കാസർകോട്: (KVARTHA) 15 വർഷം മുൻപ് കാണാതായ രാജപുരം എണ്ണപ്പാറ സ്വദേശിനി എം.സി. രേഷ്മ(17)യുടെ തിരോധാനക്കേസിൽ പ്രതി പിടിയിലായി. പാണത്തൂർ പഞ്ചായത് പരിധിയിലെ ബിജു പൗലോസ് ആണ് അറസ്റ്റിലായത്. രേഷ്മയെ കൊലപ്പെടുത്തി പുഴയിൽ തള്ളിയെന്ന് ബിജു നേരത്തെ മൊഴി നൽകിയിരുന്നെങ്കിലും മൃതദേഹം കണ്ടെത്താത്തതിനാൽ അറസ്റ്റ് നടന്നിരുന്നില്ല. എന്നാൽ, ഇപ്പോൾ കണ്ടെത്തിയ ഒരു എല്ലിൻ കഷ്ണത്തിൽ നിന്നുള്ള ഡിഎൻഎ പരിശോധനയിൽ ഇത് രേഷ്മയുടേതാണെന്ന് സ്ഥിരീകരിച്ചതിനെ തുടർന്നാണ് അറസ്റ്റ്. കേസ് പോക്സോ നിയമപ്രകാരം പരിഗണിക്കുമെന്ന് കാസർകോട് നടത്തിയ വാർത്താ സമ്മേളനത്തിൽ പോലീസ് അറിയിച്ചു. ക്രൈംബ്രാഞ്ച് കണ്ണൂർ എസ്പി പ്രജീഷ് തോട്ടത്തിലിന്റെ നേതൃത്വത്തിലാണ് അന്വേഷണം നടന്നത്.

2010 ജൂൺ 6നാണ് ബളാംതോട് ഗവ. ഹയർസെക്കൻഡറി സ്കൂളിൽ നിന്ന് പ്ലസ്ടു പഠനം കഴിഞ്ഞ് കാഞ്ഞങ്ങാട് ടിടിസി പരിശീലനത്തിന് എത്തിയ രേഷ്മയെ കാണാതായത്. പിതാവ് എം.സി. രാമൻ 2011 ജനുവരി 19ന് അമ്പലത്തറ പോലീസിൽ പരാതി നൽകിയെങ്കിലും കാര്യമായ പുരോഗതി ഉണ്ടായില്ല. രേഷ്മയെ ബിജു പൗലോസ് തട്ടിക്കൊണ്ടുപോയി അപകടപ്പെടുത്തി എന്ന് ബന്ധുക്കൾ ആരോപിച്ചിരുന്നു.

തുടർന്ന്, 2021ൽ ഹേബിയസ് കോർപ്പസ് ഹർജി ഫയൽ ചെയ്തു. 2023ൽ കേസ് സിബിഐക്ക് വിടണമെന്ന് ആവശ്യപ്പെട്ട് വീണ്ടും ഹൈക്കോടതിയെ സമീപിച്ചു. ഹൈക്കോടതി പ്രത്യേക അന്വേഷണ സംഘത്തെ നിയോഗിച്ചെങ്കിലും ബിജുവിനെതിരെ ശക്തമായ തെളിവുകൾ കണ്ടെത്താൻ കഴിഞ്ഞില്ല. തുടർന്ന്, കുടുംബം വീണ്ടും പരാതി നൽകിയതിനെത്തുടർന്ന് 2024 ഡിസംബർ 9ന് ക്രൈംബ്രാഞ്ച് കേസ് ഏറ്റെടുത്തു.

തുടക്കം മുതൽ ബിജു പൗലോസിനെ ബന്ധുക്കളും ആദിവാസി സംഘടനകളും സംശയിച്ചിരുന്നു. അറസ്റ്റ് ഒഴിവാക്കാൻ പലതവണ ബിജു ഹൈക്കോടതിയിൽ നിന്ന് മുൻകൂർ ജാമ്യം നേടി. പ്രതി രാജ്യം വിടാതിരിക്കാൻ പാസ്‌പോർട്ട് പോലീസ് കസ്റ്റഡിയിൽ എടുത്തിരുന്നു. ഒടുവിൽ, ലഭിച്ച എല്ലിൻ കഷ്ണത്തിലെ ഡിഎൻഎ ഫലം നിർണായകമായി.

15 വർഷത്തിനു ശേഷം രേഷ്മ തിരോധാനക്കേസിൽ പ്രതി പിടിയിലായത് നീതിയുടെ വിജയമാണോ? നിങ്ങളുടെ അഭിപ്രായങ്ങൾ പങ്കുവെക്കുക. വാർത്ത ഷെയർ ചെയ്യുക.

In the 15-year-old Kasargod Reshma disappearance case, the accused Biju Paulose was finally arrested. Despite his earlier confession of killing and disposing of Reshma's body in a river, lack of evidence delayed the arrest. A bone fragment's DNA match confirmed it was Reshma's, leading to the breakthrough.

#ReshmaCase, #Kasargod, #Arrest, #DNAEvidence, #KeralaCrime, #JusticeDelayed