കൊച്ചി: (KVARTHA) സംസ്ഥാനത്ത് ഇടിവില്‍നിന്ന് തലപൊക്കി സ്വര്‍ണവില. മേയ് 16 ന് വെള്ളിയാഴ്ച സ്വര്‍ണനിരക്ക് കൂടി. ഇരു വിഭാഗം സ്വര്‍ണവ്യാപാരികളും 22 കാരറ്റിന് ഒരേ നിരക്കാണ് കൂട്ടിയത്. 22 കാരറ്റിന് ഗ്രാമിന് 110 രൂപ കൂട്ടി 8720 രൂപയിലും പവന് 880 രൂപ കൂട്ടി 69760 രൂപയിലുമാണ് വ്യാപാരം നടക്കുന്നത്.

മേയ് 15 ന് വ്യാഴാഴ്ച ഇടിവ് രേഖപ്പെടുത്തിയിരുന്നു. 22 കാരറ്റിന് ഗ്രാമിന് 195 രൂപ കുറച്ച് 8610 രൂപയിലും പവന് 1560 രൂപ കുറച്ച് 68880 രൂപയിലുമാണ് വ്യാപാരം നടന്നത്. മേയ് 14 ന് ബുധനാഴ്ച 22 കാരറ്റിന് ഗ്രാമിന് 40 രൂപ കൂട്ടി 8805 രൂപയിലും പവന് 320 രൂപ കൂട്ടി 70440 രൂപയിലുമാണ് വ്യാപാരം നടന്നത്.

18 കാരറ്റിന് വ്യത്യസ്ത നിരക്കുകള്‍

ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്‍ച്ചന്റ്‌സ് അസോസിയേഷനിലെ (AKGSMA) കെ സുരേന്ദ്രന്‍ പ്രസിഡന്റും അഡ്വ. എസ് അബ്ദുള്‍ നാസര്‍ സെക്രട്ടറിയുമായുള്ള വിഭാഗത്തിന് മേയ് 16 ന് 18 കാരറ്റ് സ്വര്‍ണത്തിന് ഗ്രാമിന് 90 രൂപ കൂട്ടി 7150 രൂപയും ഒരു പവന്റെ വില 720 രൂപ കൂട്ടി 57200 രൂപയുമാണ്. ഒരു ഗ്രാം സാധാരണ വെള്ളിക്ക് 107 രൂപയിലാണ് വ്യാപാരം നടക്കുന്നത്.

ഡോ. ബി ഗോവിന്ദന്‍ ചെയര്‍മാനും ജസ്റ്റിന്‍ പാലത്ര പ്രസിഡന്റുമായുള്ള (AKGSMA) വിഭാഗത്തിന് വെള്ളിയാഴ്ച 18 ഗ്രാം സ്വര്‍ണത്തിന് 90 രൂപ കൂടി 7185 രൂപയിലും പവന് 720 രൂപ കൂട്ടി 57480 രൂപയിലുമാണ് കച്ചവടം പുരോഗമിക്കുന്നത്. ഒരു ഗ്രാം സാധാരണ വെള്ളിക്കും വില കൂട്ടി. 107 രൂപയില്‍നിന്ന് ഒരു രൂപ കൂട്ടി 108 രൂപയിലുമാണ് വ്യാപാരം നടക്കുന്നത്.

സ്വർണവിലയിലെ ഈ വർധനവിനെക്കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക.

Article Summary: Gold prices in Kerala rebounded sharply on Friday, with a significant increase of ₹880 per sovereign for 22-carat gold. The price surge follows a dip on Thursday, bringing the trading price to ₹69,760 per sovereign. 18-carat gold also witnessed a price hike.

#GoldPrice, #KeralaGold, #PriceHike, #GoldMarket, #Jewellery, #Economy