കൊച്ചി: (KVARTHA) സംസ്ഥാനത്ത് ഒക്ടോബര്‍ മാസത്തിലെ അവസാന ദിവസമായ വെള്ളിയാഴ്ച (31.10.2025) ഇരട്ട വര്‍ധനവുമായെത്തി ഉപഭോക്താക്കളെ അമ്പരപ്പിച്ച സ്വര്‍ണവിലയില്‍ ആശ്വാസം. കേരളപിറവിദിനമായ നവംബര്‍ ഒന്നിന് സ്വര്‍ണത്തിന് നേരിയ ഇടിവ് രേഖപ്പെടുത്തി. ശനിയാഴ്ച 22 കാരറ്റ് സ്വര്‍ണത്തിന് ഗ്രാമിന് 25 രൂപ കുറഞ്ഞ് 11275 രൂപയും പവന് 200 രൂപ കുറഞ്ഞ് 90200 രൂപയിലുമാണ് വ്യാപാരം നടക്കുന്നത്. 

വെള്ളിയാഴ്ച രാവിലെയും ഉച്ചക്ക് ശേഷവുമായി പവന് മണിക്കൂറുകള്‍ക്കിടെ 1320 രൂപയാണ് കൂടിയത്. രാവിലെ 22 കാരറ്റ് സ്വര്‍ണത്തിന് ഗ്രാമിന് 110 രൂപ കൂടി 11245 രൂപയും പവന് 880 രൂപ കൂടി 89960 രൂപയിലും ഉച്ചക്ക് ശേഷം 22 കാരറ്റ് സ്വര്‍ണത്തിന് ഗ്രാമിന് 55 രൂപ കൂടി 11300 രൂപയും പവന് 440 രൂപ കൂടി 90400 രൂപയിലുമാണ് വ്യാപാരം നടന്നത്. 

18 കാരറ്റിനും വില കുറഞ്ഞു

ബി ഗോവിന്ദന്‍ വിഭാഗത്തിന് ഗ്രാമിന് 20 രൂപ കുറഞ്ഞ് 9310 രൂപയും പവന് 160 രൂപ കുറഞ്ഞ് 74480 രൂപയിലും കെ സുരേന്ദ്രന്‍ വിഭാഗത്തിന് ഗ്രാമിന് 20 രൂപ കുറഞ്ഞ് 9270 രൂപയും പവന് 160 രൂപ കുറഞ്ഞ് 74160 രൂപയിലുമാണ് കച്ചവടം നടക്കുന്നത്. 

14 കാരറ്റിനും 9 കാരറ്റിനും നേരിയ വിലക്കുറവ്

കെ സുരേന്ദ്രന്‍ വിഭാഗത്തിന് 14 കാരറ്റിന് ഗ്രാമിന് 15 രൂപ കുറഞ്ഞ് 7215 രൂപയും പവന് 120 രൂപ കുറഞ്ഞ് 57720 രൂപയും ഒന്‍പത് കാരറ്റിന് ഗ്രാമിന് 10 രൂപ കുറഞ്ഞ് 4680 രൂപയും പവന് 80 രൂപ കുറഞ്ഞ് 37440 രൂപയുമാണ്.

വെള്ളിക്ക് വ്യത്യസ്ത നിരക്കുകള്‍

അതേസമയം, ഇരുവിഭാഗം വെള്ളി നിരക്കുകളിലും മാറ്റമില്ല. ബി ഗോവിന്ദന്‍ വിഭാഗത്തിന് ഒരു ഗ്രാം സാധാരണ വെള്ളിക്ക് 160 രൂപയും മറുവിഭാഗത്തിന് 157 രൂപയിലുമാണ് വ്യാപാരം പുരോഗമിക്കുന്നത്.
 

കേരളപ്പിറവി ദിനത്തിലെ സ്വർണവില മാറ്റങ്ങളെക്കുറിച്ച് നിങ്ങളുടെ അഭിപ്രായം കമൻ്റ് ചെയ്യുക.

Article Summary: Gold price fell by 200 rupees on Kerala Piravi day, now 90200 per sovereign.

#GoldPriceKerala #KeralaPiravi #GoldRateToday #PriceDrop #KeralaNews #Jewellery