മലപ്പുറം: (KVARTHA) ഡാൻസാഫ് സംഘവും മയക്കുമരുന്ന് കടത്തുകാരുമായുള്ള അഴിമതിയുടെ ആഴം വെളിപ്പെടുത്തുന്ന ഞെട്ടിക്കുന്ന തെളിവുകൾ പുറത്ത്. മയക്കുമരുന്ന് വാങ്ങുന്നതിനായി ഡാൻസാഫ് സംഘം മയക്കുമരുന്ന് കടത്തുകാരെ ബന്ധപ്പെടുന്ന ഓഡിയോ സന്ദേശങ്ങൾ മീഡിയവൺ ചാനലാണ് പുറത്തുവിട്ടത്.
ഡാൻസാഫ് സംഘം മാരക മയക്കുമരുന്ന് വാങ്ങാൻ ആവശ്യപ്പെടുന്നതും ഈ സംഭാഷണങ്ങളിലുണ്ട്.

40-50 ഗ്രാം കിട്ടിയാൽ പോരേ എന്നു ചോദിക്കുമ്പോൾ നൂറു മയക്കുമരുന്ന് വയനാട്ട് എത്തിച്ചുതരാനും നിർദേശിക്കുന്നുണ്ട്.  പൊലീസ് വാഹനത്തിന്റെ ബോർഡ് ലഹരി സംഘത്തിന് നൽകിയെന്നുള്ളതുമായ ഗുരുതര ആരോപണങ്ങളും ഉയർന്നിട്ടുണ്ട്. കോവിഡ് കാലത്ത് പോലും ലഹരി സംഘത്തോടൊപ്പം കേരളത്തിന് പുറത്തേക്ക് യാത്രകൾ നടത്തിയിരുന്നു എന്നും വെളിപ്പെടുത്തലുകളുണ്ട്. 

കോവിഡ് ബാധിച്ച ഒരു ഉദ്യോഗസ്ഥനെ ലഹരി കേസ് പ്രതി ഫോണിൽ വിളിക്കുന്ന സംഭാഷണവും പുറത്തുവന്നിട്ടുണ്ട്. മലപ്പുറത്തെ പൊലീസ് സ്റ്റേഷനുകളിൽ നിയമവിരുദ്ധ പ്രവർത്തനങ്ങൾ നടക്കുന്നുവെന്നതിന്റെ തെളിവായി ഈ വെളിപ്പെടുത്തലുകൾ വിലയിരുത്തപ്പെടുന്നു. നിരപരാധികളെ ഡാൻസാഫ് മയക്കുമരുന്ന് കേസിൽ കുടുക്കുന്നതായ നിരവധി പരാതികളും മലപ്പുറത്ത് ഉയർന്നിട്ടുണ്ട്. ഈ പശ്ചാത്തലത്തിൽ, പുറത്തുവന്ന ഈ വെളിപ്പെടുത്തലുകൾ വലിയ ചർച്ചയായിട്ടുണ്ട്.

#MalayalamNews #KeralaCrime #DrugTrafficking #PoliceCorruption #Investigation #DANSAF