കൊച്ചി: (KVARTHA) സംസ്ഥാനത്ത് മേയ് 13 ന് ചൊവ്വാഴ്ച സ്വര്‍ണവിലയില്‍ വര്‍ധനവ് രേഖപ്പെടുത്തി. മേയ് 12 ന് രാവിലെയും ഉച്ചയ്ക്ക് ശേഷവുമായി തുടര്‍ച്ചയായ രണ്ട് തവണ 2360 പവന് താഴ്ന്നതിന് പിന്നാലെയാണ് ചൊവ്വാഴ്ച സ്വര്‍ണനിരക്ക് കൂടിയത്. ഇരു വിഭാഗം സ്വര്‍ണവ്യാപാരികളും 22 കാരറ്റിന് ഒരേ നിരക്കാണ് കൂട്ടിയത്. 22 കാരറ്റിന് ഗ്രാമിന് 15 രൂപ കൂടി 8765 രൂപയിലും പവന് 120 രൂപ കൂടി 70120 രൂപയിലുമാണ് വ്യാപാരം നടക്കുന്നത്.

മേയ് 12 ന് രാവിലെ 1320 രൂപയുടെ ഇടിവുമായെത്തിയ സ്വര്‍ണത്തിന് ഉച്ചയ്ക്ക് ശേഷം വീണ്ടും 1040 രൂപ കുറയുകയായിരുന്നു. രാവിലെ 22 കാരറ്റിന് ഗ്രാമിന് 165 രൂപ കുറച്ച് 8880 രൂപയിലും പവന് 1320 രൂപ കുറച്ച് 71040 രൂപയിലുമാണ് വ്യാപാരം നടന്നത്. ഉച്ചയ്ക്ക് ശേഷം 22 കാരറ്റിന് ഗ്രാമിന് 130 രൂപ കുറച്ച് 8750 രൂപയിലും പവന് 1040 രൂപ കുറച്ച് 70000 രൂപയിലുമാണ് വ്യാപാരം നടന്നത്.

മേയ് 13 ന് 18 കാരറ്റിന് വ്യത്യസ്ത നിരക്കുകള്‍

ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്‍ച്ചന്റ്‌സ് അസോസിയേഷനിലെ (AKGSMA) കെ സുരേന്ദ്രന്‍ പ്രസിഡന്റും അഡ്വ. എസ് അബ്ദുള്‍ നാസര്‍ സെക്രട്ടറിയുമായുള്ള വിഭാഗത്തിന് മേയ് 13 ന് 18 കാരറ്റ് സ്വര്‍ണത്തിന് ഗ്രാമിന് 10 രൂപ കൂട്ടി 7190 രൂപയും ഒരു പവന്റെ വില 80 രൂപ കൂട്ടി 57520 രൂപയുമാണ്. ഒരു ഗ്രാം സാധാരണ വെള്ളിക്ക് 108 രൂപയിലാണ് വ്യാപാരം നടക്കുന്നത്.

ഡോ. ബി ഗോവിന്ദന്‍ ചെയര്‍മാനും ജസ്റ്റിന്‍ പാലത്ര പ്രസിഡന്റുമായുള്ള (AKGSMA) വിഭാഗത്തിന് ചൊവ്വാഴ്ച 18 ഗ്രാം സ്വര്‍ണത്തിന് 10 രൂപ കൂട്ടി 7220 രൂപയിലും പവന് 80 രൂപ കൂട്ടി 57760 രൂപയിലുമാണ് കച്ചവടം പുരോഗമിച്ചത്. ഒരു ഗ്രാം സാധാരണ വെള്ളിക്ക് 108 രൂപയിലുമാണ് വ്യാപാരം നടക്കുന്നത്.

സ്വർണ്ണവിലയിലെ മാറ്റങ്ങളെക്കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക! ഈ വാർത്ത മറ്റുള്ളവരിലേക്ക് ഷെയർ ചെയ്യുക.

Article Summary: Gold prices in Kerala saw a slight increase on Tuesday after a significant drop on Monday. The price of 22-carat gold rose by ₹15 per gram and ₹120 per sovereign. There was also an increase in the price of 18-carat gold, with different rates offered by two factions of the AKGSMA. Silver price remained steady.

#GoldPrice, #Kerala, #BusinessNews, #AKGSMA, #MarketUpdate, #Commodity