ബെംഗളൂരു: (KVARTHA) കർണാടകയിൽ ആറാം ക്ലാസുകാരിയെ ഓൺ ലൈനിൽ വിൽപനയ്ക്ക് വെച്ച സംഘത്തിലെ രണ്ടു പേരെ പൊലീസ് അറസ്റ്റ് ചെയ്തു. ബെംഗളൂറിലെ വിജയനഗരയിൽ ആണ് കൊടും ക്രൂരത നടന്നതായി റിപ്പോർട്ട് ചെയ്യപ്പെട്ടത്. ശോഭ, തുളസീകുമാർ എന്നീ രണ്ടു പേരെയാണ് കേസിൽ പൊലീസ് അറസ്റ്റ് ചെയ്തത്.

12 വയസ്സുള്ള പെൺകുട്ടിയെ പ്രതികൾ വാട്ട്‌സ്ആപ്പ് എന്ന സന്ദേശ കൈമാറ്റ ആപ്ലിക്കേഷൻ വഴി വിൽപനക്ക് വെക്കുകയായിരുന്നു എന്ന് പൊലീസ് പറയുന്നു. 'ആദ്യമായി ആർത്തവമുണ്ടായ കുട്ടിയുമായി ലൈംഗിക ബന്ധത്തിലേർപ്പെട്ടാൽ രോഗം മാറും' എന്ന അന്ധവിശ്വാസം പ്രചരിപ്പിച്ചായിരുന്നു ഈ മനുഷ്യക്കടത്ത് ശ്രമം. ലൈംഗിക ബന്ധം പൂലർത്തിയാൽ മാനസിക രോഗം മാറുമെന്ന വ്യാജ പ്രചാരണവും ഇവർ നടത്തിയതായി പൊലീസ് അറിയിച്ചു.

വാട്ട്‌സ്ആപ്പിലൂടെ പെൺകുട്ടിയെ വിൽപന നടത്താനുള്ള ശ്രമം സന്നദ്ധ സംഘടനകളുടെ ശ്രദ്ധയിൽപ്പെട്ടതോടെയാണ് പ്രതികൾ കുടുങ്ങിയത്. ഓടനാടി സേവാ സംഘ് എന്ന സന്നദ്ധ സംഘടന വിവരം അറിഞ്ഞ ഉടനെ തന്നെ പൊലീസിനെ സമീപിക്കുകയായിരുന്നു. സന്നദ്ധ സംഘടന നൽകിയ വിവരത്തിൻ്റെ അടിസ്ഥാനത്തിലാണ് പൊലീസ് അന്വേഷണം നടത്തി പ്രതികളെ അറസ്റ്റ് ചെയ്തത്.

ഈ സംഭവത്തിന് പിന്നിൽ വലിയൊരു റാക്കറ്റുണ്ടെന്നാണ് പൊലീസ് നൽകുന്ന പ്രാഥമിക സൂചന. കുട്ടിക്കടത്ത് റാക്കറ്റിനെക്കുറിച്ച് കൂടുതൽ വിവരങ്ങൾക്കായി പൊലീസ് അറസ്റ്റിലായവരെ ചോദ്യം ചെയ്തുവരികയാണ്.
 

അന്ധവിശ്വാസത്തിൻ്റെ പേരിൽ കുട്ടികളെ ദുരുപയോഗം ചെയ്യുന്നവർക്കെതിരെ കർശന നടപടി വേണം. നിങ്ങളുടെ അഭിപ്രായങ്ങൾ പങ്കുവെക്കൂ.

Article Summary: Two people were arrested in Bengaluru for attempting to sell a 12-year-old girl on WhatsApp using the false belief that intercourse with a menstruating girl cures illnesses.

#ChildTrafficking #BengaluruCrime #WhatsAppFraud #Arrest #POCSO #ChildSafety