കോഴിക്കോട്: (KVARTHA) പെൺകുട്ടിയെ ശല്യം ചെയ്തെന്ന പരാതിയിൽ എലത്തൂർ പോലീസ് സ്റ്റേഷനിലേക്ക് വിളിച്ചുവരുത്തിയ മധ്യവയസ്കൻ പോലീസുകാരനെ ആക്രമിച്ച കേസിൽ അറസ്റ്റിലായി. കക്കോടി പഞ്ചായത് പരിധിയിലെ എബി ഏബ്രഹാമിനെ (52) ആണ് എലത്തൂർ പോലീസ് അറസ്റ്റ് ചെയ്തത്.

ചക്കിട്ടപ്പാറ ഗ്രാമ പഞ്ചായത് പരിധിയിലെ ഒരു പെൺകുട്ടിയോട് മോശമായി പെരുമാറിയെന്ന കേസിലാണ് എബി ഏബ്രഹാമിനെ എലത്തൂർ പോലീസ് ചോദ്യം ചെയ്യാൻ വിളിച്ചുവരുത്തിയത്. സ്റ്റേഷനിൽ വെച്ച് ഇയാൾ പരാതിക്കാരിയുമായി തർക്കത്തിലേർപ്പെട്ടു. അക്രമാസക്തനായ ഇയാളെ പിടിച്ചുമാറ്റാൻ ശ്രമിച്ച എലത്തൂർ ഇൻസ്പെക്ടർ കെ.ആർ. രഞ്ജിത്തിനെ ഇയാൾ തള്ളിമാറ്റുകയും നെഞ്ചിൽ കൈമുട്ട് കൊണ്ട് ഇടിക്കുകയും ചെയ്യുകയുമായിരുന്നുവെന്നാണ് പരാതിയില്‍ പറയുന്നത്.

ആക്രമണം മറ്റ് പോലീസുകാർക്കെതിരെയും

അക്രമം തടയാൻ ശ്രമിച്ച സീനിയർ സിവിൽ പോലീസ് ഓഫീസർ രൂപേഷ്, സിവിൽ പോലീസ് ഓഫീസർമാരായ സനോജ്, മിഥുൻ എന്നിവർക്ക് നേരെയും ഇയാൾ ആക്രമണം നടത്തിയെന്ന് ഉദ്യോഗസ്ഥര്‍ പറഞ്ഞു. തുടർന്ന്, സ്റ്റേഷൻ സുരക്ഷാ ചുമതലയിലുണ്ടായിരുന്ന എഎസ്‌ഐ രഞ്ജിത്ത്, സിവിൽ പോലീസ് ഓഫീസർ ആശ്രയ് എന്നിവരുടെ സഹായത്തോടെയാണ് ഇയാളെ കീഴ്‌പ്പെടുത്തിയത്. പോലീസിനെ ആക്രമിച്ചതിനും ഔദ്യോഗിക കൃത്യനിർവ്വഹണം തടസ്സപ്പെടുത്തിയതിനും ഇയാൾക്കെതിരെ കേസെടുത്തിട്ടുണ്ട്. പ്രതിയെ കൊയിലാണ്ടി കോടതിയിൽ ഹാജരാക്കി.

പോലീസ് സ്റ്റേഷനിൽ നടക്കുന്ന ഇത്തരം അക്രമങ്ങളെക്കുറിച്ച് നിങ്ങളുടെ അഭിപ്രായം എന്താണ്? ഉദ്യോഗസ്ഥര്‍ക്കെതിരെയുള്ള അതിക്രമങ്ങൾ തടയാൻ എന്തു ചെയ്യാനാകും? വാർത്ത നിങ്ങളുടെ സുഹൃത്തുക്കളുമായി പങ്കെടുക്കുക.

Article Summary: Man arrested in Kozhikode for assaulting police officer at station after being summoned over harassment complaint.

#KeralaPolice #PoliceAssault #Kozhikode #Elathur #Arrest #CrimeNews