തൃശ്ശൂര്‍: (KVARTHA) ലഡു കടം നൽകാത്തതിന് കടയുടമയെ ആക്രമിച്ചെന്ന പരാതിയില്‍ നടപടി. കേസെടുത്ത പൊലീസ് ചേലക്കര ഗ്രാമ പഞ്ചായത്ത് പരിധിയിലെ വിനു (46), സന്തോഷ് (43) എന്നിവരെ അറസ്റ്റ് ചെയ്തു. തോന്നൂർക്കര എം.എസ്.എൻ. ഓഡിറ്റോറിയത്തിന് സമീപമുള്ള വിഷ്ണുമായ സ്വീറ്റ്‌സ് എന്ന സ്ഥാപനത്തിലായിരുന്നു സംഭവം.

 ഞായറാഴ്ച വൈകുന്നേരം മദ്യലഹരിയിലെത്തിയ പ്രതികൾ ലഡു കടം ചോദിക്കുകയും കടയുടമ മണ്ണാർക്കാട് കുമരംപുത്തൂർ വലിയാട്ടിൽ മുരളിയെ (49) ആക്രമിക്കുകയും കടയ്ക്ക് നാശനഷ്ടങ്ങൾ വരുത്തുകയും ചെയ്തതായി പൊലീസ് പറഞ്ഞു. തുടര്‍ന്ന് രാത്രി തന്നെ പ്രതികളെ കണ്ടെത്തി പിടികൂടുകയായിരുന്നു. വധശ്രമത്തിനാണ് ഇവർക്കെതിരെ കേസെടുത്തിരിക്കുന്നതെന്ന് പൊലീസ് കൂട്ടിച്ചേര്‍ത്തു. 

ലഡു കടം നൽകാത്തതിന് കടയുടമയെ ആക്രമിച്ച സംഭവത്തെക്കുറിച്ച് നിങ്ങളുടെ അഭിപ്രായം രേഖപ്പെടുത്തുക. വാർത്ത സുഹൃത്തുക്കളുമായി പങ്കുവെക്കുക.

Article Summary: Drunk duo arrested for assaulting shopkeeper over denied laddu credit.

#KeralaCrime #Assault #LadduIncident #Chelakkara #ShopkeeperAttacked #Arrested