ബെംഗ്ളൂറു: (KVARTHA) ധർമ്മസ്ഥലയിൽ കൂട്ടത്തോടെ സ്ത്രീകളുടെ മൃതദേഹം മറവ് ചെയ്‌തെന്ന വെളിപ്പെടുത്തലിൽ പ്രതികരണവുമായി ജില്ലാ പോലീസ് മേധാവി. വെളിപ്പെടുത്തൽ നടത്തിയയാൾ ഒളിവിലാണെന്ന് വിവരം ലഭിച്ചതായി ദക്ഷിണ കന്നഡ എസ്.പി. കെ. അരുൺ അറിയിച്ചു. കൃത്യമായ നടപടിക്രമങ്ങൾ പാലിക്കാതെ മൃതദേഹങ്ങളുണ്ടോ എന്ന് തിരക്കിട്ട് പരിശോധിക്കാൻ കഴിയില്ലെന്ന് എസ്.പി. വ്യക്തമാക്കി.

കഴിഞ്ഞ കുറച്ച് ദിവസങ്ങളായി വെളിപ്പെടുത്തൽ നടത്തിയ മുൻ ശുചീകരണത്തൊഴിലാളിയെ പോലീസിന് ബന്ധപ്പെടാൻ കഴിഞ്ഞിരുന്നില്ല. പെട്ടെന്ന് വന്ന് മൃതദേഹം കുഴിച്ചെടുക്കാൻ പരിശോധന വേണമെന്ന് പറഞ്ഞാൽ അത് അംഗീകരിക്കില്ലെന്ന് എസ്.പി. പറഞ്ഞു. സമുദായ സംഘർഷമുണ്ടാകാൻ സാധ്യതയുള്ളതിനാൽ കൃത്യമായ സുരക്ഷ ഒരുക്കണം. നിയമപരമായ നടപടിക്രമങ്ങൾ പാലിച്ച ശേഷം മാത്രമേ ഇത്തരം നീക്കങ്ങളിലേക്ക് കടക്കൂ എന്നും എസ്.പി. കൂട്ടിച്ചേർത്തു.

സാക്ഷിയായ ഇയാൾക്ക് സുരക്ഷ നൽകണമെന്ന് നേരത്തേ ഇയാളെ കോടതിയിൽ ഹാജരാക്കിയ അഭിഭാഷകർ ആവശ്യപ്പെട്ടിരുന്നു. എന്നാൽ ഈ അഭിഭാഷകർ പിന്നീട് സാക്ഷിയായ ഇയാളുടെ വിവരങ്ങൾ നൽകിയില്ലെന്ന് പോലീസ് പറയുന്നു. സാക്ഷിയെ തിരിച്ചറിയാൻ സഹായിക്കുന്ന വിവരങ്ങൾ പുറത്തുവിട്ടത് അഭിഭാഷകരാണ്. വാർത്താക്കുറിപ്പുകളിലൂടെ സാക്ഷിയുടെ വിവരങ്ങൾ പലതും അഭിഭാഷകർ പുറത്തുവിട്ടു. സാക്ഷിയും അഭിഭാഷകരും കൃത്യമായി സഹകരിക്കാതെ അന്വേഷണം മുന്നോട്ട് പോകില്ലെന്നും പോലീസ് വ്യക്തമാക്കി. വെളിപ്പെടുത്തൽ നടത്തിയ സാക്ഷിക്ക് നുണ പരിശോധന നടത്തും.

ഇതിനായുള്ള കോടതി അനുമതി ലഭിച്ചാലുടൻ നടപടിക്രമങ്ങളിലേക്ക് കടക്കുമെന്നും പോലീസ് പറയുന്നു. അതേസമയം, കേസിൽ സുപ്രീംകോടതിയെ സമീപിക്കുമെന്ന് അഭിഭാഷകർ പ്രതികരിച്ചു. സാക്ഷിക്ക് സുരക്ഷ തേടി സുപ്രീംകോടതിയെ സമീപിക്കുമെന്ന് ഇയാളെ കോടതിയിൽ ഹാജരാക്കിയ അഭിഭാഷകർ അറിയിച്ചു.
 

ധർമ്മസ്ഥലയിലെ ഈ വെളിപ്പെടുത്തൽ സമൂഹത്തിൽ എന്ത് തരത്തിലുള്ള ചർച്ചകൾക്ക് വഴിയൊരുക്കും? നിങ്ങളുടെ അഭിപ്രായം പങ്കുവെക്കുക.

Article Summary: Dharma Sthala mass grave: police delay probe.

#DharmaSthala #MassGrave #PoliceInvestigation #CommunityConflict #KarnatakaCrime #LegalProcess