ധര്‍മ്മസ്ഥല: (KVARTHA) ധർമസ്ഥലയിൽ നിന്ന് കണ്ടെത്തിയ അസ്ഥിഭാഗങ്ങൾ ഏതൊക്കെയെന്ന് തിരിച്ചറിഞ്ഞു. കണ്ടെത്തിയ അസ്ഥികളിൽ അഞ്ചെണ്ണം പല്ലുകളും, ഒന്ന് താടിയെല്ലും, രണ്ട് തുടയെല്ലുകളും ഉൾപ്പെടുന്നു. ബാക്കിയുള്ളവ പൊട്ടിയ നിലയിലുള്ള അസ്ഥിഭാഗങ്ങളാണ്. ഈ ഭാഗങ്ങൾ ഏതൊക്കെയാണെന്ന് തിരിച്ചറിയാൻ വിശദമായ ഫോറൻസിക് പരിശോധന നടത്തും. ബെംഗ്ളൂറിലെ എഫ്എസ്എൽ ലാബിലാണ് ഇവയുടെ പരിശോധന നടക്കുക. വെള്ളിയാഴ്ച (01.08.2025) തന്നെ ശേഖരിച്ച അസ്ഥിഭാഗങ്ങൾ ബെംഗ്ളൂറിലേക്ക് അയക്കും.

മൃതദേഹം മറവ് ചെയ്‌തെന്ന് സാക്ഷി വെളിപ്പെടുത്തിയ സ്ഥലത്ത് വെള്ളിയാഴ്ചയും പരിശോധനകൾ നടക്കുന്നുണ്ട്. ധർമസ്ഥലയിലെ ആറ് പോയന്റുകളിലെ പരിശോധന പൂർത്തിയാക്കിയ പ്രത്യേക അന്വേഷണ സംഘം, വെള്ളിയാഴ്ച വനമേഖലയ്ക്ക് അകത്ത് തന്നെയുള്ള ഏഴാമത്തെ പോയന്റിൽ കുഴിച്ച് പരിശോധന തുടങ്ങും. വ്യാഴാഴ്ചത്തെ (31.07.2025) പരിശോധനയിലാണ് അന്വേഷണത്തിൽ വഴിത്തിരിവായി സാക്ഷി ചൂണ്ടിക്കാണിച്ച സ്ഥലത്ത് നിന്ന് അസ്ഥിക്കഷണങ്ങൾ കണ്ടെത്തിയത്.
 

ധർമസ്ഥലയിലെ ഈ കണ്ടെത്തലിനെക്കുറിച്ച് നിങ്ങളുടെ അഭിപ്രായം എന്താണ്?

Article Summary: Bone fragments identified from Dharmasthala, sent to Bengaluru for detailed forensic analysis.

#Dharmasthala #BoneFragments #ForensicAnalysis #Investigation #Karnataka #Mystery