു പിന്നാലെയാണ് ഇരുവരും ചേർന്ന് യുവതിയെ കഴുത്തുഞെരിച്ച് കൊലപ്പെടുത്തിയതെന്നാണ് പോലീസിന്റെ പ്രാഥമിക നിഗമനം. പിന്നീട്, ബന്ധുവായ അജയ്യുടെ സഹായത്തോടെ മൃതദേഹം ആരതി ചൗക്കിൽ ഉപേക്ഷിക്കാൻ ശ്രമിക്കുന്നതിനിടെയാണ് ഇവർ നാട്ടുകാരുടെ ശ്രദ്ധയിൽപ്പെട്ടത്.

നാട്ടുകാർ ചോദ്യം ചെയ്തപ്പോൾ ചാക്കിനുള്ളിൽ അഴുകിയ മാങ്ങയാണെന്നും, പിന്നീട് ചത്ത നായയെ ചാക്കിൽക്കെട്ടി കളയാൻ കൊണ്ടുവന്നതാണെന്നും പ്രതികൾ പറഞ്ഞതായി പോലീസ് അറിയിച്ചു. തുടർന്ന് പ്രതികൾ മോട്ടോർ സൈക്കിൾ ഉപേക്ഷിച്ച് കടന്നുകളയുകയായിരുന്നു. സംശയം തോന്നിയ നാട്ടുകാർ പോലീസിനെ അറിയിക്കുകയും, പോലീസ് സ്ഥലത്തെത്തി ചാക്ക് തുറന്നപ്പോൾ മൃതദേഹം കണ്ടെത്തുകയുമായിരുന്നു. മൂക്കിൽനിന്ന് ചോരയൊലിക്കുന്ന നിലയിലായിരുന്നു മൃതദേഹം. തുടർന്ന് മോട്ടോർ സൈക്കിളിന്റെ രജിസ്‌ട്രേഷൻ നമ്പർ ഉപയോഗിച്ച് പോലീസ് പ്രതികളെ കണ്ടെത്തുകയും അറസ്റ്റ് ചെയ്യുകയുമായിരുന്നു.
 

ഈ ഞെട്ടിക്കുന്ന സംഭവത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Woman strangled, body bagged; in-laws arrested in Ludhiana.

#LudhianaCrime #WomansMurder #FamilyCrime #PunjabPolice #DomesticViolence #JusticeForReshma