കണ്ണൂർ: (KVARTHA) നഗരത്തിലെ കാപ്പിറ്റോൾ മാൾ ലോഡ്ജിൽ മയക്കുമരുന്നുമായി കമിതാക്കളെ കണ്ണൂർ ടൗൺ പൊലീസ് അറസ്റ്റ് ചെയ്തു. നിഹാദ് മുഹമ്മദ്, അനാമിക സുധീപ് എന്നിവരാണ് പിടിയിലായത്. ഇവരിൽ നിന്നും നാല് ഗ്രാം എംഡിഎംഎയും, ഒൻപത് ഗ്രാം കഞ്ചാവും പൊലീസ് കണ്ടെടുത്തു.

കണ്ണൂർ ടൗൺ ഇൻസ്‌പെക്ടർ ശ്രീജിത്ത് കൊടേരിയുടെ നേതൃത്വത്തിൽ ശനിയാഴ്ചയാണ് റെയ്ഡ് നടന്നത്. കണ്ണൂർ - തലശേരി ദേശീയപാതയിലെ കാപ്പിറ്റോൾ മാളിന് സമീപത്തുള്ള ലോഡ്ജിൽ ലഹരി വിൽപ്പന നടക്കുന്നു എന്ന രഹസ്യ വിവരത്തെ തുടർന്നായിരുന്നു പൊലീസ് പരിശോധന. കമ്മീഷണർ പി. നിധിൻ രാജിൻ്റെ നിർദേശപ്രകാരമായിരുന്നു നഗരത്തിൽ വ്യാപക റെയ്ഡ് നടത്തിയത്.

അറസ്റ്റിലായ പ്രതികൾ മയക്കുമരുന്ന് റാക്കറ്റിലെ കണ്ണികളാണെന്ന് പൊലീസ് സംശയിക്കുന്നു.  പ്രതികളെ വിശദമായി ചോദ്യം ചെയ്ത ശേഷം കണ്ണൂർ കോടതിയിൽ ഹാജരാക്കുമെന്ന് പൊലീസ് അറിയിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Police in Kannur arrested two individuals with MDMA and cannabis in a raid at a lodge. They are suspected to be part of a drug trafficking network.

#DrugBust #KannurNews #PoliceRaid #DrugTrafficking #MDMA #Cannabis