കൊച്ചി: (KVARTHA) സംസ്ഥാനത്ത് ആഗസ്ത് ആദ്യ ദിനത്തില്‍ ഉപഭോക്താക്കള്‍ക്ക് ആശ്വാസമായി ഇടിവുമായെത്തിയ സ്വര്‍ണവില കുതിക്കുന്നു. ഒറ്റ ദിവസത്തിനിടെ പവന് 1120 രൂപയുടെ വര്‍ധനവാണ് രേഖപ്പെടുത്തിയത്. ശനിയാഴ്ച (02.08.2025) 22 കാരറ്റ് സ്വര്‍ണത്തിന് ഇരു വിഭാഗത്തിനും ഗ്രാമിന് 140 രൂപ കൂടി 9290 രൂപയും പവന് 1120 രൂപ കൂടി 74320 രൂപയുമാണ്. 

വെള്ളിയാഴ്ച (01.08.2025) 22 കാരറ്റ് സ്വര്‍ണത്തിന് ഇരു വിഭാഗത്തിനും ഗ്രാമിന് 20 രൂപ കുറഞ്ഞ് 9150 രൂപയും പവന് 160 രൂപ കുറഞ്ഞ് 73200 രൂപയും വ്യാഴാഴ്ച (31.07.2025) 22 കാരറ്റ് സ്വര്‍ണത്തിന് ഇരു വിഭാഗത്തിനും ഗ്രാമിന് 40 രൂപ കുറഞ്ഞ് 9170 രൂപയും പവന് 320 രൂപ കുറഞ്ഞ് 73360 രൂപയുമായിരുന്നു. 

18 കാരറ്റിനും വില കൂടി

ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്‍ച്ചന്റ്‌സ് അസോസിയേഷനിലെ (AKGSMA) കെ സുരേന്ദ്രന്‍ പ്രസിഡന്റും അഡ്വ. എസ് അബ്ദുള്‍ നാസര്‍ സെക്രട്ടറിയുമായുള്ള വിഭാഗത്തിന് ആഗസ്ത് രണ്ടിന് ഗ്രാമിന് 110 രൂപ കൂടി 7620 രൂപയിലും പവന് 880 രൂപ കൂടി 60960 രൂപയിലുമാണ് കച്ചവടം നടക്കുന്നത്. 

ഡോ. ബി ഗോവിന്ദന്‍ ചെയര്‍മാനും ജസ്റ്റിന്‍ പാലത്ര പ്രസിഡന്റുമായുള്ള (AKGSMA) വിഭാഗത്തിന് ശനിയാഴ്ച ഗ്രാമിന് 125 രൂപ കൂടി 7680 രൂപയും പവന് 1000 രൂപ കൂടി 61440 രൂപയിലുമാണ് കച്ചവടം നടക്കുന്നത്. 

14 കാരറ്റിനും 9 കാരറ്റിനും ഉയര്‍ന്നു

അതേസമയം, കെ സുരേന്ദ്രന്‍ വിഭാഗത്തിന് 14 കാരറ്റിന്റെ വിലയും ഒന്‍പത് കാരറ്റിന്റെ വിലയും ഉയര്‍ന്നിട്ടുണ്ട്. 14 കാരറ്റിന് ഗ്രാമിന് 85 രൂപ കൂടി 5935 രൂപയും പവന് 664 രൂപ കൂടി 47464 രൂപയുമാണ്. ഒന്‍പത് കാരറ്റിന് ഗ്രാമിന് 55 രൂപ കൂടി 3825 രൂപയും പവന് 440 രൂപ കൂടി 30600 രൂപയുമാണ്. 

വെള്ളിക്ക് വ്യത്യസ്ത നിരക്കുകള്‍

ശനിയാഴ്ച ഒരു ഗ്രാം സാധാരണ വെള്ളിക്ക് വ്യത്യസ്ത നിരക്കുകളിലാണ് കച്ചവടം നടക്കുന്നത്. കെ സുരേന്ദ്രന്‍ വിഭാഗത്തിന് ഒരു ഗ്രാം സാധാരണ വെള്ളിക്ക് വിലയില്‍ മാറ്റമില്ല. 120 രൂപയിലും മറു വിഭാഗത്തിന് 121 രൂപയില്‍നിന്ന് നാല് രൂപ കൂടി 125 രൂപയിലുമാണ് കച്ചവടം നടക്കുന്നത്. 

സ്വർണവിലയിലെ ഈ കുതിച്ചുചാട്ടം നിങ്ങളെ എങ്ങനെ ബാധിക്കുന്നു? അഭിപ്രായങ്ങള്‍ പങ്കുവെക്കുക.

Article Summary: Kerala gold price jumps by ₹1,120 per sovereign in one day.

#GoldPrice #KeralaGold #GoldRate #FinancialNews #MarketUpdate #Jewellery