കൊച്ചി: (KVARTHA) സംസ്ഥാനത്ത് വ്യാഴാഴ്ച (23.10.2025) സ്വര്‍ണവിലയില്‍ ഇടിവ് രേഖപ്പെടുത്തി. തുടര്‍ച്ചയായ രണ്ടാം ദിവസമാണ് സ്വര്‍ണവില ആശ്വാസമായി കുറയുന്നത്. വ്യാഴാഴ്ച 22 കാരറ്റ് സ്വര്‍ണത്തിന് ഗ്രാമിന് 75 രൂപ കുറഞ്ഞ് 11465 രൂപയും പവന് 600 രൂപ കുറഞ്ഞ് 91720 രൂപയിലുമാണ് വ്യാപാരം നടക്കുന്നത്. 

ബുധനാഴ്ച (22.10.2023) രണ്ട് തവണ ഇടിവ് രേഖപ്പെടുത്തിയിരുന്നു. മണിക്കൂറുകളുടെ വ്യത്യാസത്തില്‍ പവന് 3440 രൂപയാണ് കുറഞ്ഞത്. രാവിലെ 22 കാരറ്റ് സ്വര്‍ണത്തിന് ഗ്രാമിന് 310 രൂപ കുറഞ്ഞ് 11660 രൂപയും പവന് 2480 രൂപ കുറഞ്ഞ് 93280 രൂപയിലും വൈകാതെ ഉച്ചക്ക് ശേഷം 22 കാരറ്റ് സ്വര്‍ണത്തിന് ഗ്രാമിന് 120 രൂപ കുറഞ്ഞ് 11540 രൂപയും പവന് 960 രൂപ കുറഞ്ഞ് 92320 രൂപയിലും എത്തുകയായിരുന്നു. 

18 കാരറ്റിനും വില കുറഞ്ഞു

വ്യാഴാഴ്ച 18 കാരറ്റിനും വില കുറഞ്ഞു. ബി ഗോവിന്ദന്‍ വിഭാഗത്തിന് ഗ്രാമിന് 60 രൂപ കുറഞ്ഞ് 9480 രൂപയും പവന് 400 രൂപ കുറഞ്ഞ് 75840 രൂപയിലും കെ സുരേന്ദ്രന്‍ വിഭാഗത്തിന് ഗ്രാമിന് 60 രൂപ കുറഞ്ഞ് 9430 രൂപയും പവന് 480 രൂപ കുറഞ്ഞ് 75440 രൂപയിലുമാണ് കച്ചവടം നടക്കുന്നത്. 

14 കാരറ്റിനും 9 കാരറ്റിനും വിലയില്‍ ഇടിവ്

കെ സുരേന്ദ്രന്‍ വിഭാഗത്തിന് 14 കാരറ്റിന് ഗ്രാമിന് 50 രൂപ കുറഞ്ഞ് 7350 രൂപയും പവന് 400 രൂപ കുറഞ്ഞ് 58800 രൂപയും ഒന്‍പത് കാരറ്റിന് ഗ്രാമിന് 30 രൂപ കുറഞ്ഞ് 4750 രൂപയും പവന് 240 രൂപ കുറഞ്ഞ് 38000 രൂപയുമാണ്. 

വെള്ളി നിരക്കും താഴേക്ക്

ഇരു വിഭാഗത്തിനും വെള്ളി നിരക്കും കുറഞ്ഞിട്ടുണ്ട്. ബി ഗോവിന്ദന്‍ വിഭാഗത്തിന് ഒരു ഗ്രാം സാധാരണ വെള്ളിക്ക് 180 രൂപയില്‍നിന്ന് 10 രൂപ കുറഞ്ഞ് 170 രൂപയും മറുവിഭാഗത്തിന് 175 രൂപയില്‍നിന്ന് 10 രൂപ കുറഞ്ഞ് 165 രുപയിലുമാണ് വ്യാപാരം പുരോഗമിക്കുന്നത്.
 

സ്വർണം വാങ്ങാൻ ഇതാണ് നല്ല സമയമെന്ന് നിങ്ങൾ കരുതുന്നുണ്ടോ? വിലയിരുത്തൽ പങ്കുവയ്ക്കുക.

Article Summary: Gold price drops for second day; Sovereign down by 600 rupees, Silver also falls.

#GoldPrice #KeralaGold #PriceDrop #GoldRateToday #SilverPrice #FinancialNews