ഭോപ്പാൽ: (KVARTHA) അമ്മയോടൊപ്പം കൃഷിയിടത്തിലേക്ക് പോയ എട്ടുവയസ്സുകാരിയെ പുലി കടിച്ചുകൊന്നു. മധ്യപ്രദേശിലെ ഭർവാനി ജില്ലയിലെ കീർത ഫാലിയ ഗ്രാമത്തിലാണ് സംഭവം. ഗീത എന്ന എട്ടുവയസ്സുകാരിയാണ് കൊല്ലപ്പെട്ടതെന്ന് അധികൃതർ പറഞ്ഞു.

അമ്മയും മറ്റ് കൃഷിക്കാരും പണിയെടുത്തുകൊണ്ടിരിക്കെയാണ് പുലി ഗീതയെ കഴുത്തിൽ കടിച്ചെടുത്ത് കാട്ടിലേക്ക് ഓടിമറഞ്ഞത്. ഇതോടെ ഗീതയുടെ അമ്മയും മറ്റുള്ളവരും ശബ്ദമുണ്ടാക്കി പിന്നാലെ ഓടി. അൽപം അകലെ, സാരമായി മുറിവേറ്റ നിലയിൽ ഗീതയെ കണ്ടെത്തുകയായിരുന്നു. ഉടൻതന്നെ അടുത്തുള്ള സാമൂഹികാരോഗ്യ കേന്ദ്രത്തിൽ എത്തിച്ചെങ്കിലും ജീവൻ രക്ഷിക്കാനായില്ല. കഴുത്തിന്റെ ഇരുവശത്തും പുലിയുടെ കടിയേറ്റിരുന്നു.

അതിനിടെ, വനംവകുപ്പ് നടത്തിയ തിരച്ചിലിൽ പുലിയുടെ സ്ഥാനം തിരിച്ചറിയാനായിട്ടുണ്ടെന്നു ഡിവിഷണൽ ഫോറസ്റ്റ് ഓഫിസർ ആശിഷ് ബൻസോദ് പറഞ്ഞു. പുലിയെ പിടികൂടാനായി സ്ഥലത്ത് കൂടുകളും കാമറകളും സ്ഥാപിച്ചിട്ടുണ്ട്. പ്രദേശത്ത് ഭീതി നിലനിൽക്കുന്നതിനാൽ മുഴുവൻ സമയവും പട്രോളിങ് (Patrolling) നടത്തുന്നുണ്ട്. മേഖലയിൽ കഴിഞ്ഞ ദിവസം പുലി ഒരു ആടിനെ പിടികൂടിയിരുന്നു.
 

ഇത്തരം വന്യജീവി ആക്രമണങ്ങൾ ഒഴിവാക്കാൻ എന്തു തരം മുൻകരുതലുകളാണ് എടുക്കേണ്ടത്?

Article Summary: An eight-year-old girl was killed by a leopard in Madhya Pradesh.

#LeopardAttack #MadhyaPradesh #Tragedy #Wildlife #IndiaNews #Accident