തിരുവനന്തപുരം: (KVARTHA) വിഴിഞ്ഞം വെങ്ങാനൂർ വെണ്ണിയൂരിൽ ഐ.ടി.ഐ. വിദ്യാർഥിനിയായ അനുഷയെ (18) തൂങ്ങിമരിച്ച നിലയിൽ കണ്ടെത്തിയ സംഭവത്തിൽ അയൽവാസിയായ വീട്ടമ്മയെ അറസ്റ്റ് ചെയ്തു. ജീവനൊടുക്കാനുള്ള പ്രേരണാക്കുറ്റം ചുമത്തി രാജത്തിനെ (54) ആണ്  വിഴിഞ്ഞം പൊലീസ് അറസ്റ്റ് ചെയ്തത്. വെണ്ണിയൂർ നെല്ലിവിള നെടിഞ്ഞൽ കിഴക്കരിക് വീട്ടിൽ അജുവിൻ്റെയും സുനിതയുടെയും മകളാണ് മരിച്ച അനുഷ. അയൽവാസിയുടെ അസഭ്യവർഷത്തെ തുടർന്നുള്ള മാനസിക വിഷമമാണ് മകളുടെ മരണത്തിന് കാരണമെന്ന് ചൂണ്ടിക്കാട്ടി പിതാവ് പൊലീസിൽ പരാതി നൽകിയിരുന്നു.

അയൽവാസിയുമായുള്ള തർക്കവും ദാരുണാന്ത്യവും

സംഭവസമയം അനുഷയും രോഗിയായ മുത്തച്ഛൻ നേശമണിയും മാത്രമാണ് വീട്ടിൽ ഉണ്ടായിരുന്നത്. അയൽവീട്ടുകാരുമായി നേരത്തെ തന്നെ കുടുംബപ്രശ്‌നം നിലനിന്നിരുന്നെന്നും, അവിടുത്തെ മരുമകൾ അനുഷ താമസിക്കുന്ന വീടിൻ്റെ പുരയിടം വഴി വന്നതിനെ ചൊല്ലിയായിരുന്നു പ്രശ്‌നമെന്നും പൊലീസ് അറിയിച്ചു. പുറത്തുപോയിരുന്ന തന്നെ മകൾ ഫോണിൽ വിളിച്ച് വിവരം പറഞ്ഞ് കരഞ്ഞെന്ന് പിതാവ് പറയുന്നു. പിതാവ് ഉടൻ വീട്ടിലെത്തിയെങ്കിലും മകൾ മനോവിഷമത്തിൽ ഫാനിൽ തൂങ്ങിയ നിലയിൽ കണ്ടെത്തുകയായിരുന്നുവെന്നും പരാതിയിൽ പറയുന്നു.

ആശുപത്രിയിലേക്ക് കൊണ്ടുപോകുന്ന വഴിയാണ് പെൺകുട്ടി മരിച്ചത്. ഇരുനില വീടിൻ്റെ രണ്ടാം നിലയിലെ മുറിയിലെ ഫാനിൽ തൂങ്ങിയ നിലയിലായിരുന്നു അനുഷയെ കണ്ടെത്തിയത്. ധനുവച്ചപുരം ഐ.ടി.ഐ.യിൽ പ്രവേശനം നേടി ക്ലാസ് തുടങ്ങുന്നത് കാത്തിരിക്കുകയായിരുന്നു ഈ പെൺകുട്ടി.
 

ഈ സംഭവം അയൽബന്ധങ്ങളെയും മാനസികാരോഗ്യത്തെയും കുറിച്ച് എന്തു പറയുന്നു? നിങ്ങളുടെ അഭിപ്രായം കമന്‍റ് ചെയ്യൂ.

Article Summary: ITI student found dead after neighbor's abuse; woman arrested.

#Thiruvananthapuram #CrimeNews #MentalHealth #Neighborhood #Justice #Kerala