സുശീല്‍ കുമാര്‍ ഷിന്‍ഡേയെ ശസ്ത്രക്രിയക്ക് വിധേയനാക്കി

മുംബൈ: കേന്ദ്ര ആഭ്യന്തരമന്ത്രി സുശീല്‍ കുമാര്‍ ഷിന്‍ഡേയെ ശസ്ത്രക്രിയക്ക് വിധേയനാക്കി. ശ്വാസകോശ സംബന്ധമായ രോഗത്തെതുടര്‍ന്ന് ഞായറാഴ്ച രാവിലെയാണ് ഷിന്‍ഡേയെ ശസ്ത്രക്രിയ ചെയ്തത്. മകള്‍ പ്രനീതിയാണ് ഇക്കാര്യം മാധ്യമങ്ങളെ അറിയിച്ചത്. ശനിയാഴ്ച രാത്രിയാണ് ഷിന്‍ഡേയെ മുംബൈയിലെ ബ്രീച്ച് കാന്‍ഡി ആശുപത്രിയില്‍ പ്രവേശിപ്പിച്ചത്.

ആര്‍ ദേശ്പാണ്ഡെ, എ ജോഗ് എന്നീ ഡോക്ടര്‍മാരുടെ പരിചരണത്തില്‍ കഴിയുകയാണ് ഷിന്‍ഡേ. ഭയക്കാനൊന്നുമില്ലെന്നും ഷിന്‍ഡേയുടേത് ചെറിയ ശസ്ത്രക്രിയയാണെന്നും കോണ്‍ഗ്രസ് നിയമസഭാംഗം കൂടിയായ മകള്‍ പ്രനീതി അറിയിച്ചു.

ശസ്ത്രക്രിയയെതുടര്‍ന്ന് ഷിന്‍ഡേയെ തീവ്രപരിചരണ വിഭാഗത്തിലേയ്ക്ക് മാറ്റി. പത്ത് ദിവസങ്ങള്‍ക്ക് ശേഷം മാത്രമേ അദ്ദേഹത്തെ ഡിസ്ചാര്‍ജ്ജ് ചെയ്യൂവെന്നാണ് റിപോര്‍ട്ട്.

SUMMARY: Mumbai: Union Home Minister Sushil Kumar Shinde underwent surgery for a lung ailment at a private hospital on Sunday morning, his daughter Praniti said.

Keywords: Sushilkumar Shinde, ,operation, 10 days, Hospital, Mumbai, National, Kerala News, International News, National News, Gulf News, Health News, Educational News, Business News, Stock News, Gold News.