കൊല്ലം: (KVARTHA) ഷാർജയിൽ ദുരൂഹസാഹചര്യത്തിൽ മരിച്ച അതുല്യയുടെ ഭർത്താവ് സതീഷ ശങ്കറിന് കൊല്ലം സെഷൻസ് കോടതി ഇടക്കാല ജാമ്യം അനുവദിച്ചു. രണ്ട് ലക്ഷം രൂപയുടെ ജാമ്യത്തിലാണ് സതീഷിന് കോടതി ഇടക്കാല ജാമ്യം അനുവദിച്ചത്. ഞായറാഴ്ച (10.08.2025) രാവിലെ തിരുവനന്തപുരം വിമാനത്താവളത്തിൽവെച്ചാണ് സതീഷിനെ പോലീസ് അറസ്റ്റ് ചെയ്തത്. തുടർന്ന് വലിയതുറ പോലീസിന് കൈമാറുകയും ചെയ്തു. ഷാർജയിൽനിന്ന് തിരുവനന്തപുരത്ത് വിമാനം ഇറങ്ങിയ ഉടൻ എമിഗ്രേഷൻ വിഭാഗമാണ് ഇയാളെ കസ്റ്റഡിയിലെടുത്തത്.

കൊല്ലം തേവലക്കര സ്വദേശിനിയായ അതുല്യയുടെ മരണം സംബന്ധിച്ച കേസ് കഴിഞ്ഞ ദിവസമാണ് സംസ്ഥാന ക്രൈംബ്രാഞ്ചിന് കൈമാറിയത്. കരുനാഗപ്പള്ളി എ.എസ്.പി. അഞ്ജലി ഭാവനയുടെ നേതൃത്വത്തിലാണ് നിലവിൽ അന്വേഷണം നടക്കുന്നത്. ഈ കേസാണ് സംസ്ഥാന ക്രൈംബ്രാഞ്ചിന് കൈമാറിയത്. ജൂലൈ 19-നാണ് അതുല്യയെ ഭർത്താവ് സതീഷിനൊപ്പം താമസിച്ചിരുന്ന ഷാർജയിലെ ഫ്ലാറ്റിൽ തൂങ്ങിമരിച്ചനിലയിൽ കണ്ടെത്തിയത്. അതുല്യയുടെ കുടുംബം നൽകിയ പരാതിയിൽ സതീഷിനെതിരെ കൊലക്കുറ്റം ചുമത്തി ചവറ തെക്കുംഭാഗം പോലീസ് കേസ് എടുക്കുകയായിരുന്നു.
 

അതുല്യയുടെ ദുരൂഹമരണം; ഭർത്താവിന് ജാമ്യം ലഭിച്ചതിനെക്കുറിച്ച് നിങ്ങളുടെ അഭിപ്രായം എന്താണ്? പങ്കുവയ്ക്കുക.

Article Summary: Athulya's husband, Satheesh, gets interim bail after his arrest in her suspicious death case.

#Athulya #SharjahDeath #Satheesh #CrimeNews #KeralaPolice #Bail