കൊച്ചി: (KVARTHA) സംസ്ഥാനത്ത് കഴിഞ്ഞ ദിവസങ്ങളില്‍ നേരിയ ഇടിവ് രേഖപ്പെടുത്തിയ സ്വര്‍ണവിലയില്‍ വന്‍ വര്‍ധനവ്. പവന് 82000 രൂപയും കടന്ന് ഉപഭോക്താക്കളെ ഞെട്ടിച്ചിരിക്കുകയാണ്. സെപ്തംബര്‍ 16 ചൊവ്വാഴ്ച 22 കാരറ്റ് സ്വര്‍ണത്തിന് ഗ്രാമിന് 80 രൂപ കൂടി 10260 രൂപയും പവന് 640 രൂപ കൂടി 82080 രൂപയിലുമാണ് വ്യാപാരം നടക്കുന്നത്. 

സെപ്തംബര്‍ 15 തിങ്കളാഴ്ച 22 കാരറ്റ് സ്വര്‍ണത്തിന് ഗ്രാമിന് 10 രൂപ കുറഞ്ഞ് 10180 രൂപയും പവന് 80 രൂപ കുറഞ്ഞ് 81440 രൂപയും സെപ്തംബര്‍ 13 ശനിയാഴ്ച 22 കാരറ്റ് സ്വര്‍ണത്തിന് ഗ്രാമിന് 10 രൂപ കുറഞ്ഞ് 10190 രൂപയും പവന് 80 രൂപ കുറഞ്ഞ് 81520 രൂപയുമായിരുന്നു. ശനിയാഴ്ചത്തെ വിലയില്‍ തന്നെയാണ് ഞായറാഴ്ചയും (14.09.2025) വ്യാപാരം നടന്നത്. 

18 കാരറ്റിനും വിലയില്‍ വര്‍ധനവ് 

സെപ്തംബര്‍ 16 ന് 18 കാരറ്റിന് വ്യത്യസ്ത നിരക്കുകളാണ്. കെ സുരേന്ദ്രന്‍ വിഭാഗത്തിന് ഗ്രാമിന് 60 രൂപ കൂടി 8425 രൂപയിലും പവന് 480 രൂപ കൂടി 67400 രൂപയിലും ബി ഗോവിന്ദന്‍ വിഭാഗത്തിന് ഗ്രാമിന് 65 രൂപ കൂടി 8500 രൂപയും പവന് 520 രൂപ കുറഞ്ഞ് 68000 രൂപയുമാണ് കച്ചവടം നടക്കുന്നത്. 

14 കാരറ്റിനും 9 കാരറ്റിനും വില കൂടി

കെ സുരേന്ദ്രന്‍ വിഭാഗത്തിന് 14 കാരറ്റിന്റെയും 9 കാരറ്റിന്റെയും നിരക്കില്‍ വര്‍ധനവ് ഉണ്ടായി. 14 കാരറ്റിന് ഗ്രാമിന് 45 രൂപ കൂടി 6560 രൂപയും പവന് 360 രൂപ കൂടി 52480 രൂപയുമാണ്. ഒന്‍പത് കാരറ്റിന് ഗ്രാമിന് 30 രൂപ കൂടി 4230 രൂപയും പവന് 240 രൂപ കൂടി 33840 രൂപയുമാണ്. 

വെള്ളി വിലയും ഉയര്‍ന്നു

കെ സുരേന്ദ്രന്‍ വിഭാഗത്തിന് ചൊവ്വാഴ്ച ഒരു ഗ്രാം സാധാരണ വെള്ളിയുടെ വില 135 രൂപയില്‍നിന്ന് രണ്ട് രൂപ കൂടി 137 രൂപയും മറു വിഭാഗത്തിന് 140 രൂപയില്‍നിന്ന് ഒരു രൂപ കൂടി 141 രൂപയുമാണ്. 

സ്വര്‍ണ്ണവിലയിലെ വര്‍ധനവ് നിങ്ങളുടെ നിക്ഷേപങ്ങളെ എങ്ങനെ ബാധിക്കും അഭിപ്രായങ്ങള്‍ പങ്കുവെക്കുക.

Article Summary: Gold price rises in Kerala, crosses ₹82,000.

#GoldPrice #Kerala #GoldRate #MarketUpdate #Jewellery #Investment